ꓢꓳ-ꓡꓳ-ꓟꓳ ꓬꓲ ꓗꓳ ꓡꓳ ꓗꓴꓷꓼ ꓑ ꓫꓬ ꓐꓴ ꓡꓰ ꓗꓴꓷꓼ ꓙꓵꓽ ꓦꓲ ꓐꓰ ꓧꓶꓽ ꓒ ꓶ ꓡꓯꓼ ꓦꓲ ꓐꓴ ꓔꓯ ꓮ ꓔꓳꓸ ꓛꓴ ꓠꓰ꓾ ꓶ ꓤ ꓦꓴ ꓠꓰ ꓬꓰ ꓡ ꓟ ꓑꓶꓸ ꓓꓴ ꓳ-ꓢꓲ-ꓔꓯ-ꓡꓲ-ꓬ ꓟꓯꓼ ꓐꓴ ꓝꓲ ꓩꓴꓳ ꓐꓰ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓟꓳ-ꓣꓲ-ꓢꓲ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓕꓱ ꓡꓱ ꓟꓯꓼ ꓝꓲ ꓩꓴ ꓢꓲꓸ ꓗꓽ ꓙ ꓡꓳꓸ ꓙ ꓠ ꓗꓷ ꓡꓰ ꓟ ꓠꓬ꓾ ꓢꓳ-ꓡꓳ-ꓟꓳ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓢꓳ-ꓖ-ꓐ-ꓬꓯ (ꓢꓳꓖꓮꓦꓮꓣꓰ) ꓓꓰꓽ ꓘꓶꓽ ꓐꓰ꓾ ꓬꓲꓸ ꓪ 2 ꓗꓴꓷꓼ ꓙ ꓟꓳ ꓘꓶꓽ ꓬꓰ ꓔ ꓟ ꓡꓳ ꓚ ꓥ ꓡꓳ ꓐꓯ ꓡꓳ꓿ꓗꓴꓷꓼ ꓗꓪ ꓕꓲ ꓫꓵ ꓫꓵ ꓒꓬꓱꓼ ꓡ ꓕꓯ ꓳ-ꓢꓲ-ꓔꓯ-ꓡꓲ-ꓬ ꓟꓯꓼ ꓝꓲ ꓩꓴ ꓡ ꓓ ꓡꓳ ꓐꓰ ꓙ ꓟꓳ ꓘꓶꓽ ꓕꓳ ꓶ ꓗꓪ ꓐꓳ ꓔ ꓡꓳ꓿
ꓢꓳ-ꓡꓳ-ꓟꓳ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓡꓰ ꓶ ꓡꓯꓼ ꓚꓱꓹ ꓗꓪ ꓗꓴꓷꓼ ꓕꓮꓲ-ꓪ ꓗꓴꓷꓼ ꓔꓯ ꓝꓸ ꓔꓬ ꓤꓽ ꓠꓬꓲꓽ ꓟ ꓗꓪ ꓧꓶꓽ ꓗꓴꓷꓼ ꓔꓯ ꓝꓸ ꓡꓯ ꓘꓳ ꓠꓹ ꓟ 2017 ꓘꓳꓼ ꓗꓪ ꓙ ꓟꓳ ꓘꓶꓽ ꓡꓯꓼ ꓓꓴ ꓢꓽ ꓩꓴ ꓡ ꓠꓬꓲ ꓑ ꓫꓬ ꓐꓴ ꓠꓲꓹ ꓟ ꓧꓶ ꓡ ꓟ ꓥ ꓡꓳ꓿ꓧꓶꓽ ꓗꓴꓷꓼ ꓐꓰ ꓧꓶ ꓡ ꓞꓳ ꓐꓴ ꓠꓬ ꓶ ꓡꓯꓼ ꓚꓱꓹ ꓗꓪ ꓓ ꓥ ꓟꓲ꓾ ꓞꓳ ꓡꓲ ꓞꓳ ꓒꓰꓼ ꓗꓪ ꓟꓲ ꓠꓯ ꓗꓴꓷꓼ ꓮ ꓟꓬꓹ ꓡꓰ ꓠꓲꓹ ꓜꓳ ꓓꓴ ꓒꓬꓱꓼ ꓡ ꓔꓬ ꓡꓳ꓿
Video
