Video
2021 ꓘꓳꓼ 12 ꓦ 14 ꓠꓬꓲ ꓕꓯ ꓟꓬꓮꓼ-ꓪ-ꓓꓲ ꓡꓳ ꓒꓱ ꓒ ꓕꓲ ꓗꓪ ꓬꓲꓸ ꓫꓵꓼ ꓔꓶ ꓔꓸ ꓟ ꓡꓯꓹ-ꓗꓳ-ꓗꓯ ꓡꓳ ꓒꓱ ꓗꓪ ꓟꓬ-ꓟ ꓟꓯꓼ ꓐꓴ ꓓꓵꓽ ꓡ ꓢꓲ ꓟꓬꓮꓳꓹ-ꓟꓬꓮꓼ ꓡꓳ ꓒꓱ ꓑ ꓫꓬ ꓝꓲ ꓓꓴ ꓐꓰ ꓠꓱꓸ ꓐꓯꓼ 20 ꓣꓳ ꓛꓲ ꓔꓯ ꓣꓴ ꓔ ꓡꓳ꓿
ꓟꓵꓽ ꓖꓳ ꓟ ꓠꓬ ꓪ ꓔꓲꓸ ꓔꓲꓸ-ꓢꓰ ꓦꓬꓼ ꓠꓬꓲ ꓗꓪ ꓟꓯꓼ ꓛꓰꓹ ꓢꓴ ꓐꓴ ꓐꓱ ꓶ ꓐꓶꓽ ꓗꓴꓷꓼ ꓢꓴ ꓡꓰ ꓬꓰ ꓙ ꓢꓲꓸ ꓫꓬꓹ ꓜꓶ ꓔꓸ ꓟ ꓡꓳ ꓒꓱ ꓫꓵꓼ ꓥ ꓢꓲ꓾ ꓗꓠꓴ ꓓꓼ ꓒꓽ 6 ꓗꓪꓽ ꓫꓵꓽ ꓟ ꓟꓵꓽ ꓥ ꓡꓳ꓿
ꓟꓬ-ꓟ ꓟꓯꓼ ꓡꓰ ꓣꓴ ꓔꓸ ꓢꓴ ꓐꓴ ꓔꓯ ꓡꓲꓹ ꓖꓶ ꓡ ꓠꓹ ꓟ꓾ ꓟꓽ ꓥ ꓠꓬ ꓐꓶ ꓡꓯ ꓘꓳ ꓠ ꓗ ꓡ ꓥꓳ ꓐꓰ ꓗꓠꓴ ꓟꓯꓽ ꓡꓰ ꓫꓸ ꓪ ꓜꓳ ꓔꓸ ꓡꓳ ꓐꓯˍ ꓡꓳ꓿ ꓟꓬ-ꓟ ꓟꓯꓼ ꓐꓴ ꓠꓬ ꓡꓳ ꓒꓱ ꓘꓴꓽ ꓗꓪ ꓔꓬ ꓢꓲ꓾ ꓗꓠꓴ ꓟꓯꓼ ꓐꓴ ꓥ ꓟꓲ ꓡꓳ ꓒꓱ ꓚꓳ ꓡꓳ ꓗꓪ ꓟꓬ-ꓟ ꓟꓯꓼ ꓐꓴ ꓔꓯ ꓕꓲ ꓔꓱꓹ ꓗꓽ ꓚꓳꓸ ꓔꓸ ꓡꓳ꓿
ꓠꓬꓲꓽ ꓛꓱꓽ ꓟꓯꓼ ꓐꓴ ꓕꓲ ꓡꓲ ꓜꓲꓽ ꓡꓯ ꓘꓳ ꓔꓸ ꓟ ꓥ ꓢꓲ꓾ ꓮ ꓕꓯꓽ ꓡ ꓛꓴꓸ ꓑꓳꓺ ꓡ ꓟꓽ ꓢꓷꓸ ꓠꓬꓲ꓾ ꓑ ꓫꓬ ꓐꓧ ꓠꓬ ꓮ ꓡꓲ ꓐ ꓡ ꓖꓳ ꓡꓲ ꓡꓯꓹ-ꓗꓳ-ꓗꓯ ꓡꓳ ꓒꓱ ꓫꓵꓼ ꓗꓪ ꓐꓰ ꓛꓰꓹ ꓙꓰ ꓔꓬ ꓡꓳ꓿
ꓬꓲꓸ ꓚꓰ꓾ ꓗꓲꓚ, ꓐꓬꓱꓽ꓾ ꓗ-ꓢꓳꓸ-ꓪꓹ
