ꓑ ꓫꓬ ꓙꓵꓽ ꓪ ꓦꓴ ꓡ ꓟ ꓐꓰ꓾ ꓚꓳꓦꓲꓓ-19 ꓠꓻ ꓓꓱꓽ ꓠꓻ ꓢꓴ ꓟꓬꓽ ꓡ ꓔꓬ ꓟ ꓟꓬ-ꓟ ꓔꓯ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓮ ꓡꓲ ꓬꓰ ꓙ ꓠꓹ ꓟ ꓴꓠꓢꓚ (UN Security Council) Arria Meeting ꓖꓪ ꓙꓱ ꓜꓲꓼ ꓓꓴ ꓗꓪ ꓠꓴꓖ ꓗꓴꓷꓼ ꓙꓵꓽ ꓜꓴ ꓗꓪ ꓐꓰ ꓢꓲꓽ ꓟꓽ ꓢꓴ-ꓢ-ꓠ ꓡꓼ-ꓡꓼ-ꓢꓳꓸ ꓐꓰ꓾ ꓗꓑꓲꓚꓔ ꓧꓳꓽ ꓢꓴ ꓖ-ꓢ-ꓢꓯ ꓐꓴ ꓫꓸ ꓕꓱ ꓓꓴ ꓥꓳ꓿
ꓖꓪ ꓙꓱ ꓜꓲꓼ ꓓꓴ ꓪꓴꓸ ꓓꓵ ꓠꓬ꓾ “ꓟꓬ-ꓟ ꓫꓵꓽ ꓪꓴ ꓐꓰ ꓠꓻ ꓓꓱꓽ ꓔꓳꓹ ꓜꓳ ꓔꓬ ꓟ ꓗꓪ ꓣꓳ ꓠꓬꓲ ꓖꓴ ꓮ ꓡꓲ ꓗꓪ ꓥ ꓡ? (Myanmar Crisis, conflict and Covid- where are we now?)” ꓥ ꓡꓳ꓿ ꓬꓲꓸ ꓪ ꓠꓬꓲ ꓫꓵꓸ ꓢꓴ ꓫꓸ ꓕꓱ ꓙꓵꓹ ꓠꓬ 7 ꓦ 29 ꓠꓬꓲ꓾ 10:30 ꓮꓟ ꓗꓪ ꓐꓰ ꓪꓴꓸ ꓔꓴ ꓓꓴ ꓥ ꓡꓳ꓿
ꓕꓱ ꓟ ꓠꓬ ꓟꓲ ꓠꓯ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓴꓖ ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓔꓯ ꓒꓴ ꓒꓴ ꓡꓯꓽ ꓡꓯꓽ ꓘꓳ ꓣꓴ ꓢꓲ꓾ ꓫꓸ ꓕꓱ ꓝꓲ ꓡ ꓟ ꓬꓲꓸ ꓪꓴꓸ ꓕꓲ ꓧꓪꓹ ꓥ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓔꓯ ꓪꓴꓸ ꓔꓴ ꓗꓪ ꓐꓰ ꓡꓲꓹ ꓬꓰ ꓗꓪ ꓛꓲ ꓕꓱ ꓗꓪ ꓡꓳꓸ ꓪ ꓓ ꓡꓳ꓿ ꓡꓲꓠꓗ https://media.un.org/en/asset/k1l/k1ly8k5us6
