2022 ꓘꓳꓼ 2 ꓦ 27 ꓠꓬꓲ ꓕꓯꓽ ꓣ-ꓫꓸ ꓗꓴꓷꓼ ꓙꓵꓽ ꓢꓴ ꓑꓴ-ꓔꓲ ꓡꓰ ꓬꓲꓸ ꓗꓴꓷꓼ ꓗꓪ ꓔꓬ ꓟ ꓠꓴ-ꓗ-ꓡꓲ-ꓬꓸ ꓐꓳꓽ ꓟꓯꓼ ꓔꓯ ꓟꓯꓼ ꓘꓶꓽ ꓐꓱ ꓶ ꓕꓵꓼ ꓡꓵꓸ ꓙꓽ ꓖꓶ ꓠꓹ ꓟ ꓕꓵꓼ ꓪ ꓖꓶ ꓗꓷꓳ꓿
ꓠꓴ-ꓗ-ꓡꓲ-ꓬ ꓐꓳꓽ ꓐꓶ ꓪ ꓡꓰ ꓟꓵꓽ ꓠꓬ ꓕꓲ ꓟꓬ ꓞꓲꓹ ꓗꓪ ꓟꓲꓺ ꓘꓴ ꓓꓽ ꓐꓰ ꓠꓱꓸ ꓜꓲꓽ ꓒꓼ ꓡꓼ ꓗꓷ ꓡꓰ ꓢꓲ꓾ ꓝꓮꓲ ꓟꓴꓽ ꓘꓴꓽ ꓗꓪ ꓐꓰ ꓯꓼ-ꓢꓰꓼ ꓟꓶꓽ ꓦ (acid rain) ꓬꓯꓼ ꓡ ꓢꓲꓸ ꓢꓯꓸ ꓫꓵꓽ ꓙꓳ ꓫꓵꓽ ꓮ ꓙꓵꓽ ꓐꓬ ꓡꓰ ꓐ ꓡ ꓟ ꓐꓳꓽ ꓕꓲ ꓫꓵꓽ ꓥ ꓡꓳ꓿ ꓕꓱ ꓟ ꓔꓯ ꓟꓲ ꓠꓯ ꓗꓴꓷꓼ ꓐꓴ ꓙꓳꓺ ꓔꓬ ꓟ ꓥ ꓡꓳ꓿
“ꓐꓶꓽ ꓗꓴꓷꓼ ꓐꓴ ꓠꓬ ꓶ ꓡꓯꓼ ꓚꓱꓹ ꓗꓪ ꓑꓲꓸ ꓞꓲꓽ ꓢꓲꓸ ꓥꓪ ꓠꓴ ꓔꓯ ꓛꓲꓸ ꓔꓬ ꓡꓳ” ꓐꓰ ꓑꓴ-ꓔꓲ ꓡꓰ ꓐꓯ ꓡꓳ꓿
ꓠꓯ-ꓔꓳꓸ ꓜꓴ ꓗꓪ ꓔꓺ ꓔꓬꓹ ꓟ ꓗꓴꓷꓼ ꓕꓲ ꓐꓱ ꓠꓬ ꓬꓴ-ꓗ-ꓣꓲꓸ ꓗꓴꓷꓼ ꓔꓯ ꓟꓯꓼ ꓶ ꓤ ꓬꓰ ꓙ ꓢꓴ ꓙꓳ ꓡ ꓡꓳ꓿
ꓬꓲꓸ ꓚꓰ꓾ ꓣꓰꓴꓔꓰꓣꓢ
