ꓮ-ꓢꓰ-ꓬ ꓜꓲꓼ ꓓꓴ ꓗꓪ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓟꓽ ꓜꓲꓼ ꓝꓲ ꓡ ꓟ ꓑꓶꓸ ꓓꓴ ꓮ ꓘꓶꓸ ꓠꓲꓹ ꓘꓪ ꓟ ꓫꓵꓻ꓾ ꓘꓳ ꓣꓴ ꓟꓽ ꓐ ꓡ ꓟ ꓡꓰꓽ ꓟ ꓞꓲ꓾ ꓮ-ꓢꓰ-ꓬ ꓜꓴ ꓐꓱ ꓶ ꓘꓶ ꓡꓶꓽ ꓓꓴ ꓙꓳ ꓡ ꓥꓳ ꓐꓰ ꓟꓬ-ꓟ ꓟꓯꓼ ꓐꓶꓽ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ ꓡꓰ ꓠꓬꓲꓸ ꓠꓬꓲ 2021 ꓘꓳꓼ 10 ꓦ 16 ꓠꓬꓲ ꓕꓯ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓝꓮꓲ ꓟꓬ-ꓟ ꓟꓯꓼ ꓗꓪ ꓐꓰ ꓓꓳꓽ ꓐꓯ ꓓꓴ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓥ ꓟꓲ꓾ “ꓮ-ꓢꓰ-ꓬ ꓠꓬ ꓥꓳꓽ ꓡꓰꓳ” ꓐꓰ ꓐꓐꓚ ꓗꓪ ꓐꓯ ꓡꓽ ꓩꓴ ꓡ ꓡꓳ꓿
ꓮ-ꓢꓰ-ꓬ ꓜꓴ ꓠꓬ ꓑ ꓫꓬ ꓡꓰ ꓠꓲꓹ ꓒꓴ ꓒꓴ ꓢꓲꓻ ꓣꓴ ꓔꓸ ꓟ ꓗꓴꓷꓼ ꓙꓵꓽ ꓜꓴ ꓪꓴꓸ ꓓꓵ ꓣꓱꓽ ꓢꓴ ꓟꓽ ꓥ ꓠꓬ꓾ ꓜꓲꓼ ꓓꓴ ꓗꓪ ꓘꓳ ꓣꓴ ꓟꓽ ꓐ ꓡ꓾ ꓟꓬꓱ ꓓꓳꓽ ꓒ ꓒꓲꓼ ꓗ ꓡ ꓥ ꓐꓰ ꓒꓲ-ꓡꓲ-ꓒꓲ ꓐꓶꓽ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒ ꓡꓰ ꓗꓳꓸ ꓗꓷ ꓟ 3 ꓦꓬꓼ ꓗꓪ ꓐꓯ ꓓꓳ ꓩꓴ ꓡ ꓟ ꓐꓰ ꓕꓲ ꓡꓰꓹꓼ꓾ ꓡ ꓠꓹ ꓟ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓟꓽ ꓜꓲꓼ ꓝꓲ ꓠꓹ ꓟ 2021 ꓘꓳꓼ 10 ꓦ 15 ꓠꓬꓲ ꓕꓯꓽ ꓮ ꓙꓵꓽ ꓢꓴ ꓖꓪ ꓙꓱ ꓪꓽ ꓡꓰ ꓟ ꓥ ꓡꓳ꓿
