ꓬꓴ-ꓖ-ꓓ ꓠꓬ ꓠꓬ ꓧꓶꓽ ꓒꓽ ꓔꓯ ꓶ ꓡꓯꓼ ꓝꓱꓹ ꓟꓽ ꓘꓴ ꓟ ꓑꓶꓸ ꓓꓴ ꓕꓲ ꓗꓴꓷꓼ ꓡꓱꓸꓼ ꓗꓪ ꓟꓵꓽ ꓗꓳꓹ ꓓꓵ ꓓꓵ ꓓꓳ ꓒꓰꓼ ꓕꓲ ꓟˍ ꓡꓰꓽ ꓙꓳˍ ꓟ ꓙꓱ ꓦꓲ ꓠꓽ ꓔꓶꓸ the Entebbe International Airport ꓔꓯ ꓧꓶꓽ ꓒꓽ ꓡꓯ ꓒꓯꓹ ꓗꓪ ꓡꓯꓼ ꓙꓱ ꓩꓴ ꓠ ꓗꓷ ꓬꓰꓳ꓿
2015 ꓘꓳꓼ ꓗꓪ ꓧꓶꓽ ꓒꓽ ꓡꓰ ꓬꓴ-ꓖ-ꓓ ꓙꓱ ꓦꓲ ꓠꓽ ꓔꓶꓸ ꓫꓬꓹ ꓜꓶ ꓠꓹ ꓟ ꓧꓪ ꓒꓴ ꓓꓳ-ꓡ 207 ꓪꓹ ꓛꓵꓽ ꓥꓪꓸ ꓖꓶ ꓗꓷ ꓡꓳ꓿ ꓕꓱ ꓟ ꓔꓯ ꓝꓱꓹ ꓠꓹ ꓟ ꓦꓬꓼ ꓠꓬꓲ ꓛꓲ ꓡ ꓠꓬ ꓝꓱꓹ ꓟꓽ ꓖꓰꓼ ꓠꓰ꓾ 2021 ꓘꓳꓼ ꓪꓴꓸ ꓗꓪ ꓬꓴ-ꓖ-ꓓ ꓝꓲ ꓓꓴ ꓐꓴ ꓧꓶꓽ ꓗꓴꓷꓼ ꓗꓪ ꓙꓰ ꓢꓲ ꓖꓶ ꓬꓲꓽ ꓙꓰ ꓥ ꓟꓲ ꓮ ꓚꓟꓫꓵꓽ ꓬꓲ ꓚꓱꓹ ꓧꓪ ꓟꓽ ꓟꓳ꓿ ꓧꓶꓽ ꓒ ꓐꓴ ꓠꓬ ꓬꓲꓸ ꓪꓴꓸ ꓙ ꓟꓳ ꓔꓸ ꓟ ꓡꓰ ꓐꓰ ꓬꓰ ꓠꓹ ꓟ ꓟꓽ ꓥ ꓠꓬ ꓙ ꓟꓳ ꓘꓶꓽ ꓔꓯ ꓫꓬꓹ ꓔꓱꓹ ꓠꓲꓹ ꓟꓽ ꓫꓵ꓿ ꓖꓳ ꓟ ꓑꓶꓸ ꓓꓴ ꓮ ꓟꓶ ꓠꓬ ꓙꓱ ꓦꓲ ꓠꓽ ꓔꓶꓸ ꓔꓯ ꓧꓶꓽ ꓒꓽ ꓐꓴ ꓡꓰ ꓗꓪꓽ ꓫꓵꓽ ꓓꓴ ꓒꓬꓱꓼ ꓡ ꓟ ꓥ ꓡꓳ꓿
ꓧꓶꓽ ꓒꓽ ꓠꓬ ꓦꓯꓸ ꓠꓲꓹ ꓙꓲꓽ ꓟ ꓗꓴꓷꓼ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓔꓯ ꓛꓱꓼ ꓡ ꓐꓶꓹ ꓡ ꓟꓽ ꓓ ꓟ ꓚꓱꓹ ꓗꓪ ꓒꓴ ꓮ ꓟꓬꓹ ꓛꓲꓽ ꓖꓶ ꓢꓲꓸ ꓝꓱꓹ ꓟꓽ ꓐ ꓡ ꓠꓬ꓾ ꓟꓵꓽ ꓔꓯ ꓣꓴ ꓕꓽ ꓓꓴ ꓢꓯꓼ ꓩꓴ ꓔꓬ ꓟ ꓥ ꓡꓳ꓿ ꓕꓱ ꓟ ꓔꓯ ꓛꓲꓽ ꓖꓶ ꓥꓪꓸ ꓖꓶ ꓟ ꓪꓻ (debt trap) ꓐꓯ ꓡꓳ꓿
ꓧꓶꓽ ꓒꓽ ꓐꓴ ꓠꓬ ꓬꓲꓸ ꓪ ꓓꓵꓽ ꓙ ꓚꓱꓹ ꓡꓳ ꓚ ꓶ ꓡꓯꓼ ꓬꓰ ꓠꓹ ꓟ ꓟꓲ ꓠꓯ ꓙ ꓧꓶꓹ ꓚꓱꓹ ꓒꓬꓱꓼ ꓡ ꓠꓹ ꓟ ꓐꓱ ꓶ꓾ ꓗꓴꓷꓼ ꓤꓹ ꓤꓼ ꓮ ꓟꓬꓹ ꓔꓯ ꓶ ꓡꓯꓼ ꓚꓱꓹ ꓗꓪ ꓐꓰ ꓪꓻ ꓕꓴ ꓔꓬ ꓡꓳ ꓐꓰ ꓙꓽ ꓘꓶꓽ ꓢꓴ ꓐꓴ ꓡꓰ ꓐꓯ ꓔꓬ ꓟ ꓐꓰ ꓕꓲ ꓡꓰꓹꓼ ꓒꓬꓱꓼ ꓡ ꓔꓬ ꓟ ꓬꓲꓸ ꓗꓸ ꓚꓵ ꓕꓲ ꓟ ꓥ ꓡꓳ꓿
ꓢꓳꓴꓣꓚꓰꓽ ꓲꓠꓓꓲꓮ ꓔꓳꓓꓮꓬ
