ꓒ-ꓑꓳ ꓙ ꓖꓴ ꓗꓪ ꓐꓖꓝ ꓟꓯꓼ ꓮ ꓙꓵꓽ ꓐꓶ ꓢꓰꓼ꓾ ꓟꓯꓼ ꓶ ꓤ ꓫꓺ ꓪ

ꓒ-ꓑꓳ ꓡꓳ ꓒꓱ ꓗꓪ ꓐꓖꓝ ꓟꓯꓼ ꓟꓳ ꓓꓳ ꓕꓲ ꓦꓲ ꓗꓪ ꓜꓶꓽ ꓡ ꓟ ꓐꓖꓝ ꓟꓯꓼ ꓮ ꓙꓵꓽ ꓗꓠꓡꓮ ꓡꓰꓽ ꓐꓶ ꓢꓰꓼ ꓢꓲꓸ ꓟꓯꓼ ꓶ ꓤ ꓫꓺ ꓪ ꓡꓰꓳ ꓐꓰ ꓗꓠꓴ ꓟꓯꓼ ꓒꓱ (5) ꓡꓰ ꓠꓬꓲꓸ ꓠꓬꓲ 2022 ꓘꓳꓼ 7 ꓦ (5) ꓠꓬꓲ ꓕꓯꓽ ꓓꓳꓽ ꓐꓳˍ ꓡꓳ꓿

ꓐꓖꓝ 7 ꓣꓳꓽ ꓜꓶꓽ ꓡ ꓟ ꓔꓯ ꓗꓠꓡꓮ ꓡꓰ ꓮ ꓙꓵꓽ ꓢꓰꓼ ꓪ ꓡꓰ꓾ ꓟꓳ-ꓓꓳ ꓠꓬ ꓮ ꓔꓳꓸ ꓛꓴ ꓗꓷꓳ ꓐꓯ ꓔꓸ ꓡꓳ꓿

ꓗꓠꓴ ꓠꓬ ꓗ-ꓬꓲ ꓫꓵꓽ ꓜꓴ ꓓꓽ ꓟ ꓥ ꓢꓲ꓾ ꓗꓠꓡꓮ ꓠꓬ ꓜꓴ ꓖꓳ ꓟ ꓡꓯꓼ ꓛꓲ ꓗꓪ ꓟꓯꓼ ꓬꓰ ꓔꓬ ꓢꓴ ꓐꓴ ꓥ ꓡꓳ꓿

ꓐꓖꓝ ꓠꓬ ꓧꓶꓸ ꓕꓯꓽ ꓗꓠꓴ ꓗꓪ ꓐꓰ ꓧꓹ ꓙꓰ ꓢꓲꓸ ꓟꓬ-ꓟ ꓟꓯꓼ ꓡꓯ ꓛꓲ ꓗꓪ ꓟꓵꓽ ꓫꓸ ꓗ ꓡꓳꓸ ꓟꓯꓼ (Border Guard Force) ꓒꓬꓱꓼ ꓡ ꓢꓴ ꓐꓴ ꓥ ꓡꓳ꓿

ꓕꓱ ꓟ ꓠꓬ ꓗꓳꓸ ꓗꓷ ꓟ 7 ꓦ 1 ꓠꓬꓲ ꓕꓯꓽ ꓢꓰꓼ ꓧꓪꓸ ꓡꓰ ꓟ ꓓꓳꓽ ꓥ ꓢꓲꓸ ꓠꓬꓲꓸ ꓠꓬꓲ ꓢꓲꓸ ꓒꓶꓻ ꓟꓸ ꓩꓴ ꓡ ꓟ ꓥ ꓡꓳ꓿

Leave a Reply

Your email address will not be published. Required fields are marked *

%d