ꓟꓶ-ꓚꓲ-ꓠ ꓡꓲ-ꓢꓴ ꓡꓲꓽ ꓒꓰꓼ ꓜꓴ ꓐꓱꓻ ꓗꓪ ꓠꓬꓲꓸ ꓠꓬꓲ 2022 ꓘꓳꓼ 6 ꓦ 14 ꓠꓬꓲ ꓕꓯꓽ ꓢꓲꓹ ꓜꓲ ꓡꓳ ꓜꓲ ꓔꓶ ꓔꓬ ꓟ ꓓꓳꓽ ꓢꓷꓸ ꓪ ꓡꓳ꓿
“ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴ ꓚꓰꓻꓟꓵꓽ ꓐꓱ ꓗꓪ ꓢꓲꓹ ꓜꓲꓻꓔꓶꓻꓟ ꓟꓬꓱꓽ ꓔꓯꓸ (14-6-2022) ꓠꓬꓲ ꓠꓯꓼ (8:00) ꓙꓵꓹ ꓕꓯ ꓬꓰ ꓪ ꓡꓰꓳ꓿ꓢꓽ ꓡ ꓙꓵꓽ ꓐꓴ꓾ ꓗꓳ-ꓟꓲ-ꓔꓲ ꓔꓺ ꓢꓴ ꓐꓴ ꓐꓰ꓾ ꓟꓸ ꓒꓽ ꓐꓴ ꓜꓲꓼ ꓡ ꓢꓲꓸ ꓢꓲꓹ ꓜꓲ ꓔꓶ ꓗꓷꓳ” ꓐꓰ ꓔꓳꓹ ꓙ ꓟꓬꓱꓽ ꓢꓲꓺ ꓞꓳ ꓪꓴꓽ ꓞꓲ-ꓩꓴ-ꓓꓱꓼ ꓡꓰ ꓢꓷꓸ ꓙ ꓟꓴ ꓙ ꓔ ꓡꓳ꓿
ꓡꓲꓽ ꓒꓰꓼ ꓜꓴ ꓐꓱ ꓔꓯ ꓧꓶꓸ ꓕꓯꓽ ꓞꓳ ꓪꓴꓽ ꓮ-ꓞꓰ ꓦꓬꓼ ꓠꓬꓲ ꓗꓪ ꓪꓴꓻ ꓪꓴꓸ ꓔꓴ ꓢꓲ꓾ꓞꓳ ꓪꓴꓽ ꓮ-ꓒꓴ-ꓬꓲ-ꓡꓲ-ꓟꓲ ꓦꓬꓼ ꓠꓬꓲ ꓗꓪ ꓟꓵꓽ ꓓꓶꓻ ꓠꓬꓲ꓾ ꓐꓱꓻ ꓕꓴꓽ ꓠꓬꓲ꓾ ꓦꓲ ꓫꓬꓹ ꓠꓬꓲ ꓮ ꓟꓬꓹ ꓢꓯꓼ ꓕꓵꓼ ꓬꓰ ꓗꓷ ꓟ ꓥ ꓡꓳ꓿ ꓮ ꓟꓶ ꓠꓬ ꓞꓳ ꓪꓴꓽ ꓮ-ꓞꓰ ꓦꓬꓼ ꓠꓬꓲ ꓗꓪ ꓢꓲꓹ ꓜꓲ ꓡꓳ ꓜꓲ ꓔꓶꓺ ꓔꓬ ꓟ ꓥ ꓡꓳ꓿
