ꓑ-ꓔꓲ ꓗꓴꓷꓼ ꓫꓵꓽ ꓪꓴ ꓗꓪ ꓡ ꓟ ꓒꓽ ꓐꓴ ꓕꓽ ꓔꓺ ꓐꓰ ꓟꓬ-ꓟ ꓗꓴꓷꓼ ꓗꓪ ꓪꓴꓽ ꓡꓳꓹ ꓬꓰˍ ꓟ ꓡ-ꓟ ꓜꓴ ꓜꓲꓼ ꓗꓪ ꓕꓵꓼ ꓪ ꓓꓳ ꓩꓴ ꓡ ꓡꓳ꓿
ꓦ ꓡꓱ ꓚꓱꓹ ꓪꓽ ꓢꓴ ꓐꓴ ꓠꓲꓹ ꓧꓳꓹ ꓢꓲꓽ ꓧꓳꓹ ꓠꓹ ꓟ ꓐꓱ ꓶ ꓥ ꓢꓲ꓾ ꓑ-ꓔꓲ ꓗꓴꓷꓼ ꓫꓵꓽ ꓪꓴ ꓠꓬ ꓦ ꓡꓱ ꓚꓱꓹ ꓪꓽ ꓢꓴ ꓐꓴ ꓔꓯ ꓬꓲꓸ ꓐꓶꓽ ꓬꓲꓸ ꓧꓽ ꓗꓷ ꓡꓰ ꓝꓲ ꓐ ꓡ ꓠꓬꓲ ꓕꓱ ꓡꓱ ꓕꓵꓼ ꓪ ꓖꓶˍ ꓡꓳ꓾ ꓐꓯ ꓔꓸ ꓡꓳ꓿
2021 ꓘꓳꓼ 2 ꓦ 1 ꓠꓬꓲ ꓗꓪ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓔꓯꓹ ꓙꓰ ꓕꓲꓽ ꓠꓬꓲ ꓗꓪ ꓐꓰ ꓟꓬ-ꓟ ꓡ ꓟ ꓐꓴ ꓗꓳ ꓡꓳ ꓗꓪ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓔꓯ ꓔꓺ ꓢꓴˍ ꓐꓰ꓾ ꓟꓯꓼ ꓔꓯ ꓔꓺ ꓢꓴ ꓠꓬꓲꓽ ꓜꓴ ꓒꓬꓱꓼ ꓡ ꓟ ꓥ ꓡꓳ꓿
ꓧꓶꓸ ꓕꓯ ꓐꓱ ꓓꓴꓽ ꓗꓪ ꓡꓴꓽ ꓟꓶ ꓡꓰ ꓢꓴ ꓡ ꓟ ꓒꓽ ꓪꓰ-ꓣ-ꓔꓴ ꓔꓯ ꓟꓯꓼ ꓗꓳ-ꓢꓰ ꓡꓰ 2023 ꓘꓳꓼ 1 ꓦ 2 ꓠꓬꓲ ꓕꓯꓽ ꓟꓬꓱꓺ ꓓꓳꓽ ꓡꓯꓼ ꓫꓴ ꓖꓶ ꓡꓳ꓿
