ꓢ-ꓗꓼ-ꓢ ꓡꓰ ꓟꓯꓼ ꓜꓲꓽ ꓐꓴ ꓦꓲ ꓧꓪ ꓕꓯ ꓚꓓꓟ ꓬꓰ ꓔꓸ ꓢꓴ/ ꓗꓴꓷꓼ ꓔꓯ ꓔꓳꓹ ꓟꓬꓱꓽ ꓬꓰ ꓟ ꓑꓶꓸ ꓓꓴ 505 (ꓐ) ꓡꓰ ꓐꓯ ꓟꓴ ꓩꓴ ꓟꓶ ꓡꓰ ꓔꓸ ꓢꓴ ꓔꓯ ꓧꓪ ꓟꓽ ꓓ ꓐꓰ ꓕꓵꓼ ꓪ ꓘꓶꓽ ꓓꓳ ꓔꓸ ꓡꓳ ꓐꓰ ꓓꓳꓽ ꓜꓳ ꓡ ꓡꓳ=
ꓕꓱ ꓟ ꓐꓰ ꓗꓳꓸ ꓙꓲꓽ ꓙꓳ ꓢꓲ꓾ ꓚꓓꓟ ꓬꓰ ꓔꓬ ꓢꓴ ꓐꓰ ꓑ ꓫꓬꓼ ꓐꓴ ꓠꓬ ꓮ ꓘꓶꓸ ꓠꓲꓹ ꓜꓳ ꓠꓲꓹ ꓐꓶ ꓔꓬ ꓡꓳ= ꓚꓓꓟ ꓬꓰ ꓢꓴ ꓠꓬ ꓟꓯꓼ ꓬꓰ ꓟꓽ ꓜꓳ ꓟ ꓔꓯ ꓢꓷꓸ ꓢꓲꓸ ꓔꓳꓹ ꓢꓴ ꓥ ꓠꓬꓲ꓾ ꓮ ꓡꓲ ꓐꓯ ꓢꓲꓸ ꓠꓴ ꓪ ꓟꓯꓼ ꓜꓲꓽ ꓦꓲ ꓢꓲ ꓟ ꓬꓰ ꓡ ꓥꓳ ꓪ? ꓐꓰ ꓡꓯꓽ ꓔꓯꓽ ꓘꓶꓽ ꓮ ꓟꓬꓹ ꓓꓳ ꓡ ꓡꓳ=
ꓮ ꓡꓲꓳ ꓐꓯ ꓠꓬ ꓟꓯꓼ ꓒꓽ ꓐꓴ ꓠꓬ ꓗꓴꓷꓼ ꓔꓯ ꓚꓬꓴꓹ ꓙ ꓢꓴ ꓥ ꓡꓳ ꓐꓰ꓾ ꓕꓲ ꓞꓲꓼ ꓡꓲꓸ ꓕꓲ ꓞꓲꓼ ꓗꓪ ꓟꓸ ꓪꓴꓸ ꓡꓰ ꓟ ꓑꓶꓸ ꓓꓴ ꓑ ꓫꓬꓼ ꓔꓯ ꓠꓲꓹ ꓠꓵ ꓟꓽ ꓗꓴꓸ꓾ ꓑ ꓫꓬ ꓔꓯ ꓒꓵꓽ ꓟꓽ ꓗꓴꓸ ꓟ ꓒꓬꓱꓼ ꓡ ꓡꓳ=
