ꓟꓶ-ꓚꓲ ꓠ ꓡꓳ ꓒꓱ꓾ ꓟ-ꓘꓰꓹ ꓘꓹ꓾ ꓬꓲꓸ ꓪꓴꓸ ꓟ ꓡꓲ-ꓢꓴ ꓖꓳ ꓓꓱꓽ ꓔꓲꓹ ꓘꓴ ꓜꓲꓼ ꓞꓳ ꓟꓸ ꓒꓽ Rev. ꓐꓬ-ꓢ ꓠꓬ 2022 ꓘꓳꓼ 6 ꓦ 12 ꓠꓬꓲ꓾ ꓟꓳꓼ ꓡꓳ ꓒꓳꓹ 2:40 ꓙꓵꓹ ꓗꓪ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿
ꓗꓳꓸ ꓗꓷ ꓟ 3 ꓦ ꓗꓪ ꓪꓴ-ꓢ ꓟꓬꓱꓽ ꓬꓰ ꓡˍ ꓟ 25 ꓘꓳꓼ꓾ ꓐꓰ ꓡꓯ ꓒꓯꓹ ꓝꓸ ꓗꓷ ꓟ 46 ꓘꓳꓼ ꓐꓲ ꓡ ꓟ ꓑꓮꓲꓽ ꓬꓰ ꓗꓷ ꓟ ꓥ ꓡꓳ꓿
ꓐꓲ ꓡ ꓟ ꓑꓮꓲꓽ ꓗꓪ
“ꓡꓢꓖ ꓞꓳ ꓪꓴ ꓞꓳ ꓔꓲ꓾ ꓬꓲ. ꓪꓴ. ꓟ ꓡꓲ-ꓢꓴ ꓖꓳ ꓓꓱ ꓔꓲ ꓘꓴ ꓜꓲꓼ ꓞꓳ ꓟꓬꓱ: ꓡꓳ. ꓒ ꓣꓰꓦ. ꓐꓬ-ꓢ ꓠꓬ ꓢꓲ ꓒ ꓠꓯꓸꓼ ꓗꓪ ꓬꓲꓼ ꓟꓶ ꓡꓰ ꓟ ꓓꓳ ꓔꓯ. ꓑ ꓙ ꓪ ꓠꓬꓲ ꓐꓡꓖ ꓢꓲ ꓤ ꓐꓴ ꓮ ꓙꓵ ꓥ ꓟꓲ ꓦꓲ ꓘꓴ ꓡ ꓞꓳ ꓐꓰ ꓕꓲ ꓡꓰꓸꓼ ꓘꓳ ꓙ ꓔꓬ ꓥꓳ= ꓦꓲ ꓘꓴ ꓡ ꓞꓳ ꓾ ꓘꓴ ꓜꓲꓼ ꓞꓳ ꓢꓲ ꓤ ꓐꓰ ꓮ ꓙꓵ: ꓟ ꓕꓯ ꓢꓲ ꓪꓴ-ꓢ ꓗꓪ ꓐꓰ ꓠꓲ ꓗꓴ ꓟꓬ ꓗꓴ ꓟ ꓘꓳ ꓣꓴ ꓟꓶ ꓝꓲ=” ꓐꓰ ꓐꓡꓖ ꓡꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
Rev. ꓐꓬ-ꓢ ꓠꓬ ꓬꓲꓸ ꓞꓲꓼ (68) ꓘꓳꓼ ꓙꓳˍ ꓕꓯꓽ ꓟꓲ ꓠꓯ ꓙ ꓖꓴ ꓫꓱꓽ ꓡꓳꓹ ꓙꓰ ꓢꓲꓸ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿
2022 ꓘꓳꓼ 6 ꓦ 15 ꓠꓬꓲ ꓟꓳꓼ ꓡꓳ (12) ꓙꓵꓹ ꓗꓪ ꓬꓲꓸ ꓪꓴꓸ ꓟ ꓡꓢꓖꓘꓜ 100 ꓘꓳꓼ ꓐꓲ ꓡꓰˍ ꓚꓲꓸ ꓟꓶ ꓓꓴ ꓜꓲꓼ ꓦꓲ ꓗꓪ ꓪ ꓘꓴ ꓜꓲꓼ ꓓꓴ ꓬꓰ ꓢꓲꓸ ꓧꓪ ꓖꓳ ꓓꓱꓽ ꓫꓺ ꓔꓵꓸ ꓓꓴ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ꓿
