ꓙ ꓡꓯ ꓘꓳ ꓚꓱꓹ ꓙꓼ ꓢꓷꓸ ꓠꓲꓹ ꓟꓬꓱꓽ ꓬꓰ ꓜꓴ ꓔꓯ-ꓡꓲ-ꓠꓳ (Telenor) ꓠꓬ꓾ ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓙꓵꓽ ꓪ ꓦꓴ ꓢꓴ ꓐꓴ ꓡꓰ ꓮ ꓒꓳ ꓒꓳ ꓗꓪ ꓠꓬꓲꓸ ꓤꓲ ꓡ ꓟ ꓔꓯ ꓗꓹ ꓟꓴ ꓟꓽ ꓢꓱ ꓠꓬꓲ꓾ ꓡꓲ-ꓐꓯ-ꓠꓷ ꓒꓽ ꓶ ꓡꓯꓼ ꓜꓴ ꓟ1 ꓔꓯ ꓓꓳ-ꓡ 105 ꓪꓹ ꓡꓰ ꓪꓴꓽ ꓜꓽ ꓗꓷꓳ=
ꓔꓯ-ꓡꓲ-ꓠꓳ ꓠꓬ ꓠꓳ-ꓪꓯ ꓗꓴꓷꓼ ꓗꓪ ꓐꓰ ꓡ ꓟ ꓙ ꓡꓯ ꓘꓳ ꓢꓷꓸ ꓠꓲꓹ ꓶ ꓡꓯꓼ ꓜꓴ ꓥ ꓢꓲ꓾ ꓟꓬ-ꓟ ꓗꓴꓷꓼ ꓗꓪ 2014 ꓘꓳꓼ ꓕꓯ ꓪꓴꓸ ꓔꓴ ꓢꓲꓸ ꓓꓵꓽ ꓡ ꓡꓳ= ꓖꓳ ꓡꓱ ꓥ ꓟꓲ 2021 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓐꓴ ꓡꓰ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓗꓴꓷꓼ ꓗꓪ ꓬꓰ ꓟꓽ ꓓ ꓡꓳ ꓫꓵꓽ (ꓲꓠꓔꓰꓣꓠꓰꓔ ꓙ ꓡꓯ ꓘꓳ ꓚꓱꓹ ꓑꓲꓸ ꓗꓷ ꓟ꓾ ꓫꓸ ꓕꓱ ꓓꓴ ꓐꓰ ꓠꓱꓸ ꓐꓯꓼ ꓙ ꓡꓯ ꓘꓳ ꓚꓱꓹ ꓗꓪ ꓘꓴꓽ ꓢꓲꓸ ꓠ ꓠꓹ ꓟ ꓐꓰ ꓧꓪ ꓟꓰꓹ ꓟ) ꓬꓰ ꓠꓹ ꓟ ꓗꓴ ꓗꓴ ꓢꓲ ꓕꓵꓼ ꓪ ꓖꓶ ꓡ ꓑꓶꓸ ꓓꓴ ꓬꓲꓸ ꓪ ꓬꓰ ꓠꓲꓹ ꓟꓽ ꓫꓵ ꓟꓲ ꓬꓰ ꓠ ꓗꓷ ꓡꓰꓳ ꓐꓰ꓾ ꓔꓯ-ꓡꓲ-ꓠꓳ ꓡꓰ ꓬꓲꓸ ꓶ ꓤꓼ ꓣꓱꓽ ꓢꓴ ꓐꓴ ꓔꓯ ꓖꓶ ꓬꓲꓽ ꓘꓶꓽ ꓕꓱ ꓗꓷ ꓟ ꓥꓳ=
ꓗꓳꓸ ꓡ ꓟ 6 ꓦ ꓘꓴ ꓗꓪ ꓔꓯ-ꓡꓲ-ꓠꓳ ꓟꓬ-ꓟ ꓗꓴꓷꓼ ꓗꓪ ꓟꓬꓱꓽ ꓬꓰ ꓟ ꓠꓽ ꓗꓷ ꓓꓴ ꓥꓳ ꓐꓰ ꓟꓲꓽ ꓦꓲ ꓥꓳꓽ ꓑ ꓙ ꓡ ꓟ ꓠꓬ꓾ ꓠꓬꓲꓸ ꓠꓬꓲ 2021 ꓘꓳꓼ 7 ꓦ 8 ꓠꓬꓲ ꓕꓯ ꓚꓵ ꓚꓵ ꓒꓬꓱꓼ ꓡ ꓟ ꓥ ꓡꓳ=
