2023 ꓘꓳ; 3 ꓦ 28 ꓠꓬꓲ꓾ ꓴꓢꓮ ꓗꓴꓷꓼ꓾ ꓕꓯ-ꓠ-ꓢꓰꓸ ꓟꓵꓽ꓾ ꓠꓯ-ꓫꓲ-ꓐꓲ ꓡꓳ ꓒꓱ ꓗꓪ ꓙꓳ ꓟ ꓙꓲ-ꓢꓲ ꓢꓲ ꓤ ꓤ ꓠꓱ ꓢꓳ ꓦꓲ ꓗꓪ ꓡꓽ ꓛꓴꓸ ꓐꓶ ꓡ ꓢꓲ꓾ 6 ꓣꓳ ꓐꓶ ꓢꓰꓼꓳ꓿
ꓫꓵꓻ ꓢꓴ 6 ꓣꓳ ꓗꓪ ꓐꓰ (3) ꓣꓳ ꓠꓬ 8-9 ꓘꓳꓼ ꓙꓳˍ ꓟ ꓤ ꓠꓱ ꓥ ꓢꓲ꓾ ꓠꓱꓸ ꓐꓯꓼ (3) ꓣꓳ ꓠꓬ ꓞꓳ ꓟꓳꓽ ꓤ ꓟꓶ ꓤ (2) ꓣꓳ ꓐꓰ ꓤ (1) ꓣꓳ ꓥꓳ꓿
ꓡ ꓛꓴꓸ ꓐꓶ ꓢꓴ ꓠꓬ 28 ꓘꓳꓼ ꓡꓳꓼ ꓟ ꓢꓳ ꓟ ꓬꓲꓸ ꓡꓵꓺ ꓳ-ꓓ-ꓬꓯꓹ-ꓦꓯꓸ ꓥ ꓢꓲ꓾ ꓬꓲꓸ ꓔꓯ ꓐꓶ ꓢꓰꓼꓳ꓿
ꓴꓢꓮ ꓗꓪ ꓟꓯꓹ ꓟꓯꓹ ꓟꓴ ꓓꓵꓽ ꓙ ꓞꓳꓸ ꓡꓰ ꓢꓴ ꓐꓴ ꓡꓰ ꓢꓳ ꓦꓲ ꓗꓪ ꓡ ꓛꓴꓸ ꓐꓶ ꓢꓰꓼ ꓟ ꓟꓽ ꓙꓬ ꓔꓲꓸ ꓙꓳ ꓠꓬꓹ ꓥ꓿
ꓢꓳ ꓦꓲ ꓕꓱ ꓟ ꓠꓬ ꓘꓴ ꓜꓲꓼ ꓞꓳ ꓗꓪ ꓐꓰ ꓒꓴ ꓔ ꓟ ꓢꓷꓸ ꓠꓲ ꓙꓳꓥ ꓟꓽ ꓦꓲ ꓥ ꓢꓲꓸ ꓢꓳ ꓢꓴ 200 ꓣꓳ ꓟ ꓞꓲ ꓔꓬ ꓡꓳ꓿
ꓴꓢꓮ ꓗꓴꓷꓼ ꓙꓵꓽ ꓢꓴ ꓙꓳꓹ-ꓐ-ꓓꓲ ꓡꓰ ꓠꓲꓹ ꓥꓴ ꓟꓬ ꓥꓴ ꓟ ꓢꓷꓸ ꓡꓰ ꓓꓴ ꓒꓯꓽ ꓕꓲꓽ ꓕꓱ ꓫꓴꓹ ꓞꓰ ꓔꓶꓸ ꓠꓹ ꓟ ꓕꓵꓼ ꓪ ꓓꓳ ꓩꓴ ꓡ ꓡꓳ꓿
