ꓠꓖꓳ ꓔꓯꓸ ꓟꓳꓸ ꓙꓵꓽ ꓗ ꓬꓲꓸ ꓫꓵꓼ ꓫꓬꓹ ꓔꓬ ꓟ ꓔꓯ ꓪꓽ ꓟꓽ ꓓ ꓐꓯ ꓢꓲꓸ ꓕꓮꓲꓹ ꓗꓴꓷꓼ ꓐ-ꓗꓳꓼ ꓡꓳ ꓒꓱ ꓗꓪ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 30 ꓠꓬꓲ ꓕꓯꓽ ꓠꓖꓳ ꓜꓴ (60) ꓗꓪ ꓐꓰ ꓡ ꓞꓳ 100 ꓣꓳ ꓟꓽ ꓞꓲ ꓒꓳꓹ ꓔꓳꓹ ꓘꓴ ꓔꓴ ꓗꓷꓳ꓿
![](https://lisutimes.com/wp-content/uploads/2022/05/FB_IMG_1653925219801.jpg)
![](https://lisutimes.com/wp-content/uploads/2022/05/FB_IMG_1653925211716.jpg)
ꓕꓮꓲꓹ ꓟꓯꓼ ꓠꓰ ꓠꓖꓳ (ꓙꓵꓽ ꓢꓴ ꓟꓽ ꓥ꓾ ꓶ ꓡꓯꓼ ꓟꓽ ꓬꓰ꓾ ꓬꓰ ꓙ ꓔꓳꓹ ꓙ ꓜꓴ) ꓐꓴ ꓔꓯ ꓙꓵꓽ ꓗꓪꓼ ꓡ ꓔꓳꓼ ꓟ ꓙꓵꓽ ꓗ ꓬꓲꓸ ꓫꓵꓼ ꓔꓯ ꓪꓽ ꓟꓽ ꓓ ꓐꓯ ꓔꓬ ꓟ ꓥ ꓡꓳ꓿
ꓙꓵꓽ ꓗ ꓫꓵꓼ ꓖꓳ ꓟ ꓗꓪ ꓠꓖꓳ ꓮ ꓡꓲ ꓕꓲ ꓜꓴ ꓥ ꓟꓲ ꓬꓲꓸ ꓪ ꓒꓴ ꓮ ꓡꓲ ꓕꓲ ꓚꓱꓹ ꓗꓪ ꓮ ꓟꓬ ꓣꓱꓽˍ ꓟ ꓗꓴꓷꓼ ꓙꓵꓽ ꓜꓴ ꓔꓯꓸ ꓬꓲꓸ ꓚꓰꓺ ꓬꓲꓸ ꓠꓬꓳ ꓒ ꓡꓱꓻ ꓟꓸ ꓠ ꓔꓸ ꓡꓳ꓾ ꓐꓯˍ ꓡꓳ꓿
![](https://lisutimes.com/wp-content/uploads/2022/05/FB_IMG_1653925208338.jpg)
![](https://lisutimes.com/wp-content/uploads/2022/05/FB_IMG_1653925205214.jpg)
ꓠꓖꓳ ꓠꓬ ꓗꓴꓷꓼ ꓙꓵꓽ ꓢꓴ ꓟꓽ ꓥ ꓟ ꓫꓱꓸ ꓤꓼ ꓟꓬ3ꓽ ꓐꓰ꓾ ꓪꓴꓽ ꓟꓴ ꓡ ꓚꓱꓹ ꓗꓪ ꓔꓳꓹ ꓙ ꓬꓰ ꓙ ꓠꓲꓹ ꓫꓵ ꓢꓴ ꓐꓴ ꓡꓰ ꓬꓲꓸ ꓜꓴ ꓒꓴ ꓢꓲꓸ ꓬꓰ ꓙ ꓢꓯꓼ ꓖꓶˍ ꓟ ꓟꓬ3ꓽ ꓥ ꓡꓳ꓿
“ꓗꓴꓷꓼ ꓢꓲ ꓡꓲꓹ ꓡ ꓚꓱꓹ꓾ ꓗꓴꓷꓼ ꓔꓯ ꓡꓳꓸ ꓙ ꓗꓽ ꓙ ꓚꓱꓹ ꓐꓱ ꓶ ꓕꓱ ꓡꓱ ꓬꓰ ꓠ ꓗꓹ ꓡꓳ꓾” ꓐꓰ ꓟꓯꓼ ꓙꓵꓽ ꓢꓴ ꓐꓴ ꓡꓰ ꓐꓯˍ ꓡꓳ꓿
ꓙꓵꓽ ꓗ ꓕꓱ ꓟ ꓔꓶ ꓓꓳ ꓡ ꓠꓬ ꓕꓮꓲꓹ ꓗꓪ ꓙꓳˍ ꓟ ꓠꓖꓳ ꓮ ꓟꓬꓹ ꓠꓬ ꓟꓬꓱꓽ ꓬꓰ ꓗꓸ ꓟꓽ ꓘꓳ ꓗꓷ ꓡꓰ ꓡ ꓥꓳ ꓐꓰ ꓙꓽ ꓫꓸ ꓔꓬ ꓡꓳ꓿