ꓕꓮꓲꓹ ~ ꓟꓬ-ꓟ ꓟꓵꓽ ꓘꓶꓽ ꓗꓪ ꓙꓳ ꓟ ꓒ-ꓬ-ꓔꓳꓹ-ꓢꓴꓽ ꓡꓳ ꓒꓱ ꓔꓯ ꓗꓠꓴ ꓡꓰ ꓙꓵꓽ ꓔꓬꓳ꓾ ꓐꓯ ꓡꓳ꓿
ꓟꓬ-ꓟ ꓟꓯꓼ ꓙꓵꓽ ꓚꓱꓹ ꓟꓴ ꓚꓱꓹ ꓬꓰ ꓔꓬ ꓢꓴ ꓮ ꓙꓵꓽ ꓔꓯ 2023 ꓘꓳꓼ 1 ꓦ 24 ꓠꓬꓲ ꓕꓯꓽ ꓑꓓꓝ ꓐꓰ ꓗꓠꓴ ꓓꓼ (6) ꓟꓯꓼ ꓐꓴ ꓠꓣ ꓖꓼ ꓓꓳ ꓩꓴ ꓗꓷ ꓗꓸ ꓠꓯꓸ꓾ ꓗꓠꓴ ꓙꓵꓽ ꓚꓱꓹ ꓟꓴ ꓚꓱꓹ ꓮ ꓤ ꓤ ꓗꓪꓼ ꓙꓵꓽ ꓡ ꓗꓷ ꓟ ꓥ ꓢꓲ꓾ ꓮ ꓟꓶ ꓠꓬ ꓡꓳ ꓒꓱ ꓔꓱꓹ ꓫꓵꓺ ꓗꓪ ꓬꓳꓹ ꓦꓲ ꓒꓴ ꓢꓲꓸ ꓙꓵꓽ ꓔꓬꓳ꓾ ꓐꓰ ꓗꓲꓚ ꓓꓳꓽ ꓗꓪ ꓐꓯ ꓡꓳ꓿
“ꓟꓬ-ꓟ ꓟꓯꓼ ꓖꓶ ꓮ ꓫꓵꓽ ꓟꓽ ꓘꓶ ꓡꓶ꓿ ꓬꓲꓸ ꓪ ꓟꓯꓼ ꓓꓼ ꓗꓪ ꓟꓽ ꓪꓳꓹ ꓔꓬ ꓥ꓿ ꓡꓳ ꓒꓱ ꓗꓪ ꓠꓬ ꓫꓵꓽ ꓘꓶꓽ ꓚꓱꓹ ꓐꓰ ꓑ ꓫꓬ ꓙꓵꓽ ꓚꓱꓹ ꓟꓴ ꓚꓱꓹ ꓮ ꓙꓵꓽ ꓗꓠꓴ ꓡꓰ ꓧꓳꓽ ꓣꓱꓽ ꓔꓬꓳ” ꓐꓯ ꓡꓳ꓿
ꓡꓳ ꓒꓱ ꓖꓳ ꓟ ꓗꓪ (MNSP)၊(DKBA)၊ (KNU/KNLA-PC) ꓐꓰ (BGF) ꓙꓵꓽ ꓦꓲ ꓙꓳ ꓥ ꓟꓲ꓾ ꓡꓳ ꓒꓱ ꓗꓪ KNU ꓙꓵꓽ ꓚꓱꓹ ꓟꓴ ꓚꓱꓹ ꓬꓰ ꓔꓬ ꓔꓯ ꓗꓽ ꓔꓸ ꓢꓴ ꓟꓽ ꓙꓳ꓾ ꓬꓲꓸ ꓪ ꓥ ꓟꓲ ꓒꓴ ꓒꓴ ꓡꓯꓽ ꓡꓯꓽ ꓕꓲ ꓠꓲꓹ ꓕꓲ ꓪ ꓔꓺ ꓡ ꓔꓬ ꓡꓳ꓾ ꓐꓯ ꓡꓳ꓿
ꓓꓳꓽ ꓬꓲꓸ ꓚꓰ꓾ ꓗꓲꓚ
