ꓟꓸ ꓒ ꓟꓳꓽ ꓥꓪ-ꓢꓳ-ꓑ-ꓕꓷ ꓢꓲ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ

ꓧꓶꓸ ꓕꓯꓽ ꓟꓬ-ꓟ ꓗꓴꓷꓼ ꓑꓴ-ꓔ-ꓳ ꓟꓶ-ꓡ-ꓓꓰ ꓘꓹ ꓘꓴ ꓜꓲꓼ ꓞꓳ ꓗꓪ ꓟꓸ ꓗꓷ ꓢꓴ꓾ ꓮ ꓟꓶ ꓕꓮꓲꓹ ꓗꓴꓷꓼ꓾ ꓛꓰ-ꓟꓮꓲꓽ ꓡꓳ ꓒꓱ ꓗꓪ ꓔꓬ ꓢꓴ ꓟꓸ ꓒ ꓥꓪ-ꓢꓳ-ꓑ-ꓕꓷ ꓠꓬ 2022 ꓘꓳꓼ 4 ꓦ 10 ꓠꓬꓲ꓾ ꓢ ꓘꓪ 11:55 ꓙꓵꓹ ꓗꓪ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿

ꓬꓲ ꓠꓬ ꓕꓮꓲꓹ ꓗꓴꓷꓼ ꓗꓪ ꓟ ꓡꓲ-ꓢꓴ ꓐꓴ ꓔꓯ ꓶꓼ ꓓꓳ ꓫꓱ ꓓꓳꓽ ꓬꓲꓸ ꓪꓴꓸ ꓕꓴꓸ ꓟꓸ ꓖꓶ ꓢꓴ ꓐꓴ ꓗꓪ ꓐꓰ ꓕꓲ ꓣꓳ ꓥ ꓢꓲ꓾ ꓟꓳꓸ-ꓖꓶ-ꓓꓴ ꓕꓳ ꓶ ꓒꓶꓻ ꓘꓶꓽ ꓕꓲ ꓑꓷꓠ ꓡꓲ-ꓢꓴ ꓥꓳꓽ ꓗꓪ ꓐꓳ ꓔꓸ ꓬꓰ ꓡꓳ꓿

ꓬꓲꓸ ꓠꓬ ꓢꓲꓺ ꓒꓽ ꓟꓬꓱꓽ ꓗꓪ (60) ꓘꓳꓼ ꓛꓲ ꓟꓬꓱꓽ ꓬꓰ ꓗꓳꓸ ꓡ ꓢꓲ꓾ ꓬꓲꓸ ꓞꓲꓼ ꓠꓬ (93) ꓘꓳꓼ ꓐꓲ ꓡ ꓕꓯꓽ ꓢꓲꓺ ꓒꓽ ꓠꓯꓸꓼ ꓬꓲꓼ ꓟꓶ ꓡꓰˍ ꓟ ꓥ ꓡꓳ꓿