Video:
ꓪꓳ ꓒꓽ 2 ꓘꓹ ꓡꓰꓽ ꓬꓲꓸ ꓢꓲꓺ ꓒ ꓔꓯ ꓘꓳꓼ ꓢꓰꓼꓳ|2022 World Cup Qater ꓗꓪ ꓬꓰ ꓓꓴ ꓥꓳ|
Audio/ꓬꓲꓸ ꓢꓯꓼ ꓠꓹ ꓠ ꓓꓴ
2022 World Cup ꓗ-ꓔ ꓗꓪ ꓬꓰ ꓓꓴ ꓥꓳ
2022 ꓘꓳꓼ ꓕꓲ ꓟꓲ ꓠꓯ ꓑꓲꓹ ꓡꓴꓸ ꓑꓲꓹ ꓑꓮꓲ (2022 World Cup) ꓔꓯ ꓗ-ꓔ ꓗꓴꓷꓼ ꓗꓪ ꓬꓰ ꓓꓴ ꓥ ꓢꓲ꓾ ꓦꓬꓼ ꓠꓬꓲ ꓥ ꓟꓲ ꓝꓰꓹ ꓓꓳ ꓩꓴ ꓡ ꓡꓳ꓿
ꓬꓲꓸ ꓪꓴꓸ ꓬꓲꓸ ꓜꓴ ꓚꓳ ꓡꓳ ꓚꓳ ꓡꓳ ꓑꓲꓹ ꓔꓯꓺ ꓡꓯ ꓘꓳ ꓟ ꓔꓯ 2022 ꓘꓳꓼ 11 ꓦ 21 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ 12 ꓦ 2 ꓠꓬꓲ ꓗꓪ ꓛꓲ ꓑꓲꓹ ꓓꓴ ꓥ ꓡꓳ꓿
ꓖꓳ ꓗꓪ ꓐꓰ ꓢꓲꓻ ꓓꓳ ꓡ ꓟ (16) ꓜꓴ ꓔꓯꓺ ꓡꓯ ꓘꓳ ꓠꓹ ꓟ ꓦꓬꓼ ꓠꓬꓲ ꓠꓬ꓾ 2022 ꓘꓳꓼ 12 ꓦ 3 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ ꓬꓰ ꓓꓴ ꓥ ꓡꓳ꓿
quarterfinals 8 ꓜꓴ ꓑꓲꓹ ꓡꓯ ꓘꓳ ꓓꓴ ꓦꓬꓼ ꓠꓬꓲ ꓠꓬ꓾ 12 ꓦ 9-10 ꓠꓬꓲ ꓗꓪ ꓬꓰˍ ꓥꓳ꓿
ꓖꓳ ꓗꓪ ꓐꓰ ꓓꓯꓻ ꓡ ꓟ Semifinals 4 ꓜꓴ ꓔꓯꓺ ꓡꓯ ꓘꓳ ꓦꓬꓼ ꓠꓬꓲ ꓠꓬ꓾ 12 ꓦ 13-14 ꓠꓬꓲ ꓗꓪ ꓥ ꓡꓳ꓿
ꓠ ꓐꓼ 3 ꓠꓬꓲ ꓖꓴ ꓦꓴ ꓡꓯꓽ ꓘꓳ ꓟ ꓠꓬ 12 ꓦ 17 ꓠꓬꓲ꓾ ꓬꓲꓸ ꓟꓶꓽ ꓗꓪ ꓫꓵꓻ ꓑꓲꓹ ꓡꓴꓸ ꓘꓴꓸ ꓦꓴ ꓡꓯ ꓘꓳ ꓟ ꓠꓬ 12 ꓦ 18 ꓠꓬꓲ ꓥ ꓡꓳ꓿
ꓟꓲ ꓠꓯ ꓔꓱꓹ ꓫꓵꓺ ꓕꓲ ꓟꓵꓽ ꓗꓪ ꓟꓲ ꓠꓯ ꓑꓲꓹ ꓡꓴꓸ ꓑꓲꓹ ꓔꓶꓸ ꓬꓰ ꓡ ꓟ ꓬꓲꓸ ꓪꓴꓸ ꓕꓲ ꓧꓪꓹ ꓥ ꓡꓳ꓿
ꓪꓳ ꓒꓽ 2 ꓘꓹ ꓡꓰꓽ ꓬꓲꓸ ꓢꓲꓺ ꓒ ꓔꓯ ꓘꓳꓼ ꓢꓰꓼꓳ
2022 ꓘꓳꓼ 4 ꓦ 7 ꓠꓬꓲ꓾ ꓔꓮꓳ-ꓥꓳ ꓡꓳ ꓒꓱ ꓗꓪ ꓦꓲ ꓗꓪ ꓦꓵ ꓔꓸ ꓟ ꓪꓳ ꓒꓽ 2 ꓘꓹ ꓡꓰꓽ ꓬꓲꓸ ꓢꓲꓺ ꓒꓽ ꓔꓯ ꓘꓳꓼ ꓢꓰꓼꓳ꓿ꓠꓯꓼ 3 ꓙꓵꓹ ꓛꓲ ꓕꓯꓽ ꓘꓳꓼ ꓢꓰꓼ ꓟ ꓥ ꓢꓲ꓾ ꓫꓱꓸ ꓤꓼ ꓟꓬꓱꓽ ꓬꓰ ꓙ ꓜꓴ ꓔꓯ 3 ꓙꓵꓹ 40 ꓧꓶ ꓕꓯꓽ ꓩꓴꓸ ꓕꓱ ꓡ ꓢꓲꓸ ꓞꓳ ꓫꓵꓻ ꓟꓳꓻ ꓖꓳꓻ ꓙ ꓬꓰꓳ ꓐꓯ ꓡꓳ꓿
ꓪꓳ ꓡꓰ ꓘꓳꓼ ꓢꓰꓼ ꓢꓴ ꓠꓬ ꓗꓳ-ꓮꓳꓽ ꓥ ꓢꓲ꓾ ꓬꓲ ꓠꓬ ꓪꓳꓻ ꓤꓹ ꓤꓼ ꓔꓯ ꓢꓴ ꓡꓯ ꓒꓯꓹ ꓗꓪ ꓐꓰ ꓫꓵꓸ ꓪꓴꓻ ꓢꓲꓸ ꓫꓳꓺ ꓔꓬ ꓢꓴ ꓥ ꓡꓳ꓿
“ꓪꓳ ꓤꓹ ꓤꓼ ꓔꓯ ꓘꓳꓽ ꓟꓶꓽ ꓡ ꓠ ꓬꓲꓸ ꓜꓻ ꓚꓸ꓾ ꓬꓲ ꓔꓺ ꓔꓲ ꓡꓳ ꓖꓪ꓾ ꓬꓲꓸ ꓦꓲ ꓗꓪ ꓬꓲꓼ ꓔꓸ ꓔꓬ ꓥꓳ꓿ ꓮ ꓫꓵꓽ ꓡꓲꓸ ꓙ ꓫꓸ ꓟꓽ ꓛꓲ” ꓐꓰ ꓧꓶꓸ ꓕꓯꓽ ꓗꓳ-ꓮꓳꓽ ꓠꓬ ꓢꓯꓸ ꓐꓬꓱꓽ ꓗꓪ ꓠꓺ ꓠꓬꓲ ꓘꓶꓽ ꓒꓳꓹ ꓖꓶ ꓔ ꓟ ꓙꓳˍ ꓡꓳ꓿
ꓗꓳ-ꓮꓳꓽ ꓔꓯ ꓪꓳ ꓠꓬꓲꓽ ꓟ ꓡꓰ ꓘꓳꓼ ꓡ ꓟ ꓗꓪ ꓬꓰ ꓙ ꓡ ꓟ ꓮꓸ ꓠꓽ ꓕꓲ ꓜꓴ ꓔꓯˍ ꓟꓲ ꓪꓳꓻ ꓡꓰ ꓘꓳꓼ ꓢꓰꓼ ꓖꓴꓳ ꓐꓯ ꓡꓳ꓿
ꓞꓳ ꓫꓵꓻ ꓟꓳ ꓣꓴ ꓠꓹ ꓟ ꓬꓰ ꓫꓸ ꓠꓬꓲ꓾ ꓬꓲꓸ ꓔꓯ ꓘꓳꓼ ꓢꓴ ꓛꓰꓼ-ꓑꓳ ꓐꓰ ꓰꓼ-ꓢꓰꓼ-ꓗꓱꓯꓸ ꓪꓳꓻ 2 ꓘꓹ ꓡꓱꓸꓼ ꓔꓯ ꓟꓯꓼ ꓐꓴ ꓡꓰ ꓡꓽ ꓛꓴꓸ ꓐꓶ ꓢꓰꓼ ꓠ ꓗꓷ ꓡꓰꓳ꓿ꓡꓲ-ꓢꓴ ꓐꓴ ꓠꓬ ꓪꓳꓻ ꓤꓹ ꓤꓽ ꓣꓴ ꓟꓽ ꓚꓰꓼ꓾ ꓫꓳꓺ ꓟꓽ ꓚꓰꓼ ꓟ ꓢꓷꓸ ꓡꓳ꓿
