2022 ꓘꓳꓼ 12 ꓦ 7 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓓꓶꓽ ꓡꓯ ꓘꓳ ꓔꓬ ꓟ ꓠꓟꓼ-ꓢ ꓟꓵꓽ꓾ ꓗꓳꓸ-ꓔ-ꓬ ꓟꓯꓼ ꓘꓶꓽ ꓑꓶꓸ ꓔꓯ ꓟꓳꓸ ꓟꓬ-ꓟ ꓟꓯꓼ ꓡꓰ ꓐꓯˍ ꓟ ꓐꓯ ꓘꓶꓽ ꓐꓰ꓾ ꓔꓠꓡꓮ ꓟꓯꓼ ꓡꓰ ꓐꓯˍ ꓟ ꓟꓽ ꓫꓱꓸ ꓡꓯ ꓘꓳ ꓟ ꓙꓳ ꓡꓳ꓿
ꓟꓬ-ꓟ ꓟꓯꓼ ꓡꓰ “ꓗꓳꓸ-ꓔ-ꓬ ꓟꓯꓼ ꓘꓶꓽ ꓠꓬ ꓔꓠꓡꓮ ꓟꓵꓽ ꓗꓪ ꓔꓬ ꓟ ꓑꓓꓝ ꓔꓯ ꓢꓰꓼˍ ꓟ ꓥ ꓡꓳ꓿ ꓔꓠꓡꓮ ꓥ ꓟꓲ ꓕꓱ ꓟ ꓔꓯ ꓢꓷꓸ ꓡꓳ꓿ ꓟꓯꓼ ꓶꓻ ꓤ ꓥ ꓟꓲ ꓮ ꓟꓬꓹ ꓣꓴ ꓟꓶꓳ” ꓐꓰ ꓮꓽ ꓟꓲ 17 ꓠꓬꓲ ꓗꓪ ꓢꓷ ꓙ ꓟꓴ ꓙ ꓔꓸ ꓡꓳ꓿
ꓔꓠꓡꓮ ꓡꓰ “ꓗꓳꓸ-ꓔ-ꓬ ꓗꓪ ꓟꓬ-ꓟ ꓟꓯꓼ ꓡꓰ ꓐꓯ ꓔꓬ ꓟ ꓔꓠꓡꓮ ꓡꓯ ꓒꓯꓹ ꓗꓪ ꓐꓰ ꓟꓯꓼ ꓶ ꓤ ꓣꓴ ꓟꓶ ꓬꓰˍ ꓟ ꓟꓽ ꓙꓳ꓿ ꓢꓼ ꓗꓼ ꓘꓼ 21 ꓗꓪ ꓐꓰ ꓟꓬ-ꓟ ꓟꓯꓼ ꓮ ꓟꓬꓹ ꓫꓵꓻꓳ꓿ ꓡꓽ ꓛꓴꓸ ꓶ ꓤ ꓮ ꓟꓬꓹ ꓣꓴ ꓟꓶꓳ꓿ ꓟꓯꓼ ꓘꓶꓽ 7 ꓠꓬꓲ ꓟ ꓘꓴ ꓗꓪ ꓗꓳꓸ-ꓔ꓾ ꓧꓴ-ꓟ꓾ ꓟ-ꓡꓳꓹ ꓞꓳ ꓘꓹ 3 ꓟ ꓗꓪ ꓦꓲ ꓐꓰ ꓡ-ꓟ ꓦꓲ ꓮ ꓟꓬꓹ ꓐꓬ ꓡꓰꓳ꓿ ꓑ ꓫꓬ ꓮ ꓙꓵꓽ ꓟꓬ-ꓟ ꓟꓯꓼ ꓔꓯ ꓕꓲ ꓠꓲꓹ ꓕꓲ ꓪ ꓔꓳꓹ ꓡꓯ꓿ ꓢꓰꓼ-ꓗꓮꓲꓹ ꓗꓪ ꓡꓰ ꓐꓰ ꓕꓽ ꓗ ꓬꓰ ꓝꓲ ꓗꓯ” ꓐꓰ ꓟꓲꓸ ꓟꓲ 18 ꓠꓬꓲ ꓕꓯꓽ ꓓꓳꓽ ꓡꓯꓽ ꓔꓯꓽ ꓐꓳ ꓡꓽ ꓔꓸ ꓡꓳ꓿
ꓬꓲꓸ ꓐꓬꓱꓽ ꓬꓲꓸ ꓪꓴꓸ ꓠꓬꓲꓽ ꓟ ꓠꓬ ꓔꓠꓡꓮ ꓡꓰ ꓣꓴ ꓟꓶ ꓬꓰˍ ꓟ ꓟꓯꓼ ꓶ ꓤꓼ꓿ ꓗꓸ ꓠꓯꓸ ꓠꓬꓲꓽ ꓟ ꓠꓬ ꓟꓬ-ꓟ ꓟꓯꓼ ꓡꓰ ꓢꓷꓸ ꓙ ꓟꓴ ꓙ ꓔꓸ ꓟ ꓐꓬꓱꓽ꓿
