ꓲ-ꓓꓲ-ꓬ ꓟꓵꓽ꓾ ꓟꓲ-ꓜꓳ-ꓣ ꓗꓪ ꓛꓲ ꓡ ꓟ ꓟꓬ-ꓟ ꓟꓯꓼ ꓘꓰꓹ ꓢꓴ ꓐꓴ ꓤ ꓠꓱ 6 ꓘꓳꓼ ꓗꓪ ꓐꓰ 14 ꓘꓳꓼ ꓗꓪ ꓛꓲ ꓮ ꓙꓵꓽ ꓔꓯ ꓢꓷ ꓠꓲꓹ ꓢꓳ ꓦꓲ ꓗꓪ ꓘꓳ ꓣꓴ ꓙ ꓠꓹ ꓟ ꓟꓵꓽ ꓫꓴ ꓙꓵꓽ ꓢꓲꓽ ꓒ ꓡꓰ 2021 ꓘꓳꓼ 8 ꓦ 31 ꓠꓬꓲ ꓕꓯꓽ ꓕꓵꓼ ꓪ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓟꓲ-ꓜꓳ-ꓣ ꓗꓪ ꓟꓬ-ꓟ ꓡ ꓞꓳ 10000 ꓣꓳ ꓟꓽ ꓞꓲ ꓟꓯꓼ ꓘꓰꓹ ꓑꓬ ꓔꓬ ꓟ ꓥ ꓢꓲ꓾ ꓗꓳꓸ ꓡ ꓟ 8 ꓦ ꓘꓴꓽ ꓗꓪ ꓥ ꓟꓲ ꓟꓵꓽ ꓫꓴ ꓙꓵꓽ ꓢꓲꓽ ꓒꓽ ꓐꓴ ꓡꓰ ꓮ ꓙꓵꓽ ꓢꓴ ꓔꓯ ꓚꓳꓦꓲꓓ-19 ꓠꓻ ꓓꓱꓽ ꓗꓽ ꓠꓯ ꓞꓲꓼ 1 ꓧꓪꓹ ꓬꓲꓸ ꓒꓵꓽ ꓟꓽ ꓐꓯ ꓗꓸ ꓖꓶ ꓗꓷꓳ꓿
ꓟꓬ-ꓟ ꓟꓯꓼ ꓜꓲꓽ ꓐꓴ ꓠꓽ ꓚꓲ ꓛꓬ ꓙꓲ ꓖꓴ ꓐꓱ ꓶ ꓑ ꓫꓬꓽ ꓙꓵꓽ ꓪ ꓣꓴ ꓙꓰ ꓢꓲ꓾ ꓚꓲ ꓛꓬ ꓑ ꓫꓬ ꓔꓯ ꓛꓴꓽ ꓙꓳ ꓢꓴ ꓓꓽ ꓟ ꓡꓰ ꓐꓰ ꓬꓰ ꓔꓬ ꓟ ꓦꓬꓼ ꓠꓬꓲ ꓗꓪ꓾ ꓠꓶꓽ ꓛꓳ ꓕꓲ ꓛꓳ ꓗꓴꓷꓼ ꓐꓴ ꓠꓬ ꓟꓬ ꓢꓶꓽ ꓟꓲꓸ ꓟꓽ ꓬꓯꓼ꓾ ꓫꓸ ꓠꓬꓲ ꓤꓼ ꓠꓰ ꓡꓳꓸ ꓙ ꓠꓬꓲ ꓙ ꓔꓬ ꓡꓳ꓿
