ꓟꓬ-ꓟ ꓗꓴꓷꓼ ꓗꓪ ꓛꓲ ꓔꓬ ꓟ ꓮ-ꓢꓰ-ꓬ ꓗꓴꓷꓼ ꓜꓴ ꓝꓲ ꓓꓴ ꓢꓳꓼ-ꓘꓳ (Prak Sokhonn) ꓔꓯ ꓑꓓꓝ ꓐꓴ ꓠꓰ ꓢꓰꓼ ꓗꓷ ꓡ ꓢꓴ ꓴꓢꓓꓑ ꓑ-ꓔꓲ ꓓꓵꓽ ꓢꓴ ꓐꓴ ꓵꓺ ꓟꓬꓱꓺ ꓕꓳ ꓶ ꓖꓶꓽ ꓢꓲꓸ ꓗꓳꓹ ꓟꓸ ꓩꓴ ꓗꓷꓳ ꓐꓰ ꓴꓢꓓꓑ ꓑ-ꓔꓲ ꓢꓽ ꓡ ꓙꓵꓽ ꓳꓸ-ꓔ-ꓕꓯꓸ ꓡꓰ ꓐꓯˍ ꓡꓳ꓿
“ꓗꓸ ꓚꓵ ꓕꓲ ꓐꓱ ꓠꓬ ꓟꓬ-ꓟ ꓟꓵꓽ ꓗꓪ ꓙꓻ ꓙꓰ ꓢꓲꓸ ꓐꓡ ꓗꓴꓷꓼ ꓗꓪ ꓛꓲ ꓬꓰꓳ” ꓐꓰ ꓴꓢꓓꓑ ꓑ-ꓔꓲ ꓢꓽ ꓡ ꓙꓵꓽ ꓳꓸ-ꓔ-ꓕꓯꓸ ꓡꓰ ꓐꓯˍ ꓡꓳ꓿
ꓬꓲꓸ ꓚꓲꓸ ꓛꓬ ꓠꓬ ꓡꓽ ꓛꓴꓸ ꓬꓲ ꓫꓵ ꓬꓲ ꓙꓰꓽ ꓔꓯꓹ ꓠꓬꓲ ꓢꓴ ꓕꓲ ꓣꓳ ꓥ ꓐꓯ ꓖꓶ ꓠꓰ꓾ ꓜꓲ ꓜꓲ ꓑꓰꓹ ꓑꓰꓹ ꓟꓬꓱꓽ ꓬꓰ ꓠꓲꓹ ꓟꓽ ꓫꓵ ꓠꓰ ꓮ ꓘꓶꓸ ꓜꓲꓽ ꓔꓬ ꓡꓳ꓾ ꓐꓯ ꓔꓸ ꓡꓳ꓿ ꓝꓮꓲ ꓑꓓꓝ ꓟꓯꓼ ꓐꓴ ꓔꓯ ꓠꓬ ꓜꓲꓽ ꓜꓲꓽ ꓑꓰꓹ ꓑꓰꓹ ꓙꓳ ꓦꓲꓸ ꓡꓰ ꓠ ꓬꓰ ꓢꓴ (terrorists) ꓐꓯ ꓔꓸ ꓡꓳ꓿
2017 ꓣꓳ ꓢꓰꓼ ꓗꓷꓳ꓾ ꓮꓮꓑꓑ
ꓠꓱꓸ ꓐꓯꓼ ꓕꓲ ꓒꓳꓹ ꓗꓪ ꓮꓮꓑꓑ ꓡꓰ ꓧꓪ ꓜꓲꓼ ꓔꓸ ꓟ ꓠꓬ 2021 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ 2022 ꓘꓳꓼ 7 ꓦ 4 ꓠꓬꓲ ꓗꓪ ꓛꓲ ꓟꓬ-ꓟ ꓟꓯꓼ ꓡꓰ ꓢꓰꓼ ꓗꓷ ꓡ ꓢꓴ 2017 ꓣꓳ ꓙꓳ ꓡꓳ꓾ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
