2022 ꓘꓳꓼ 2 ꓦ 24 ꓠꓯꓼ ꓝꓲꓸ ꓕꓯꓽ ꓬꓴ-ꓗ-ꓣꓲꓸ ꓓꓳ-ꓐ ꓟꓵꓽ (Donbass) ꓔꓯ ꓣ-ꓫꓸ ꓡꓰ ꓟꓯꓼ ꓢꓰꓼ ꓓꓴ ꓥꓳ ꓐꓰ ꓣ-ꓫꓸ ꓗꓴꓷꓼ ꓙꓵꓽ ꓢꓴ ꓑꓴ-ꓔꓲ ꓡꓰ ꓣ-ꓫꓸ ꓔꓦ ꓗꓪ ꓫꓸ ꓕꓱ ꓢꓲꓸ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓓꓳ-ꓐ ꓟꓵꓽ (Donbass) ꓗꓪ ꓔꓬ ꓟ ꓬꓴ-ꓗ-ꓣꓲꓸ ꓟꓯꓼ ꓐꓴ ꓠꓲꓹ ꓞ ꓡꓽ ꓛꓴꓸ ꓔꓯꓹ ꓛꓹ ꓒꓰꓹ ꓢꓲꓸ ꓢꓯꓼ ꓟ ꓐꓱ ꓶ ꓔꓷꓹ ꓙꓰ ꓓꓴ ꓬꓰ꓿ ꓮ ꓔꓳ ꓔꓳ ꓕꓽ ꓫꓵꓻ” ꓐꓰ ꓣ-ꓫꓸ ꓗꓴꓷꓼ ꓙꓵꓽ ꓢꓴ ꓑꓴ-ꓔꓲ ꓡꓰ ꓐꓯˍ ꓡꓳ꓿
“ꓬꓴ-ꓗ-ꓣꓲꓸ ꓡꓳ ꓒꓱ ꓓꓽ ꓟ ꓗꓰꓸ-ꓐꓶ (Keviy) ꓗꓪ ꓐꓳꓽ ꓑꓳ ꓢꓯꓼ ꓑ ꓙ ꓡꓳ” ꓐꓰ ꓓꓳꓽ ꓜꓳ ꓔꓬ ꓡꓳ꓿
1986 ꓛ-ꓠꓳ-ꓐ-ꓬꓰ ꓮ ꓔꓳꓸ ꓟꓲꓸ ꓐꓳꓽ ꓞꓳꓽ ꓦꓲ ꓮ ꓔꓳꓸ ꓐꓬ ꓡꓰˍ ꓟ ꓠꓬ ꓬꓴ-ꓗ-ꓣꓲꓸ ꓗꓴꓷꓼ ꓗꓪ ꓥ ꓡꓳ꓿ ꓖꓳ ꓗꓸ ꓠꓯꓸ ꓟꓲ ꓠꓯ ꓗꓴꓷꓼ ꓐꓴ ꓢꓲ ꓡꓲꓹ ꓗꓰ ꓠꓹ ꓟ ꓚꓱꓹ ꓐꓱ ꓶ ꓮ ꓔꓳꓸ ꓟꓲꓸ ꓐꓳꓽ (nuclear bomb) ꓒꓬꓹ ꓩꓴ ꓗꓷ ꓟ ꓔꓯ ꓮ ꓟꓶ ꓙ ꓖꓳꓼ ꓔꓬ ꓡꓳ꓿ ꓬꓴ-ꓗ-ꓣꓲꓸ ꓡꓯ ꓒꓯꓹ ꓗꓪ ꓮ ꓔꓳꓸ ꓟꓲꓸ ꓐꓳꓽ ꓙꓳˍ ꓠꓬ ꓣ-ꓫꓸ ꓕꓱ ꓡꓱ ꓟꓽ ꓒꓵꓽ ꓟꓽ ꓚ ꓬꓰ ꓟꓽ ꓑꓶꓸ ꓐꓰ ꓓꓵꓽ ꓙ ꓙ ꓖꓳꓼ ꓟ ꓥ ꓡꓳ꓿
ꓬꓴ-ꓗ-ꓣꓲꓸ ꓗꓴꓷꓼ ꓔꓯ ꓣ-ꓫꓸ ꓗꓴꓷꓼ ꓡꓰ ꓦꓴꓻ ꓔꓬ ꓟ ꓑꓶꓸ ꓓꓴ ꓬꓴ-ꓬꓴꓼ ꓟꓵꓽ ꓫꓴ ꓓꓽ ꓟ (Europe) ꓗꓪ ꓟꓯꓼ ꓘꓶꓽ ꓑꓳꓺ ꓢꓰꓸ ꓡ ꓓꓴ ꓚꓱꓹ ꓝꓰꓸ ꓔꓬ ꓡꓳ꓿
