“ꓟꓬ-ꓟ ꓑ ꓫꓬ ꓐꓴ ꓥꓳ ꓡꓳꓸ ꓔꓸ ꓟ ꓓꓰ-ꓟꓳ-ꓗꓯ-ꓢꓰ ꓪ ꓗꓪ ꓛꓲ ꓔꓳꓼ ꓡꓯ ꓘꓳ ꓓꓴ ꓥꓳ” ꓐꓰ꓾ ꓴꓢꓮ ꓟꓴ ꓕꓲꓸ ꓑ ꓫꓬ ꓝꓲ ꓓꓴ ꓜꓴ ꓗꓪ ꓟ ꓬꓰ-ꓑ-ꓑꓶ-ꓡꓲ ꓑ-ꓔꓲ ꓧꓳꓽ ꓢꓴ Mitch McConnell ꓡꓰ 2022 ꓘꓳꓼ 4 ꓦ 7 ꓠꓬꓲ ꓕꓯꓽ ꓐꓯ ꓩꓴ ꓡ ꓡꓳ꓿
ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓐꓱ ꓶ ꓴꓢꓮ ꓗꓴꓷꓼ ꓝꓲ ꓓꓴ ꓓꓽ ꓟ Thomas Vajda ꓐꓰ 4 ꓦ 6 ꓠꓬꓲ ꓕꓯꓽ ꓫꓸ ꓕꓱ ꓖꓪ ꓙꓱ ꓓꓳ ꓡꓰ ꓗꓸ ꓠꓯꓸ ꓕꓱ ꓡꓱ ꓐꓯ ꓩꓴ ꓡ ꓟ ꓥ ꓡꓳ꓿ ꓬꓲꓸ ꓪ ꓖꓪ ꓙꓱ ꓟ ꓗꓪ ꓟꓬ-ꓟ ꓐꓰ ꓮ-ꓢꓲ-ꓬ ꓟꓵꓽ ꓗꓪ ꓫꓸ ꓢꓴ ꓐꓴ ꓔꓯ ꓔꓳꓹ ꓙ ꓬꓰ ꓙ ꓚꓱꓹ ꓚꓴ ꓬꓲꓹ ꓓꓶꓽ ꓖꓪ ꓙꓱˍ ꓟ ꓥ ꓡꓳ꓿
Aung San SUU Kyi
ꓝꓮꓲ 2021 ꓘꓳꓼ 12 ꓦ ꓕꓯꓽ ꓙꓵꓽ ꓗ ꓒꓬꓱꓼ ꓡ ꓗꓷˍ ꓟ ꓠꓓꓮꓮ ꓴꓢꓮ ꓗꓴꓷꓼ ꓡꓳꓸ ꓙ ꓗꓽ ꓙ ꓙꓵꓽ ꓗ) ꓗꓪ ꓠꓴꓖ/ꓠꓴꓚꓚ ꓐꓴ ꓔꓯ ꓔꓳꓹ ꓙ ꓠꓹ ꓟ ꓟꓬꓱꓺ ꓞꓶ ꓢꓲꓸ ꓐꓳ ꓪ ꓡꓰˍ ꓠꓬꓲ ꓠꓲꓹ ꓟ ꓢ ꓡꓰꓳ꓾ ꓐꓯ ꓡꓳ꓿
Mitch McConnell ꓠꓬ ꓮꓳ-ꓢ-ꓢꓴ-ꓚꓰꓽ ꓛꓳ ꓒꓯꓹ ꓥ ꓢꓲ꓾ ꓟꓬ-ꓟ ꓗꓴꓷꓼ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓐꓱ ꓶ ꓮ ꓘꓶꓸ ꓢꓯꓼ ꓕꓵꓯ ꓬꓰ ꓙ ꓔꓬ ꓢꓴ ꓥ ꓡꓳ꓿
