2025 ꓘꓳꓼ 8 ꓦ 18 ꓠꓬꓲ ꓕꓯ ꓔꓣꓴꓟꓑ ꓡꓰ ꓜꓰꓡꓰꓠꓢꓗꓬꓬ ꓔꓯ ꓦꓲ ꓒꓴ ꓒꓴ ꓗꓪ ꓡ ꓠ, ꓟ ꓐꓱ ꓶ ꓘꓴ ꓩꓴ ꓐꓰ ꓐꓯ ꓔ ꓡꓳ꓿ ꓕꓱ ꓟ ꓠꓬ ꓣꓼ‐ꓫ ꓗꓴꓷꓼ ꓙꓵꓽ ꓑꓴ‐ꓔꓲ ꓐꓰ ꓖꓪ ꓙꓱ ꓡꓯ ꓘꓳ ꓓꓳ ꓡꓰ ꓗ. ꓠꓯ.ꓼ ꓕꓲ ꓠꓬꓲ ꓗꓪ ꓜꓰꓡꓰꓠꓢꓗꓬꓬ ꓔꓯ ꓘꓴ ꓩꓴ_ ꓟ ꓥ ꓡꓳ꓿ ꓕꓱ ꓟ ꓠꓬ ꓠꓬꓲꓽ ꓧꓪ, ꓕꓲꓽ ꓧꓪ, ꓴꓢꓮ ꓗꓴꓷꓼ ꓾ ꓦꓲ ꓒꓴ ꓒꓴ ꓗꓪ ꓡ ꓢꓲ. ꓖꓪ ꓙꓱ ꓡ ꓟ ꓥ ꓡꓳ꓿
ꓕꓱ ꓕꓲ ꓧꓪ ꓠꓬ ꓣ‐ꓫ ꓗꓴꓷꓼ ꓐꓰ Ukrain ꓗꓴꓷꓼ ꓢꓰꓼ ꓡꓯ ꓘꓳ ꓔꓬ ꓟ 3 ꓘꓳꓼ ꓐꓶꓽ ꓛꓲ ꓡ ꓕꓯ ꓴꓢꓮ ꓗꓴꓷꓼ ꓔꓣꓴꓟꓑ ꓗꓪ ꓐꓰ ꓟꓯꓼ ꓢꓰꓼ ꓡꓯ ꓘꓳ ꓠꓽ ꓡꓰ ꓠ, ꓟ ꓐꓱ ꓶ ꓢꓯꓼ ꓕꓵꓼ ꓖꓪ ꓙꓱ ꓙ ꓔꓬ ꓟ ꓥꓳ꓿ ꓖꓳ ꓟ ꓑꓶ ꓓꓴ ꓜꓰꓡꓰꓠꓢꓗꓬꓬ ꓥ ꓟꓲ ꓴꓮꓓ ꓗꓪ ꓡ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓦꓬꓼ ꓠꓬꓲ ꓠꓬ 8 ꓦ 18 ꓠꓬꓲ ꓕꓯ ꓡ ꓓꓴ ꓥ ꓡꓳ꓿ ꓮ ꓡꓲ ꓫꓵꓽ ꓖꓪ ꓙꓱ ꓢꓲ. ꓪ ꓡꓯ ꓘꓳ ꓡ ꓥ ꓢꓰ ꓐꓯ ꓓꓴ ꓟ ꓢꓰꓼ_ ꓢꓼ ꓔꓬ ꓟ ꓥꓳ꓿
