ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓒꓬꓱꓼ ꓡ ꓠꓹ ꓟ ꓠ ꓡꓲꓺ ꓬꓲꓸ ꓟꓶꓽ ꓕꓲꓽ ꓙꓵꓹ ꓗꓪ ꓛꓲ ꓥꓳ ꓡꓳꓸ ꓓꓴ ꓟꓽ ꓖꓴ ꓡꓰ꓾ ꓐꓰ ꓐꓯ ꓔꓸ ꓢꓴ Move Forward ꓑ-ꓔꓲ ꓗꓪ ꓐꓰ ꓑꓲ-ꓔ ꓠꓬ ꓟꓯꓹ ꓛꓬꓽ ꓟꓽ ꓡꓳꓼ ꓠꓬꓲ ꓟꓬꓱꓽ ꓐꓬꓱ ꓘꓶꓽ ꓟꓽ ꓪ ꓡꓰꓳ꓿
![](https://lisutimes.com/wp-content/uploads/2023/07/FB_IMG_1689246037157-1024x683.jpg)
ꓟꓲꓸ ꓟꓲ ꓕꓱ ꓕꓲꓽ ꓑꓹ ꓕꓮꓲꓹ ꓗꓴꓷꓼ ꓝꓲ ꓓꓴ ꓐꓴ ꓠꓬ ꓕꓮꓲꓹ ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓦꓲ ꓓꓽ ꓟ ꓠꓯꓸꓼ ꓗꓪ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓔꓯ ꓢꓲꓻ ꓡꓯ ꓘꓳ ꓟ ꓗꓪ ꓕꓱ ꓡꓱ ꓗꓷ ꓡꓰ ꓟ ꓥ ꓡꓳ꓿
![](https://lisutimes.com/wp-content/uploads/2023/07/FB_IMG_1689246039525-1024x700.jpg)
“ꓘꓶ ꓡꓶꓽ ꓢꓴ ꓠꓬ ꓙꓳ ꓡꓳ꓿ ꓟꓲ-ꓓꓲ-ꓬ ꓚꓱꓹ ꓗꓪ ꓐꓰ ꓟꓽ ꓥ ꓐꓯ ꓠꓱꓸ ꓐꓯꓼ ꓚꓱꓹ ꓗꓪ ꓚꓳꓸ ꓘꓶ ꓡꓶꓽ ꓡ ꓥꓳ꓿ ꓥꓪ ꓔꓯ ꓕꓮꓲꓹ ꓗꓴꓷꓼ ꓟꓬꓱꓽ ꓢꓲ ꓓꓽ ꓟ ꓠꓬꓲ ꓖꓴ ꓗꓪ ꓢꓲꓻ ꓖꓶ ꓡꓯ ꓐꓯ ꓟ ꓠꓬ ꓥꓪ ꓐꓱ ꓶ ꓟꓽ ꓥ= ꓕꓮꓲꓹ ꓗꓴꓷꓼ ꓑ ꓫꓬ ꓐꓴ ꓠꓲꓹ ꓡꓶꓽ ꓬꓰ ꓒꓬꓱꓼ ꓡ ꓠꓹ ꓟ ꓥ ꓡꓳ” ꓐꓰ ꓑꓲ-ꓔ ꓡꓰ ꓑ ꓫꓬ ꓝꓲ ꓓꓴ ꓐꓴ ꓔꓯ ꓐꓯˍ ꓡꓳ꓿
![](https://lisutimes.com/wp-content/uploads/2023/07/FB_IMG_1689247533611-1024x1024.jpg)
![](https://lisutimes.com/wp-content/uploads/2023/07/FB_IMG_1689247524234-1024x1024.jpg)
ꓖꓳ ꓡꓱ ꓥ ꓟꓲ ꓑ ꓫꓬ ꓝꓲ ꓓꓴ ꓐꓴ ꓗꓪ ꓐꓰ ꓔꓳꓹ ꓙ ꓟꓯꓹ 376 ꓪ ꓠ ꓔꓸ ꓟ ꓗꓪ 323 ꓡꓰꓽ ꓪ ꓡꓰ ꓠꓬꓲ ꓞꓳꓸ ꓡꓰ ꓟ ꓥꓳ꓿
ꓬꓲꓸ ꓚꓰ꓾ ꓐꓐꓚ꓾ ꓦꓳꓮ