ꓐꓣꓲꓔꓲꓢꓧ ꓪ ꓔꓲꓸ ꓤꓽ ꓛꓸ-ꓢꓲꓽ (Charles) ꓔꓯ ꓑ ꓫꓬ ꓟꓯꓼ ꓐꓴ ꓡꓰ ꓪ ꓔꓲꓸ ꓤꓼ ꓟꓶꓸ ꓓ-ꓬꓲ-ꓠ ꓐꓰ ꓗꓴꓸ ꓙꓲꓽ ꓙꓳ ꓢꓲꓸ ꓚꓲꓸ ꓚ ꓔꓬ ꓟ ꓓꓳꓽ ꓓꓳ ꓡ ꓡꓳ=
ꓟꓽ ꓟꓶ ꓫꓵ ꓕꓯ ꓥ ꓟꓲ ꓐꓐꓚ ꓓꓳꓽ ꓜꓴ ꓗꓪ ꓐꓰ ꓓ-ꓬꓲ-ꓠ ꓔꓯ ꓖꓶ ꓬꓲꓽ ꓘꓶꓽ ꓫꓸ ꓕꓱ ꓩꓴ ꓡ ꓡꓳ=
ꓪ ꓔꓲꓸ ꓤ ꓟꓶꓼ ꓐꓬꓱꓽ (ꓞꓳ ꓟꓳꓽ ꓟ ꓗꓷ ꓡꓰ ꓟ ꓐꓬꓱꓽ) ꓥ ꓟꓲ ꓡꓯ ꓫꓵ ꓓꓳ ꓡ ꓔꓬ ꓡꓳ=
ꓕꓱ ꓟ ꓠꓬ ꓓꓵꓽ ꓙ ꓟꓶ ꓓꓴ ꓚꓵ ꓔꓸ ꓟ ꓙꓳ ꓡ? ꓟꓲ ꓠꓯ ꓡ ꓞꓳ ꓮ ꓟꓬꓹ ꓢꓰꓸ ꓮ ꓢꓸ ꓔꓬ ꓡꓳ= ꓓꓵꓽ ꓙ ꓳ ꓟꓬ ꓘꓳ ꓔꓬ ꓟ ꓥ ꓡ?
ꓪ ꓔꓲꓸ ꓤꓼ ꓟꓶꓸ ꓓ-ꓬꓲ-ꓠ ꓠꓬ 1961 ꓘꓳꓼ 7 ꓦ 1 ꓠꓬꓲ ꓕꓯ ꓦꓵ ꓔꓸ ꓢꓲ꓾ 1981 ꓘꓳꓼ ꓕꓯ ꓪ ꓔꓲꓸ ꓤꓽ ꓛꓸ-ꓢꓲꓽ ꓔꓯ ꓡꓯ ꓒꓯꓹ ꓝꓸ ꓗꓷ ꓡꓳ= ꓬꓲꓸ ꓪ ꓦꓲ ꓘꓴ ꓗꓪ ꓠꓵ ꓠꓲꓹ ꓚꓱꓹ ꓗꓪ ꓘꓶ ꓡꓶꓽ ꓓꓴ ꓙꓳ ꓡꓳ ꓐꓰ ꓚ ꓡꓯ ꓘꓳ ꓡꓳ= ꓐꓐꓚ ꓓꓳꓽ ꓜꓴ ꓔꓯ ꓫꓸ ꓕꓱ ꓕꓯ ꓥ ꓟꓲ ꓪ ꓔꓲꓸ ꓤꓼ ꓟꓶꓼ ꓓ-ꓬꓲ-ꓠ ꓡꓰ ꓕꓱ ꓡꓱ ꓚ ꓔꓬꓹ ꓟ ꓓꓳꓽ ꓠꓬ ꓔꓱꓹ ꓡꓳ ꓐꓰ꓾ ꓟꓽ ꓘꓶꓽ ꓬꓲꓼ ꓬꓲꓼ ꓐꓯ ꓒꓬꓱ ꓩꓴ ꓡ ꓡꓳ=
ꓖꓳ ꓡꓱ ꓢꓲ 1997 ꓘꓳꓼ 8 ꓦ 31 ꓠꓬꓲ ꓕꓯ ꓟꓳ ꓓꓳ ꓕꓯꓼ ꓡꓰ ꓢꓲꓸ ꓫꓵꓻ ꓐꓰ ꓡ ꓞꓳ ꓐꓴ ꓘꓳ ꓣꓴ ꓔꓸ ꓟ ꓥ ꓡꓳ=
