2024 ꓘꓳꓼ 9 ꓦ 22 ꓠꓬꓲ꓾ ꓬꓲ-ꓢꓷ-ꓡꓰ ꓔꓯ ꓡꓯ-ꓐꓶ-ꓠꓳ ꓗꓴꓷꓼ ꓟꓵꓽ ꓘꓶꓽ ꓗꓪ ꓐꓰ ꓐꓳꓽ ꓐꓶ ꓢꓲꓸ ꓡꓰ ꓢꓰꓼ ꓡ ꓔꓬ ꓡꓯꓽ ꓔꓯꓽ ꓓꓴ ꓥꓳ ꓐꓰ ꓐꓯ ꓡꓳ꓿
ꓞꓳ ꓤ ꓮ ꓟꓬꓹ ꓠꓻ ꓓꓴ ꓡꓰ ꓟ ꓑꓮꓖꓰꓣ ꓐꓰ ꓪꓮꓡꓗꓲꓰ ꓔꓮꓡꓗꓲꓰ ꓙꓼ ꓐꓶꓽ ꓡ ꓝꓲ ꓢꓴ ꓠꓬ ꓬꓲ-ꓢꓷ-ꓡꓰ ꓥ ꓡꓳ ꓐꓯ ꓢꓲ꓾ ꓡꓯ-ꓐꓶ-ꓠꓳ ꓗꓴꓷꓼ ꓗꓪ ꓔꓬ ꓟ ꓬꓲ-ꓢꓷ-ꓡꓰ ꓔꓯ ꓔꓳꓹ ꓒꓽ ꓧ-ꓟ ꓜꓴ ꓡꓰ ꓪꓽ ꓛꓴ ꓝꓱꓹ ꓩꓴ ꓡ ꓟ ꓥꓳ꓾ ꓐꓯ ꓡꓳ꓿
ꓬꓲ-ꓢꓷ-ꓡꓰ ꓗꓴꓷꓼ ꓡꓳ ꓪꓴꓸ ꓗꓪ ꓙꓳ ꓟ Ramat David ꓟꓯꓼ ꓙꓱ ꓦꓲ ꓠꓽ ꓔꓶꓸ ꓔꓯ ꓐꓳꓽ ꓐꓶ ꓡ ꓟ ꓥ ꓡꓳ꓿ ꓕꓲ ꓐꓱ ꓔꓯ ꓠꓬ ꓗꓽ ꓪ ꓡꓰ ꓥ ꓟꓲ꓾ ꓐꓳꓽ ꓕꓲꓽ ꓐꓱ ꓠꓬ ꓑ ꓫꓬ ꓔꓬ ꓟ ꓗꓪ ꓜꓯꓼ ꓡ ꓢꓲꓸ ꓐꓬ ꓡꓰ ꓓꓴ ꓙꓳ ꓡꓳ꓿
ꓬꓲ-ꓢꓷ-ꓡꓰ ꓕꓲ ꓒꓳꓹ ꓗꓪ ꓐꓰ ꓥ ꓟꓲ ꓡꓯ-ꓐꓶ-ꓠꓳ ꓗꓴꓷꓼ ꓔꓯ ꓟꓯꓼ ꓢꓰꓼ ꓡꓽ ꓓꓴ ꓥꓳ ꓐꓯ ꓢꓲ꓾ ꓡꓳ ꓪꓴꓸ ꓕꓲꓽ ꓟꓵꓽ ꓗꓪ ꓢꓳ ꓦꓲ ꓮ ꓙꓵꓽ ꓑꓲꓸ ꓩꓴꓳ꓿ ꓝꓮꓲ ꓠꓯ ꓞꓲꓼ ꓦꓲ ꓥ ꓟꓲ ꓕꓵꓼ ꓡꓵꓸ ꓙꓽ ꓖꓶ ꓓꓴ ꓬꓰ ꓠꓹ ꓟ ꓕꓵꓼ ꓪ ꓓꓳ ꓩꓴ ꓡ ꓡꓳ꓿
