2021 ꓘꓳꓼ 11 ꓦ 25 ꓠꓬꓲ꓾ ꓠꓯꓼ 6 ꓙꓵꓹ ꓗꓪ ꓐꓰ ꓟꓳꓼ ꓡꓳ ꓑ ꓬꓰ ꓗꓪ ꓛꓲ ꓡꓳꓲ-ꓗꓳ ꓐꓰ꓾ ꓓꓰ-ꓟꓳ-ꓢꓴ ꓠꓬꓲꓽ ꓗꓴꓸ ꓚꓸ ꓟꓲꓺ 6 ꓕꓶꓹ ꓗꓪ ꓗ-ꓬꓲ-ꓠꓰ ꓡꓳꓸ ꓙ ꓔ ꓙ ꓟꓯꓼ ꓐꓴ ꓠꓬ ꓟꓬ-ꓟ ꓟꓯꓼ ꓐꓴ ꓟꓳꓼ ꓡꓳ ꓗꓪ ꓛꓲ ꓦꓰꓼ ꓟ ꓖꓳꓽ ꓠꓰ ꓔꓳꓼ ꓡꓯ ꓘꓳ ꓗꓷꓳ꓿
ꓟꓯꓼ ꓘꓶꓽ ꓗꓪ ꓗꓠꓓꓝ ꓗꓪ ꓐꓰ 4 ꓣꓳ ꓐꓶ ꓢꓰꓼ ꓡꓻꓳ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿ ꓞꓳ ꓫꓵꓻ ꓪꓽ ꓫꓵꓻ ꓥ ꓟꓲ꓾ ꓜꓽ ꓓꓴ ꓟꓽ ꓜ ꓪ ꓥ ꓟꓲ ꓟꓽ ꓔꓶꓹ ꓘꓰꓹ ꓘꓰꓹ ꓜꓲꓽ ꓡꓯ ꓘꓳ ꓢꓲꓸ ꓔꓳꓼ ꓡꓯ ꓘꓳ ꓗꓷ ꓡꓳ꓿
“ꓥꓪ ꓠꓴ ꓟꓯꓼ 4 ꓣꓳ ꓢꓯꓼ ꓟꓬ ꓖꓶ ꓗꓷꓳ꓿ ꓬꓲ ꓪ ꓠꓬ ꓤ ꓘꓹ ꓥꓳ ꓐꓰ ꓟꓬꓱ ꓓꓳꓽ ꓖꓶ ꓔꓬ ꓥꓳ꓿ ꓥꓪ ꓠꓴ ꓢꓯꓸ ꓔꓬ ꓕ ꓑꓳꓸ ꓔꓳꓹ ꓡꓯ ꓘꓳ ꓓꓴ ꓥꓳ” ꓐꓰ ꓗꓠꓓꓝ ꓑꓮꓖꓰ ꓗꓪ ꓐꓳ ꓔ ꓡꓳ꓿
ꓝꓮꓲ ꓟꓳꓼ ꓡꓳ ꓒꓳꓹ ꓡ ꓕꓯ Facebook ꓗꓪ ꓐꓰ “ꓗꓠꓓꓝ ꓐꓴ ꓜꓽ ꓓꓴ ꓟꓽ ꓜꓽ ꓪ ꓢꓲꓽ” ꓐꓰ ꓐꓳ ꓩꓴ ꓗꓷ ꓠꓬ ꓒ ꓕꓲ ꓒ ꓠꓶꓽ ꓗꓪ ꓟ ꓘꓹ ꓢꓴ ꓐꓴ ꓡꓰꓽ ꓠꓲꓹ ꓞ ꓠꓲꓹ ꓧꓳꓽ ꓜ ꓕꓱꓹ ꓐꓰ ꓣꓱꓽ ꓓꓴ ꓒꓴ ꓮ ꓔꓲꓸ ꓔꓲꓸ ꓗꓶ ꓔꓸ ꓢꓲꓸ ꓦ ꓖꓶ ꓛꓲ ꓡ ꓡꓳ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓗ-ꓬꓲ-ꓠꓰ ꓟꓵꓽ ꓠꓬ ꓐꓲ-ꓔꓲ-ꓫꓼ ꓦꓬꓼ ꓠꓬꓲ ꓗꓪ ꓥ ꓟꓲ ꓟꓵꓽ ꓦꓴ ꓢꓴ ꓐꓴ ꓡꓯ ꓒꓯꓹ ꓗꓪ ꓟꓽ ꓓꓵ ꓡꓰ ꓠꓬꓲˍ ꓟ꓾ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽˍ ꓟ ꓟꓵꓽ ꓫꓴ ꓕꓲ ꓟ ꓥ ꓡꓳ꓿ 1947 ꓘꓳꓼ ꓗꓪ ꓟꓯꓼ ꓜꓲꓽ ꓮꓳ-ꓢꓸ ꓐꓴ ꓔꓯ ꓠ ꓠꓹ ꓢꓲꓸ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓡ ꓟ ꓟꓵꓽ ꓥ ꓡꓳ꓿
Source: PDFChannel
