ꓡ ꓞꓳ ꓟꓶꓽ ꓟꓶꓽ ꓫꓬꓹ ꓫꓬꓹ ꓫꓵꓻ ꓡꓰ ꓝꓲ ꓟ ꓐꓰ꓾ ꓗꓴꓷꓼ ꓮ ꓟꓬꓹ ꓶ ꓡꓯꓼ ꓚꓱꓹ ꓐꓬ ꓡꓰ ꓝꓲ ꓟ ꓚꓳꓦꓲꓓ-19 ꓠꓻ ꓓꓱꓽ ꓕꓱ ꓟ ꓮ ꓡꓲ ꓐꓰ ꓪꓴꓸ ꓔꓴ ꓡ ꓟ ꓙ ꓖꓴ ꓬꓲꓸ ꓚꓰꓺ ꓔꓯ ꓧꓪ ꓟꓰꓹ ꓠꓬꓲ ꓠꓹ ꓟ ꓟꓲ ꓠꓯ ꓗꓪ ꓟ ꓗꓴꓷꓼ ꓓꓽ ꓟ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓮ ꓘꓶꓸ ꓢꓯꓼ ꓕꓵꓼ ꓠꓲꓹ ꓫꓵ ꓔꓬ ꓡꓳ=
ꓙꓼ ꓣꓱꓽ ꓢꓲꓸ ꓪꓴꓽ ꓟꓴ ꓟ ꓗꓴꓷꓼ ꓓꓽ ꓟ 7 ꓟ ꓠꓬ ꓕꓱ ꓟ ꓚꓱꓹ ꓔꓯ ꓠꓲꓹ ꓧꓳꓹ ꓢꓲꓽ ꓧꓳꓹ ꓢꓲꓸ 6 ꓦ 13 ꓠꓬꓲ ꓕꓯ ꓡꓰ ꓧꓶꓽ ꓒꓽ ꓗꓴꓷꓼ ꓗꓪ ꓧꓪ ꓟꓰꓹ ꓐ ꓡ ꓠꓹ ꓟ ꓓꓰꓽ ꓘꓶꓽ ꓕꓱ ꓩꓴ ꓡ ꓡꓳ=
ꓖꓳ ꓡꓱ ꓥ ꓟꓲ ꓚꓳꓦꓲꓓ-19 ꓬꓲꓸ ꓪꓴꓸ ꓠꓻ ꓡ ꓟ ꓧꓶꓽ ꓒꓽ ꓗꓴꓷꓼ ꓠꓬ ꓕꓱ ꓡꓱ ꓧꓪ ꓟꓰꓹ ꓢꓳ ꓣꓴ ꓟ ꓟꓬꓱꓽ ꓔꓯ ꓬꓰ ꓝꓲ ꓠꓲꓹ ꓟꓽ ꓫꓵ ꓐꓯ ꓡꓳ= ꓮ ꓫꓵꓽ ꓪꓴꓸ ꓠꓬꓲ ꓥ ꓟ ꓮ ꓟ ꓥ ꓟꓲ ꓔꓱꓹ ꓔꓱꓹꓼ ꓐꓯ ꓟꓽ ꓐ ꓡ ꓢꓰ=
ꓮ-ꓟꓯ-ꓣꓲ-ꓖ ꓪ ꓔꓲꓸ ꓡꓵ ꓓꓳ-ꓠꓯ-ꓕ-ꓣꓼ ꓠꓬ ꓚꓳꓦꓲꓓ-19 ꓠꓻ ꓓꓱꓽ ꓕꓱ ꓟ ꓔꓯ “ꓧꓶꓽ ꓒꓽ ꓠꓻ ꓓꓱꓽ (ꓚꓧꓲꓠꓮ ꓦꓲꓣꓴꓢ)” ꓐꓰ ꓘꓴ ꓡꓳ=
