ꓟꓬ-ꓟ ꓣꓳ-ꓦꓲ-ꓙ ꓫꓵꓽ ꓪꓴ ꓔꓯ ꓟꓵꓽ ꓗꓳ ꓓꓵ ꓓꓵ ꓥꓶꓸˍ ꓟ ꓝꓴꓲꓸ ꓫꓵꓽ ꓘꓶꓽ ꓖꓴ (International Criminal Court- ꓲꓚꓚ) ꓗꓪ ꓠꓲꓹ ꓞ ꓡꓯꓼ ꓙꓱ ꓩꓴ ꓠ ꓔꓸ ꓥ ꓐꓰ Fortify Rights ꓡꓰ 2022 ꓘꓳꓼ 6 ꓦ 8 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓔꓸ ꓟ ꓕꓳ ꓶ (ꓠꓦꓚ)
ꓣꓳ-ꓦꓲ-ꓙ ꓐꓴ ꓔꓯ ꓠꓦꓚ ꓢꓷꓸ ꓡꓰ ꓓꓴ ꓬꓰ ꓖꓶꓽ ꓟ ꓠꓬ ꓠ-ꓜꓲ ꓑ-ꓔꓲ ꓡꓰꓽ ꓟꓲ ꓠꓯ ꓟꓶꓽ ꓙꓽ ꓦꓬꓼ ꓠꓬꓲ ꓗꓪ ꓬꓲ-ꓢꓷ-ꓡꓰ ꓟꓶꓽ ꓟꓶꓽ ꓢꓯꓹ ꓢꓯꓹ ꓔꓯ ꓢꓰꓼˍ ꓟ ꓐꓰ 1994 ꓘꓳꓼ ꓗꓪ ꓣ-ꓪ-ꓓ ꓗꓴꓷꓼ ꓗꓪ ꓔꓴ-ꓢꓰ ꓞꓳ ꓫꓵꓽ ꓔꓯ ꓢꓰꓼ ꓟ ꓡꓰ ꓐꓰ ꓬꓲꓸ ꓙ ꓖꓴ ꓕꓲ ꓡꓰꓹꓼ ꓥ ꓡꓳ꓾ ꓐꓰ ꓐꓯ ꓩꓴ ꓡ ꓡꓳ꓿
ꓞꓳ ꓫꓵꓽ ꓕꓲ ꓫꓵꓽ ꓔꓯ ꓒꓯꓽ ꓢꓲꓸ ꓗ ꓟꓶꓽ ꓫꓵꓸ ꓫꓵꓸ ꓢꓰꓼ ꓠꓹ ꓟ ꓚꓴ ꓬꓲꓹ ꓓꓶꓽ ꓔꓸ ꓟ ꓗꓸ ꓚꓵ ꓠꓬ ꓠꓦꓚ ꓥ ꓡꓳ꓾ ꓐꓯ ꓔꓸ ꓡꓳ꓿
Fortify Rights ꓠꓬ ꓟꓵ ꓗꓳ ꓓꓵ ꓓꓵ ꓗꓪ ꓟ ꓡ ꓞꓳ ꓐꓴ ꓟꓶ ꓙꓲꓽ ꓙꓳˍ ꓟ ꓡ ꓞꓳ ꓶꓽ ꓐꓱ ꓶ ꓧꓪ ꓟꓰꓹ ꓟ꓾ ꓝꓸ ꓙ ꓟ꓾ ꓢꓯꓼ ꓖꓶꓽ ꓟ ꓟꓬꓱꓽ ꓬꓰ ꓜꓴ ꓥ ꓡꓳ꓿
