ꓩꓴ-ꓖꓳꓽ ꓟꓵꓽ ꓗꓪ ꓬꓴ-ꓜꓲꓼ-ꓠꓼ ꓶ ꓡꓯꓼ ꓬꓰ ꓜꓴ ꓢꓲꓹ-ꓟꓶꓽ-ꓙꓲ ꓔꓶ ꓜꓽ ꓔꓶꓸ ꓗꓪ ꓮ ꓟꓶ ꓠꓬ ꓗꓲꓮ ꓟꓯꓼ ꓐꓴ ꓡꓰ ꓓꓶꓽ ꓧꓪꓸ ꓡꓰ ꓟ ꓑꓶꓸ ꓓꓴ ꓟꓵꓽ ꓪ ꓠꓲꓹ ꓫꓵ ꓢꓴ ꓮ ꓟꓬꓹ ꓙꓳ ꓡ ꓢꓲ꓾ ꓗꓲꓮ ꓡꓰ ꓮ ꓟ ꓥ ꓟꓲ ꓟꓵꓽ ꓢꓽ ꓟꓽ ꓓ꓾ ꓦꓴ ꓟꓽ ꓓ ꓐꓰ ꓕꓵꓼ ꓪ ꓐꓯ ꓩꓴ ꓡ ꓡꓳ=
ꓧꓶꓸ ꓕꓯ 2006 ꓘꓳꓼ ꓗꓪ ꓟꓯꓼ ꓙꓵꓽ ꓪ ꓙꓳ ꓟ ꓦꓬꓼ ꓠꓬꓲ ꓥ ꓢꓲ꓾ ꓞꓳ ꓘꓹ ꓮ ꓟꓬꓹ ꓔꓯ ꓚꓵꓸ ꓩꓴ ꓗꓷ ꓢꓲ꓾ ꓬꓴ-ꓜꓲꓼ-ꓠꓼ ꓶ ꓡꓯꓼ ꓬꓰ ꓜꓴ ꓡꓰ ꓢꓲꓹ-ꓟꓶ-ꓙꓲ ꓔꓶ ꓓꓴ ꓐꓯ ꓢꓲꓸ ꓟꓵꓽ 2 ꓢꓯꓹ ꓗꓽ ꓦꓴ ꓔꓯꓹ ꓙꓰ ꓟ ꓥ ꓡꓳ=
ꓮ ꓟꓶ ꓗꓲꓮ ꓡꓰ ꓕꓲ ꓧꓪꓹ ꓓꓶꓽ ꓧꓪꓸ ꓡꓰ ꓢꓲ꓾ ꓧꓶꓸ ꓕꓯ ꓞꓳ ꓘꓹ ꓡ ꓞꓳ ꓐꓴ ꓔꓯ ꓟꓵꓽ ꓡꓲꓸ ꓖꓶ ꓠꓹ ꓟ ꓓꓵꓽ ꓙ ꓔꓯ ꓢꓲ꓾ ꓠꓱꓸ ꓐꓯꓼ ꓡꓳ ꓑ ꓐꓴ ꓡꓰ ꓟꓵꓽ ꓢ ꓡ ꓟ꓾ ꓦꓴ ꓡ ꓟ ꓟꓽ ꓬꓰ ꓠꓹ ꓟ ꓗꓲꓮ ꓗꓪ ꓐꓰ ꓫꓸ ꓪ ꓜꓳ ꓩꓴ ꓡ ꓟ ꓥ ꓡꓳ=
