ꓴꓢꓮ ꓟꓯꓼ ꓜꓲꓽ ꓐꓴ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓠꓹ ꓟ ꓑ ꓫꓬ ꓝꓲ ꓓꓴ ꓐꓴ ꓐꓯ

ꓮ-ꓩ-ꓖ-ꓠꓲ-ꓢꓲ-ꓔ ꓗꓴꓷꓼ ꓗꓪ ꓐꓰ ꓴꓢꓮ ꓟꓯꓼ ꓐꓴ ꓛꓽ ꓐꓲꓽ ꓛꓽ ꓗꓪ꓾ ꓫꓸ ꓔꓳ ꓫꓸ ꓒꓯꓼ ꓘꓰꓹ ꓓꓳ ꓡ ꓠ ꓗꓷ ꓡꓰ ꓟ ꓫꓵꓽ ꓪꓴ ꓔꓯ 2021 ꓘꓳꓼ 9 ꓦ 29 ꓠꓬꓲ ꓴꓢꓮ ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓗꓪ ꓖꓪ ꓙꓱ ꓟ ꓗꓪ ꓴꓢꓮ ꓟꓯꓼ ꓜꓲꓽ ꓐꓴ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓠꓹ ꓟ ꓑ ꓫꓬ ꓝꓲ ꓓꓴ ꓐꓴ ꓐꓯ ꓓꓳ ꓩꓴ ꓡ ꓡꓳ ꓐꓰ ꓦꓳꓮ ꓗꓪ ꓐꓳ ꓡꓳ꓿

ꓣꓲ-ꓑ-ꓑ-ꓡꓲ- ꓑ-ꓔꓲ ꓗꓪ ꓟ ꓟ-ꓕꓲ-ꓖꓲ-ꓜꓲ (ꓸMatt Gaetz) ꓡꓰ꓾ ” ꓪ ꓔꓲꓸ ꓙꓳ ꓐ-ꓓꓲ ꓠꓬ ꓟꓯꓹ ꓟꓯꓹ ꓟꓴ ꓗꓹ ꓟꓽ ꓢꓷꓸ꓿ ꓝꓮꓲ ꓟꓯꓼ ꓗꓪꓽ ꓫꓵꓽ ꓢꓴ ꓢꓲꓽ ꓒꓽ ꓓ ꓟ Lloyd Austin, ꓔꓳꓹ ꓙ ꓟꓯꓼ ꓢꓲꓽ ꓒ Mark Milley ꓐꓰ꓾ ꓟꓯꓼ ꓙꓵꓽ ꓢꓲꓽ ꓒ Kenneth McKenzie ꓐꓴ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓠ ꓔꓸ ꓥ” ꓐꓯ ꓩꓴ ꓡ ꓡꓳ꓿

ꓖꓪ ꓙꓱ ꓜꓲꓼ ꓓꓴ ꓗꓪ ꓴꓢꓮ ꓟꓯꓼ ꓜꓲꓽ ꓐꓴ ꓔꓯ ꓫꓱꓸ ꓖꓶ ꓢꓴ ꓙꓳ ꓟ ꓡꓰ ꓐꓰ꓾ ꓣꓲ-ꓑ-ꓑꓶ-ꓡꓲ-ꓗ ꓑ-ꓔꓲ ꓗꓪ ꓐꓰ ꓡ ꓟ ꓑ ꓫꓬ ꓝꓲ ꓓꓴ ꓐꓴ ꓠꓬ ꓟꓯꓼ ꓢꓲꓽ ꓒꓽ ꓐꓴ ꓔꓯ ꓐꓯ ꓕꓼ ꓢꓴ ꓟꓬꓽ ꓡꓳ꓿ ꓖꓳ ꓟ ꓑꓶꓸ ꓓꓴ ꓖꓪ ꓙꓱ ꓜꓲꓼ ꓓꓴ ꓧꓳꓽ ꓢꓴ Adam Smith ꓡꓰ ꓮ ꓟꓬꓹ ꓧꓪꓸ ꓗꓽ ꓠ ꓗꓷ ꓡꓰꓳ꓿