ꓑ ꓫꓬ ꓙꓵꓽ ꓪ ꓦꓴ ꓢꓴ ꓢ-ꓗ-ꓢꓼ ꓐꓴ ꓠꓬ꓾ ꓟꓬ-ꓟ ꓗꓴꓷꓼ ꓑ ꓫꓬ ꓐꓴ ꓟꓶ ꓠꓯˍ ꓟ ꓞꓳ ꓤ ꓶꓽ (Human Rights) ꓔꓯ ꓒꓬꓹ ꓔꓬ ꓡꓳ ꓐꓰ꓾ ꓟꓲ ꓠꓯ ꓗꓴꓷꓼ ꓜꓴ ꓞꓳ ꓤ ꓶꓽ ꓔꓯ ꓚꓬꓼ ꓜꓴ (UN Human Rights Council) ꓗꓪ 2021 ꓘꓳꓼ 7 ꓦ 12 ꓠꓬꓲ ꓘꓳ ꓣꓴ ꓗꓷꓳ=
ꓧꓶꓽ ꓒꓽ ꓗꓴꓷꓼ ꓠꓬ ꓕꓱ ꓟ ꓔꓯ ꓪꓽ ꓟꓽ ꓫꓳ= ꓖꓳ ꓡꓱ ꓥ ꓟꓲ ꓗꓴꓷꓼ ꓜꓴ ꓗꓪ ꓠꓱꓸ ꓐꓯꓼ ꓗꓴꓷꓼ ꓮ ꓙꓵꓽ ꓠꓬ꓾ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓳꓸ ꓖꓶ ꓡ ꓟ ꓬꓲꓸ ꓝꓺ ꓕꓲ ꓟ ꓡꓲꓸ ꓕꓲ ꓟ ꓔꓯ ꓡꓳꓸ ꓟꓳ ꓗꓸ ꓠꓯꓸ ꓟꓬ-ꓟ ꓗꓴꓷꓼ ꓙꓵꓽ ꓪ ꓦꓴ ꓢꓴ ꓐꓴ ꓠꓬ ꓑ ꓫꓬ ꓐꓴ ꓟꓶ ꓙꓲꓽ ꓙꓳ ꓟ ꓞꓳ ꓤ ꓶꓽ ꓔꓯ ꓒꓬꓹ ꓔꓬ ꓡꓳ ꓐꓰ ꓘꓳ ꓣꓴ ꓗꓷ ꓟ ꓥ ꓡꓳ=
ꓗꓴꓷꓼ ꓜꓴ ꓗꓪ ꓐꓰ ꓞꓳ ꓤꓽ ꓶꓽ ꓔꓯ ꓟꓳꓸ ꓗꓪꓽ ꓫꓵ ꓢꓲꓸ ꓟꓬꓱꓽ ꓖꓶ ꓔꓸ ꓟ ꓝꓲ ꓓꓴ ꓯ-ꓓꓲ-ꓣꓴ ꓡꓰ꓾ ꓟꓬ-ꓟ ꓗꓴꓷꓼ ꓗꓪ ꓕꓱ ꓡꓱꓳ ꓫꓵ ꓮ ꓟꓬꓹ ꓒꓬꓱꓼ ꓔꓬ ꓟ ꓧꓶꓸ ꓕꓯ ꓖꓶ ꓥꓪ ꓐꓯ ꓗꓷꓳ= ꓮ ꓟꓶ ꓖꓶ ꓐꓯ ꓔꓬ ꓡꓳ= ꓗꓴꓷꓼ ꓜꓴ ꓗꓪ ꓐꓰ ꓟꓬꓱꓽ ꓬꓰ ꓟ ꓟꓽ ꓡꓳꓼ ꓐꓰ꓾ ꓕꓼ ꓩꓴ ꓡ ꓡꓳ=
ꓟꓬ-ꓟ ꓗꓴꓷꓼ ꓗꓪ ꓣꓳ-ꓦꓲ-ꓙ ꓐꓰ ꓠꓱꓸ ꓐꓯꓼ ꓞꓳ ꓠꓲꓸ ꓡ ꓞꓳ ꓐꓴ ꓮ ꓟꓬꓹ ꓔꓯ ꓠꓬꓲꓸ ꓤꓲ ꓟ꓾ ꓞꓳ ꓫꓵꓽ ꓟꓶꓽ ꓡꓰ ꓗꓪ ꓛꓲ ꓙ ꓖꓶꓽ ꓢꓲꓸ ꓟꓬꓱꓽ ꓬꓰ ꓟ ꓔꓯ ꓟꓯꓼ ꓐꓴ ꓡꓰ ꓬꓰ ꓗꓳꓸ ꓡ ꓟ ꓠꓬ ꓡ ꓞꓳ ꓕꓲ ꓤꓶ 70 ꓘꓳꓼ ꓟꓽ ꓞꓲ ꓥꓳ= ꓕꓱ ꓟ ꓑꓶꓸ ꓓꓴ ꓑ ꓫꓬꓼ ꓮ ꓟꓬꓹ ꓠꓬ ꓠꓬꓲꓸ ꓤꓲ ꓟꓶ ꓟ꓾ ꓫꓸ ꓟꓳ ꓫꓸ ꓚꓬ ꓢꓰꓼ ꓪ ꓡꓰ ꓟ ꓐꓰ꓾ ꓡ ꓞꓳ ꓐꓴ ꓟꓶ ꓙꓲꓽ ꓙꓳ ꓟ ꓶꓽ ꓔꓯ ꓟꓽ ꓘꓳ ꓣꓴ ꓟꓶ ꓟ ꓮ ꓟꓬꓹ ꓔꓳꓹ ꓜꓳ ꓔꓬ ꓟ ꓥ ꓡꓳ=
