🇺🇦 2022 ꓘꓳꓼ 3 ꓦ 7 ꓠꓬꓲ꓾ ꓬꓴ-ꓗ-ꓣꓲꓸ ꓗꓴꓷ꓾ ꓧꓳ-ꓢꓲ-ꓔꓳ-ꓟꓯ (Hostomel) ꓡꓳ ꓒꓱ ꓙꓵꓽ ꓢꓲꓽ ꓒꓽ ꓬꓴ-ꓬꓲ-ꓑ-ꓡꓲ-ꓡꓲꓼ-ꓗꓳ ꓠꓬ ꓬꓲꓸ ꓟꓳ-ꓓꓳ ꓗꓪ ꓐꓰ ꓑ ꓫꓬ ꓐꓴ ꓐꓱ ꓶ ꓜꓽ ꓓꓴ ꓐꓰ ꓠꓯ ꓞꓲꓼ ꓚꓰꓹ ꓖꓶ ꓔꓬ ꓕꓯꓽ ꓣ-ꓫꓸ ꓟꓯꓼ ꓐꓴ ꓡꓰ ꓐꓶ ꓢꓰꓼꓳ꓿
Hostomel ꓡꓳ ꓒꓱ ꓕꓱ ꓟ ꓗꓪ ꓣ-ꓫꓸ ꓐꓴ ꓓꓵꓽ ꓡ ꓢꓲꓸ ꓑ ꓫꓬ ꓐꓴ ꓔꓯ ꓫꓸ ꓟꓴ ꓫꓫ ꓚꓬ ꓬꓰ ꓔꓬ ꓟ ꓥ ꓡꓳ꓿
ꓬꓲꓸ ꓟꓳ-ꓓꓳ ꓔꓯ ꓟꓯꓼ ꓜꓴ ꓐꓴ ꓡꓰ ꓚꓳꓸ ꓢꓲꓸ ꓐꓶ ꓡ ꓟ ꓗꓪ ꓐꓰ ꓡꓲꓹ ꓙꓰ ꓠꓹ ꓟ ꓙ ꓖꓴ ꓖꓳꓼ ꓕꓲ ꓟ ꓗꓪ ꓫꓵꓸ ꓛꓲ ꓬꓰ ꓥ ꓟꓲ꓾ ꓦꓲ ꓕꓯꓽ ꓢꓲ ꓗꓪ ꓐꓰ ꓡ ꓛꓴꓸ ꓕꓵꓼ ꓡꓵꓸ ꓟꓳꓸ ꓙ ꓔꓬ ꓢꓴ ꓟꓯꓼ ꓐꓰ ꓐꓶ ꓡ ꓠꓰ ꓟꓳ-ꓓꓳ ꓘꓴꓽ ꓗꓪ ꓡꓳ ꓒꓱ ꓙꓵꓽ ꓢꓲꓽ ꓒ ꓐꓰ 2 ꓣꓳ ꓫꓵ꓾ 2 ꓣꓳ ꓡꓲꓹ ꓙꓰꓳ꓿
ꓕꓱ ꓗꓪ ꓣ-ꓫꓸ ꓟꓯꓼ ꓐꓴ ꓠꓬ ꓡꓳ ꓒꓱ ꓙꓵꓽ ꓢꓲꓽ ꓒ ꓫꓵꓻ ꓟꓳ ꓔꓯ ꓣꓴ ꓡ ꓢꓴ ꓐꓴ ꓑꓳꓺ ꓢꓰꓸ ꓫꓵꓻ ꓠꓹ ꓟ ꓐꓟꓫꓵꓻ ꓟꓳꓻ ꓗꓪ ꓐꓳꓽ ꓕꓴꓻ ꓔꓸ ꓡꓳ꓿
ꓬꓴ-ꓗ-ꓣꓲꓸ ꓘꓴ ꓜꓲꓼ ꓞꓳ ꓟꓸ ꓒꓽ ꓕꓲ ꓣꓳ ꓠꓬ ꓫꓵꓻ ꓟꓳꓻ ꓔꓵꓸ ꓙ ꓠꓹ ꓟ ꓖꓳ ꓗꓪ ꓛꓲ ꓡ ꓕꓯꓽ꓾ ꓣ-ꓫꓸ ꓟꓯꓼ ꓕꓲ ꓣꓳ ꓔꓷꓹ ꓓꓳ ꓡ ꓢꓲꓸ “ꓫꓵꓻ ꓟꓳ ꓔꓯ ꓕꓽ ꓠꓶꓽ ꓢꓲꓽ” ꓐꓰ ꓫꓵꓻ ꓟꓳ ꓙꓱ ꓘꓪ ꓗꓪ ꓕꓴꓻ ꓔꓸ ꓟ ꓐꓳꓽ ꓔꓯꓸ ꓫꓶꓺ ꓩꓴ ꓗꓷ ꓡꓳ꓿ ꓖꓳ ꓡꓱ ꓢꓲꓸ ꓫꓵꓻ ꓟꓳꓻ ꓖꓳ ꓫꓺ ꓓꓴ ꓗꓪ ꓬꓲꓸ ꓚꓲ ꓛꓬ ꓥ ꓟꓲ ꓮ ꓢꓳ ꓔꓲꓺ ꓒꓽ ꓔꓯ ꓬꓰ ꓙ ꓡ ꓡꓳ꓿
ꓕꓱ ꓡꓱ ꓐꓰ ꓬꓴ-ꓗ-ꓣꓲꓸ ꓘꓴ ꓜꓲꓼ ꓞꓳ ꓟꓸ ꓒ ꓠꓬ ꓡꓳ ꓒꓱ ꓙꓵꓽ ꓢꓲꓽ ꓒ ꓫꓵꓻ ꓟꓳꓻ ꓫꓺ ꓔꓵꓸ ꓪ ꓡꓰꓳ꓿
ꓮ ꓡꓲ ꓟꓽ ꓬꓰ ꓞꓳ ꓤ ꓟꓽ ꓛꓱꓼ ꓢꓴ ꓙꓳˍ ꓟ ꓡꓰ ꓐꓰ ꓞꓳ ꓤ ꓠꓲꓹ ꓟ ꓙꓳ ꓖꓴ ꓗꓪ ꓙꓳ ꓢꓴ ꓥ ꓟꓲ ꓢꓯꓸ ꓔꓬ ꓢꓰꓽ ꓟ ꓡꓳꓸ ꓓꓳ ꓡ ꓡꓳ꓿
