Video
ꓢꓰ-ꓖ-ꓑꓴ ꓗꓴꓷꓼ ꓡ ꓞꓳ ꓐꓴ ꓡꓰ 2021 ꓘꓳꓼ ꓗꓪ ꓦ ꓡꓱ ꓐꓳ ꓟ ꓡ ꓞꓳ ꓐꓴ ꓔꓯ ꓢꓲꓻ ꓣꓴ ꓗꓷ ꓠꓬ꓾ ꓤ ꓟꓶꓼ ꓤ ꓐꓴ ꓗꓪ ꓐꓰ 3 ꓣꓳ ꓕꓲ ꓣꓳ ꓠꓬ ꓮꓳ-ꓢ-ꓢꓴꓸ-ꓚꓰꓽ ꓥ ꓡꓳ ꓐꓰ ꓟꓳꓸ ꓖꓶ ꓔ ꓡꓳ꓿
ꓤ ꓟꓶꓼ ꓤ ꓐꓴ ꓗꓪ ꓐꓰ ꓧꓶꓸ ꓕꓯ ꓴꓢꓮ ꓪ ꓔꓲꓸ ꓡꓵꓺ ꓳ-ꓐ-ꓟ ꓦꓲ ꓢꓲ ꓟ ꓠꓬ ꓠꓳꓸ 1꓾ ꓝꓮꓲ ꓠꓬꓲꓽ ꓣꓳ ꓕꓲ ꓣꓳ ꓠꓬ ꓯ-ꓡꓲ-ꓜ-ꓐꓯꓼ ꓪ ꓔꓲꓸ ꓟ ꓐꓰ꓾ ꓢ ꓣꓳ ꓕꓲ ꓣꓳ ꓠꓬ ꓮꓳ-ꓢꓸ-ꓢꓴꓸ-ꓚꓰꓽ ꓥ ꓡꓳ꓿
ꓕꓱ ꓡꓱ ꓧꓪ ꓟꓰꓹ ꓟ ꓔꓯ YouGov ꓜꓴ ꓗꓪ ꓐꓰ ꓬꓰ ꓔꓸ ꓟ ꓥ ꓡꓳ꓿
2021 ꓘꓳꓼ 12 ꓦ 17 ꓠꓬꓲ꓾ ꓠꓯ-ꓑꓲ-ꓓꓳ ꓡꓳ ꓒꓱ꓾ ꓜ-ꓐꓴ-ꓔꓲ-ꓣꓲꓼ ꓐꓯ ꓟꓴ ꓘꓶꓽ ꓔꓶꓸ ꓕꓲ ꓟ ꓗꓪ ꓗꓴꓷꓼ ꓚꓴ ꓬꓲꓹ ꓖꓶꓽ ꓟ ꓮꓳ-ꓢꓸ-ꓢꓴꓸ-ꓚꓰꓽ ꓔꓯ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ ꓖꓪꓽ ꓓꓴ ꓖꓪ ꓝꓲ ꓢꓲꓸ ꓧꓳꓽ ꓛꓲ ꓡ ꓡꓳ꓿
ꓐꓯ ꓞꓲꓽ ꓒꓴ ꓒꓴ꓾ ꓓꓼ ꓖꓸ ꓟꓯꓸ ꓟꓯꓸ ꓖꓪ ꓔꓸ ꓟ ꓥ ꓡꓳ꓿ ꓕꓱ ꓟ ꓠꓬ ꓐꓱ ꓓꓴ ꓗꓪ ꓡꓴꓽ ꓔꓸ ꓟ ꓤ ꓟꓶ ꓤꓼ ꓐꓴ ꓖꓪꓽ ꓫꓵꓽ ꓥ ꓡꓳ꓿ ꓝꓮꓲ ꓬꓲꓸ ꓐꓰ ꓫꓵꓽ ꓪꓴ ꓕꓲ ꓟ ꓗꓪ ꓠꓬꓳꓸ ꓔꓸ ꓟ ꓠꓯ ꓞꓲꓼ ꓟꓸ ꓒ ꓟꓬꓳꓹ-ꓮꓳꓽ ꓔꓯ ꓥ ꓟꓲ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ ꓤꓽ ꓖꓪꓽ ꓓꓴ ꓖꓪꓽ ꓖꓶ ꓔ ꓡꓳ꓿
ꓗꓴꓷꓼ ꓚꓴ ꓬꓲꓹ ꓖꓶꓽ ꓟ ꓮꓳ-ꓢꓸ-ꓢꓴꓸ-ꓚꓰꓽ ꓔꓯ ꓫꓵꓽ ꓪꓴ 11 ꓚꓱꓹ ꓬꓰ ꓔꓸ ꓢꓲ꓾ 2 ꓚꓱꓹ ꓐꓱ ꓶ 4 ꓘꓳꓼ ꓡꓴꓽ ꓠꓹ ꓟ 12 ꓦ 6 ꓠꓬꓲ ꓕꓯꓽ ꓫꓵꓽ ꓘꓶꓽ ꓓꓳ ꓡꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓠꓯꓼ ꓠꓯꓼ ꓫꓵꓽ ꓘꓶꓽ ꓓꓳ ꓡꓰ ꓠꓬ ꓟꓶ ꓘꓶꓼ ꓝꓲꓸ ꓗꓪ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓡꓰ ꓕꓲ ꓐꓶꓽ ꓬꓲꓻ ꓖꓶꓽ ꓥꓳ ꓐꓯ ꓢꓲꓸ 2 ꓘꓳꓼ ꓡꓴꓽ ꓓꓴ ꓐꓯ ꓔꓸ ꓡꓳ꓿
ꓮ ꓟꓶ ꓕꓱ ꓕꓲ ꓧꓪꓹ ꓠꓬ꓾ ꓬꓥ-ꓖꓳꓥ ꓟꓴ ꓕꓲꓸ ꓙꓳꓥꓽ ꓙ ꓖꓴ ꓗꓪ ꓙꓳˍ ꓟ ꓦꓲ ꓕꓲ ꓦꓲ ꓔꓯ ꓥꓪꓸ ꓒꓵꓽ ꓐꓶˍ ꓟ ꓚꓱꓹ ꓗꓪ ꓟꓽ ꓜꓳ ꓟꓽ ꓔꓱꓹ ꓬꓰ ꓥ ꓐꓯ ꓢꓲ ꓟꓯꓼ ꓡꓰ ꓗꓳꓹ ꓔꓸ ꓟ ꓡꓳ ꓚ ꓫꓵꓽ ꓪꓴ ꓚꓲꓸ ꓚ ꓔꓬ ꓟ ꓥ ꓡꓳ꓿
ꓬꓲꓸ ꓚꓰ꓾ YouGov
