ꓮ-ꓢꓲ-ꓬ ꓝꓲ ꓓꓴ Erywan Pehin Yusof ꓠꓬ 2021 ꓘꓳꓼ 10 ꓦ 12 ꓠꓬꓲ ꓕꓯꓽ ꓟꓬ-ꓟ ꓗꓴꓷꓼ ꓗꓪ ꓡ ꓓꓴ ꓥ ꓢꓲ꓾ ꓟꓳꓼ ꓡꓳ ꓒꓳꓹ ꓙꓰ ꓕꓯ ꓟꓯꓹ ꓢꓲꓻ ꓣꓴ ꓗꓳ-ꓟꓲ-ꓫꓲ (ꓴꓰꓚ) ꓜꓲꓼ ꓔꓶꓸ ꓗꓪ ꓑ-ꓔꓲ ꓐꓴ ꓐꓰ ꓜꓲ ꓡꓯ ꓘꓳ ꓓꓴ ꓥꓳ ꓐꓰ ꓓꓳꓽ ꓓꓳ ꓡ ꓡꓳ꓿
” 2021 ꓘꓳꓼ 10 ꓦ 12 ꓠꓬꓲ꓾ ꓟꓳꓼ ꓡꓳ 1:30 ꓙꓵꓹ ꓗꓪ꓾ ꓴꓰꓚ ꓗꓪ ꓬꓰ ꓟ ꓮ-ꓢꓲ-ꓬ ꓝꓲ ꓓꓴ ꓐꓰ ꓑ-ꓔꓲ ꓐꓴ ꓜꓲ ꓡꓯ ꓘꓳ ꓑꓮꓲ ꓗꓪ ꓗꓪ ꓴꓢꓓꓑ ꓑ-ꓔꓲ ꓢꓽ ꓡ ꓙꓵꓽ ꓠ-ꓓ ꓡꓼ-ꓟꓰꓼ ꓜꓲꓼ ꓓꓴ ꓥꓳ꓿ ” ꓐꓰ ꓴꓢꓓꓑ ꓑ-ꓔꓲ ꓢꓽ ꓡ ꓙꓵꓽ ꓠ-ꓓ-ꓡꓼ-ꓟꓰꓼ ꓡꓰ ꓬꓲꓸ ꓝꓮꓚꓰꓐꓳꓳꓗ ꓗꓪ ꓢꓷ ꓙ ꓟꓴ ꓙ ꓔ ꓡꓳ꓿
ꓖꓳ ꓡꓱ ꓥ ꓟꓲ ꓐꓯ ꓟꓴ 11 ꓚꓱꓹ ꓚꓰꓹ ꓔꓸ ꓟ ꓮꓳ-ꓢ-ꓢꓴ-ꓚꓰꓽ ꓔꓯ ꓜꓲ ꓡꓯ ꓘꓳ ꓠꓹ ꓟ ꓠꓬ ꓟꓽ ꓚꓹ ꓠ꓿ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓐꓯ ꓟ ꓠꓬ꓾ “ꓫꓵꓽ ꓪꓴ ꓐꓯ ꓟꓴ ꓙꓳ ꓢꓴ ꓔꓯ ꓜꓲ ꓝꓲ ꓟꓽ ꓐ ꓡ” ꓐꓰ ꓟꓯꓼ ꓜꓲ ꓜꓳ-ꓟꓰꓹ-ꓕꓴꓸ ꓡꓰ ꓐꓯ ꓔ ꓟ ꓙꓳ ꓡꓳ꓿
