ꓟꓬ-ꓟ ꓗꓴꓷꓼ ꓗꓪ ꓙꓼ ꓮ ꓔꓳꓸ ꓢꓯꓼ ꓬꓲꓸ ꓙꓵꓹ ꓒ ꓐꓲ ꓟꓽ ꓪˍ ꓟ ꓑꓶꓸ ꓓꓴ꓾ ꓚ ꓒꓶꓽ (ꓜꓻ ꓒꓶ) ꓗꓪ ꓐꓰ ꓮ ꓔꓳꓸ ꓢꓯꓼ (electricity) ꓐꓰ꓾ ꓧꓪꓽ ꓞꓶ (oil) ꓫꓬꓹ ꓓꓳ ꓡ ꓚꓱꓹ ꓟꓸ ꓖꓶ ꓓꓴ ꓥꓳ꓾ ꓐꓰ ꓟꓣꓝ- Myanmar Rice Federation ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓕꓱ ꓡꓱꓳ ꓫꓵꓽ ꓢꓷ ꓠꓲꓹ ꓔꓯ ꓢꓳ ꓠꓲꓹ ꓫꓵ ꓢꓴ ꓐꓴ ꓠꓬ 2022 ꓘꓳꓼ 3 ꓦ 31 ꓠꓬꓲ ꓟꓽ ꓙ ꓙꓰ ꓕꓯꓽ ꓢꓷꓸ ꓡ ꓝꓲ ꓐꓰ ꓐꓯ ꓔꓸ ꓡꓳ꓿
“ꓳꓸ ꓔꓲꓸ ꓡꓱꓸꓼ ꓙꓰ ꓡꓹꓳ ꓟꓽ꓿ ꓧꓶꓸ ꓕꓯꓽ ꓖꓶ ꓬꓰ ꓠꓬꓲꓳ ꓫꓵꓽ ꓟꓽ ꓛꓱꓼ ꓢꓲꓸ ꓠꓽ ꓔꓸꓳ ꓫꓵꓽ ꓟ ꓔꓯ ꓬꓲꓸ ꓙꓬ ꓖꓳꓻ ꓠꓰ ꓬꓰ ꓡꓹꓳ ꓟꓽ” ꓐꓰ ꓮ ꓔꓳꓸ ꓙꓼ ꓔꓯ ꓟꓳꓸ ꓢꓷꓸ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓔꓯ ꓙꓵꓽ ꓙꓰ ꓡ ꓕ ꓑꓳꓸ ꓮ ꓕꓽ ꓟꓽ ꓚꓰꓼ ꓙꓼ ꓮ ꓔꓳꓸ ꓒꓵꓽ ꓓꓯꓻ ꓡ꓾ ꓮ ꓔꓳꓸ ꓖꓶ ꓙꓵꓹ ꓣꓳ ꓬꓰ (ꓠꓲꓸ ꓡꓰ) ꓡ ꓔꓬ ꓠꓬꓲ꓾ ꓑ ꓫꓬ ꓮ ꓟꓬꓹ ꓠꓬ ꓟꓲꓽ ꓟꓲ ꓛꓲ ꓡꓯꓼ ꓙꓼ ꓮ ꓔꓳꓸ (solar energy) ꓔꓯ ꓧꓪ ꓔꓶ ꓤꓼ ꓢꓴ ꓟꓬꓽ ꓡ ꓔꓬ ꓡꓳ꓿
