2022 ꓘꓳꓼ 8 ꓦ 5 ꓠꓬꓲ ꓕꓯꓽ ꓟꓬ-ꓟ ꓶ ꓡꓯꓼ ꓬꓰ ꓢꓴ ꓐꓴ ꓘꓳ ꓣꓴ ꓟꓶˍ ꓟ ꓓꓳ ꓡ ꓗꓪ ꓐꓰ 65% ꓡꓰ ꓟꓬ-ꓟ ꓒꓴ ꓑꓺ ꓠ ꓔꓸ ꓟ ꓕꓵꓼ ꓪ ꓫꓵꓼ ꓕꓲꓽ ꓟ ꓔꓯ ꓟꓬ ꓒꓴ ꓞꓳꓽ ꓦꓲ ꓦꓰꓺ ꓗꓪ ꓐꓰ ꓓꓳ ꓩꓴ ꓡ ꓡꓳ꓿
ꓧꓶꓸ ꓕꓯꓽ ꓟꓬ-ꓟ ꓶ ꓡꓯꓼ ꓜꓴ ꓐꓴ ꓐꓶꓽ ꓗꓴꓷꓼ ꓗꓪ ꓐꓰ ꓧꓪ ꓟꓶˍ ꓟ ꓓꓳ ꓡ ꓔꓯ ꓚꓲꓸ ꓛꓬ ꓫꓺ ꓔꓸ ꓟꓽ ꓓ꓾ 100% ꓮ ꓙꓵꓽ ꓟꓬ-ꓟ ꓒꓴ ꓑꓺ ꓠ ꓗ ꓡꓳ ꓐꓯˍ ꓟ ꓙꓵꓽ ꓗ ꓕꓵꓼ ꓪ ꓓꓳ ꓡ ꓗꓸ ꓠꓯꓸ ꓮ ꓟꓶ ꓠꓬ 65% ꓔꓯˍ ꓡꓰ ꓟꓬ-ꓟ ꓒꓴ ꓑꓺ ꓠ ꓔꓸ ꓡꓳ꓾ ꓐꓰ ꓫꓬꓹ ꓔꓱꓹ ꓔꓸ ꓟ ꓕꓵꓼ ꓪ ꓬꓲꓸ ꓫꓵꓼ ꓓꓳ ꓡ ꓟ ꓥ ꓡꓳ꓿
ꓟꓰꓹ-ꓗꓲꓸ ꓟꓮꓳ-ꓟꓰꓼ ꓡꓰ ꓟꓬ-ꓟ ꓟꓯꓼ ꓗꓳ-ꓢꓰ ꓬꓰˍ ꓟ ꓟꓬꓱꓽ ꓔꓯ ꓕꓼ ꓩꓴ ꓡ ꓟ ꓗꓪ ꓐꓰ ꓕꓱ ꓡꓱ ꓕꓵꓼ ꓪ ꓫꓵꓼ ꓓꓳ ꓡ ꓟ ꓥꓳ꓾ ꓐꓰ ꓑ ꓫꓬ ꓐꓴ ꓐꓯ ꓡꓯ ꓘꓳ ꓔꓬ ꓡꓳ꓿
ꓝꓮꓲ ꓟꓬ-ꓟ ꓒꓴ ꓞꓳꓽ ꓦꓲ ꓚꓰꓺ ꓗꓪ ꓐꓰ ꓟꓲꓸ ꓟꓲ ꓴꓢꓮ 1 ꓓꓳ ꓡ ꓠꓬ ꓟꓬ-ꓟ ꓒꓴ 2100 ꓒꓯꓼ ꓥ ꓡꓳ꓾ ꓦꓰ ꓢꓪꓼ ꓔꓸ ꓡꓳ꓿ ꓬꓲꓸ ꓐꓽ ꓢꓲ ꓗꓪ ꓠꓬ 1 ꓓꓳ ꓡ 2700-3000 ꓒꓯꓼ ꓪꓴꓽ ꓡꓯ ꓘꓳ ꓔꓬ ꓟ ꓦꓬꓼ ꓠꓬꓲ ꓥ ꓡꓳ꓿
