ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓜꓲꓽ ꓬꓲꓸ ꓡꓵꓺ ꓐꓴ ꓡꓰ ꓧꓳꓽ ꓪꓴꓸ ꓟꓴ ꓔꓬ ꓟ ꓴꓢꓓꓑ ꓑ-ꓔꓲ ꓜꓲꓼ ꓓꓴ ꓓꓽ ꓟ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 10 ꓦ 4 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ ꓠꓯ-ꓑꓲ-ꓓꓳ ꓗꓪ ꓣꓱꓽ ꓬꓰ ꓔꓬ ꓡꓳ꓿
ꓑ-ꓔꓲ ꓢꓽ ꓡ ꓙꓵꓽ ꓴ-ꓔꓸ-ꓕꓯꓸ ꓠꓬ ꓟꓬꓱꓽ ꓠꓽ ꓡꓰ ꓓꓴ ꓥ ꓢꓲ꓾ ꓴ-ꓘꓰ-ꓬꓲ ꓠꓬ ꓔꓳꓹ ꓙ ꓢꓽ ꓡ ꓙꓵꓽ ꓟꓬꓱꓽ ꓣꓴ ꓔꓸ ꓡꓳ꓿
ꓜꓲꓼ ꓓꓴ ꓕꓱ ꓟ ꓗꓪ ꓢꓽ ꓡ ꓙꓵꓽ꓾ ꓔꓳꓹ ꓙ ꓢꓽ ꓡ ꓙꓵꓽ ꓐꓰ꓾ ꓧꓳꓽ ꓢꓴ ꓟꓴ ꓢꓴ ꓐꓴ ꓔꓯ ꓢꓲꓻ ꓣꓴ ꓓꓴ ꓥ ꓡꓳ꓾ ꓐꓯ ꓔꓸ ꓡꓳ꓿
ꓴꓢꓓꓑ ꓑ-ꓔꓲ ꓠꓬ 2010 ꓘꓳꓼ ꓗꓪ ꓠꓬ ꓗꓴꓷꓼ ꓙꓵꓽ ꓪ ꓪ ꓡꓰˍ ꓟ ꓑ-ꓔꓲ ꓥ ꓢꓲ꓾ 2015 ꓘꓳꓼ꓾ 2020 ꓘꓳꓼ ꓗꓪ ꓗꓴꓷꓼ ꓙꓵꓽ ꓪ ꓣꓴ ꓠꓹ ꓟ ꓑ-ꓔꓲ ꓐꓴ ꓢꓲꓻ ꓔꓯꓺ ꓡꓯ ꓘꓳ ꓑꓮꓲ ꓗꓪ ꓠꓡꓓ ꓑ-ꓔꓲ ꓔꓯ ꓞꓳꓸ ꓡꓰ ꓔꓸ ꓟ ꓑ-ꓔꓲ ꓥ ꓡꓳ꓿
