3 ꓠꓬꓲ ꓖꓪ ꓙꓱ ꓓꓴ ꓟꓳꓸ ꓙ ꓔꓸ ꓟ ꓟꓬ-ꓟ ꓑ ꓫꓬ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓔꓯ ꓠꓴꓚꓚ ꓡꓰꓽ ꓧꓳꓽ ꓪꓸ ꓟꓴ ꓢꓲ꓾ 2022 ꓘꓳꓼ 1 ꓦ 27 ꓠꓬꓲ ꓕꓯꓽ ꓪꓴꓸ ꓔꓴ ꓗꓷꓳ꓿
ꓬꓲꓸ ꓪꓴꓸ ꓕꓲꓽ ꓠꓬꓲ 27/1/2022
ꓖꓳ ꓗꓪ ꓠꓴꓖ ꓗꓴꓷꓼ ꓙꓵꓽ ꓜꓴ ꓗꓪ ꓟ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓐꓰ꓾ ꓠꓴꓚꓚ ꓗꓪ ꓟ ꓞꓳ ꓪꓴꓽ ꓞꓳ ꓔꓲꓺ 300 ꓣꓳ ꓟꓽ ꓞꓲ ꓜꓲꓼ ꓔꓬ ꓡꓳ꓿
ꓠꓴꓚꓚ ꓠꓬ ꓕꓲ ꓗꓴꓷꓼ ꓑ ꓫꓬ ꓠꓲꓹ ꓧꓳꓹ ꓢꓲꓽ ꓧꓳꓹ ꓚꓱꓹ ꓧꓳꓽ ꓪꓴꓸ ꓟꓴ ꓜꓴ ꓥ ꓢꓲ꓾ ꓠꓴꓖ꓾ ꓑ ꓫꓬ ꓟꓯꓼ꓾ ꓞꓳ ꓫꓵꓽ ꓞꓳ ꓙꓰ ꓟꓯꓼ ꓜꓴ ꓐꓴ ꓐꓰ꓾ ꓑ ꓫꓬ ꓐꓱ ꓶ ꓟꓬꓱꓽ ꓬꓰ ꓔꓬ ꓟ ꓬꓲꓸ ꓜꓴ ꓮ ꓙꓵꓽ ꓟ ꓬꓲꓸ ꓧꓶꓹ ꓚ ꓥ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓕꓱ ꓟ ꓗꓪ ꓐꓰ ꓝꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓗꓴꓷꓼ ꓙꓵꓽ ꓚꓱꓹ ꓐꓱ ꓶ ꓙ ꓟꓳ ꓘꓶꓽ ꓐꓰ꓾ ꓠꓲꓹ ꓧꓳꓹ ꓢꓲꓽ ꓧꓳꓹ ꓘꓶꓽ ꓧꓪ ꓟꓶ ꓗꓪ ꓛꓲ ꓢꓯꓼ ꓕꓵꓼ ꓠꓹ ꓟ ꓟꓳꓸ ꓙ ꓔ ꓡꓳ ꓐꓰ꓾ ꓢꓷ ꓙ ꓟꓴ ꓙ ꓔ ꓡꓳ꓿
ꓟꓬ-ꓟ ꓟꓯꓼ ꓡꓰ ꓑ ꓫꓬꓽ ꓙꓵꓽ ꓪ ꓦꓴ ꓔꓯꓹ ꓙꓰˍ ꓟ 1 ꓘꓳꓼ ꓐꓲ ꓡ ꓔꓳꓼ ꓟ ꓕꓲ ꓙꓵꓹ ꓗꓪ ꓟꓬ-ꓟ ꓟꓯꓼ ꓬꓰˍ ꓟ ꓔꓯ ꓔꓳꓹ ꓢꓴ꓾ ꓑ ꓫꓬ ꓧꓳꓽ ꓢꓴ ꓐꓴ ꓕꓱ ꓡꓱ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓩꓴ ꓡˍ ꓟ ꓥ ꓡꓳ꓿
