ꓑꓲꓹ ꓡꓴꓸ ꓪ ꓔꓲ. ꓑꓲ-ꓡꓲ ꓫꓵꓻꓳ

ꓐ-ꓣ-ꓜꓲꓹ ꓗꓴꓷꓼ ꓗꓪ ꓐꓰ ꓟꓬꓱꓺ ꓓꓳꓽ ꓞꓼ ꓓꓳ ꓙꓳˍ ꓟ ꓑꓲꓹ ꓡꓴꓸ ꓑꓲꓹ ꓒꓽ ꓓꓽ ꓟ ꓑꓲ-ꓡꓲ ꓠꓬ 2022 ꓘꓳꓼ 12 ꓦ 29 ꓠꓬꓲ ꓕꓯꓽ ꓟꓲ ꓠꓯ ꓙ ꓖꓴ ꓫꓱꓽ ꓡꓳꓹ ꓬꓰꓳ꓿

ꓬꓲꓸ ꓕꓲꓽ ꓞꓲꓼ ꓗꓪ ꓓꓵꓽ ꓙ ꓛꓲ ꓡ ꓓꓴ ꓐꓬꓱꓽ ꓕꓲ ꓐꓱꓻ ꓟꓳꓸ ꓖꓶ ꓩꓴ ꓡ ꓥꓳ꓿

1968 ꓘꓳꓼ 9 ꓦ ꓕꓯꓽ ꓡꓳ ꓖꓪ ꓑꓮꓲꓽ ꓕꓲꓽ ꓟ ꓗꓪ ꓗꓸ ꓠꓯꓸ ꓢꓲ ꓑꓲꓹ ꓗꓶꓺ ꓩꓴˍ ꓟ (ꓖꓳ ꓕꓲ ꓦꓬꓼ ꓠꓬꓲ ꓗꓪ ꓖꓳ ꓡꓱꓳ ꓫꓵꓽ ꓢꓷꓸ ꓠꓲꓹ ꓠꓬ ꓬꓲꓸ ꓫꓵꓼ ꓥ ꓡꓳ)
ꓑꓲꓹ ꓡꓴꓸ ꓡꓳ ꓖꓪ ꓚꓱꓹ ꓗꓪ ꓐꓰ ꓠꓽ ꓡꓰ ꓔꓳꓼ ꓟ ꓕꓲꓽ ꓑꓮꓲꓽ ꓗꓪ ꓬꓲꓸ ꓟꓯꓼ ꓐꓴ ꓠꓰ ꓑꓲ-ꓡꓲ ꓔꓯ ꓟꓬꓱ ꓓꓳꓽ ꓖꓶ ꓧꓹ ꓡꓯ ꓘꓳ ꓑꓮꓲꓽ ꓬꓰ ꓖꓶˍ ꓟ
1977 ꓘꓳꓼ 10 ꓦ 1 ꓠꓬꓲ
1987 ꓘꓳꓼ ꓲ-ꓔ-ꓡꓲ ꓑꓲꓹ ꓡꓴꓸ ꓡꓯꓼ ꓫꓴ ꓖꓶ ꓑꓮꓲꓽ ꓗꓪ ꓑꓲ-ꓡꓲ ꓐꓰ ꓟ-ꓣ-ꓓꓳ ꓠ (1920 ꓘꓳꓼ 11 ꓦ 25 ꓠꓬꓲ꓾ ꓬꓲꓸ ꓞꓲꓼ 60 ꓘꓳꓼ ꓕꓯꓽ ꓫꓵꓻꓳ)

ꓑꓲ-ꓡꓲ ꓬꓲꓸ ꓟꓬꓱꓺ ꓒ ꓐꓲ ꓠꓬ Edson Arantes do Nascimento (Pele) ꓥ ꓡꓳ꓿ 1970 ꓘꓳꓼ ꓕꓲꓽ ꓟꓲ ꓠꓯ ꓡꓴꓸ ꓑꓲꓹ ꓡꓴꓸ ꓫꓵꓺ ꓘꓪꓸ ꓧꓪꓸ ꓡꓰˍ ꓟ ꓑꓮꓲꓽ ꓗꓪ ꓐ-ꓣ-ꓜꓲ ꓐꓰ ꓰꓴ ꓑꓲꓹ ꓡꓯ ꓘꓳ ꓕꓯꓽ 4-1 ꓖꓳꓹ ꓡꓰ ꓧꓪꓸ ꓡꓰ ꓢꓴꓸ ꓝꓲꓝꓮ ꓡꓰ “ꓪꓽ ꓠꓬꓲ ꓡꓳꓹ ꓬꓰ ꓢꓴ” ꓐꓰ ꓟꓬꓱꓺ ꓓꓳꓽ ꓖꓶ ꓪ ꓡꓰ ꓢꓴ ꓥ ꓡꓳ꓿

1970 ꓘꓳꓼ ꓗꓪ ꓪꓳꓣꓡꓓ ꓚꓴꓑ ꓧꓪꓸ ꓡꓰ ꓟ ꓐ-ꓣ-ꓜꓰ ꓗꓴꓷꓼ ꓑꓲꓹ ꓡꓴꓸ ꓜꓴ

ꓣꓳ-ꓠꓯ-ꓓꓳ ꓡꓰ “ꓠꓴ ꓡꓰ ꓗꓴꓷꓼ ꓐꓱ ꓶ ꓟꓬꓱꓽ ꓬꓰ ꓗꓷ ꓟ ꓔꓯ ꓫꓸ ꓟꓳ꓿ ꓥꓪ ꓠꓴ ꓟꓽ ꓟꓲ ꓡꓰ꓿ ꓟꓬꓱ ꓓꓳꓽ ꓖꓶ ꓔꓬ ꓥꓳ꓿ ꓧꓪꓸ ꓧꓪꓸꓼ ꓪꓴꓽ ꓧꓶ ꓠꓽ ꓓꓴ ꓬꓰ” ꓐꓰ ꓐꓳ ꓔꓸ ꓡꓳ꓿

ꓬꓲꓸ ꓕꓲꓽ ꓞꓲꓼ ꓗꓪ ꓑꓲꓹ ꓡꓴꓸ ꓑꓲꓹ ꓑꓮꓲꓽ 1363 ꓧꓪꓸ ꓑꓲꓹ ꓗꓷ ꓢꓲꓸ 1279 ꓖꓳꓹ ꓗꓶꓺ ꓐ ꓡ ꓢꓴ꓾ ꓝꓲꓝꓮ ꓪꓳꓣꓡꓓ ꓚꓴꓑ ꓔꓯ 3 ꓧꓪꓹ ꓣꓴ ꓪ ꓡꓰ ꓢꓴ (1952, 1968, 1970) ꓥ ꓡꓳ꓿

1940 ꓘꓳꓼ 10 ꓦ 23 ꓠꓬꓲ ꓕꓯꓽ ꓦꓵ ꓔꓸ ꓢꓴ꓾ ꓲ-ꓔ-ꓡꓲ ꓞꓳ ꓫꓵꓽ꓾ ꓐ-ꓣ-ꓜꓲꓹ ꓗꓴꓷꓼ ꓡ ꓞꓳ ꓥ ꓢꓲ꓾ ꓬꓲꓸ ꓠꓬ 20 ꓦ ꓜꓴ ꓘꓳꓼ ꓟ ꓗꓪ ꓟꓬꓱꓺ ꓓꓳꓽ ꓙꓳ ꓡꓳꓹ ꓬꓰ ꓟ ꓑꓲꓹ ꓡꓴꓸ ꓑꓲꓹ ꓒꓽ ꓐꓴ ꓗꓪ ꓐꓰ ꓕꓲꓽ ꓣꓳ ꓥ ꓡꓳ꓿

Leave a Reply

Your email address will not be published. Required fields are marked *

%d