2022 ꓘꓳꓼ 10 ꓦ 9 ꓠꓬꓲ꓾ ꓴꓢꓮ ꓟꓲ-ꓠꓲ-ꓢꓳ-ꓔ ꓡꓲ-ꓢꓴ ꓬꓰ-ꓢꓴ ꓘꓴ ꓜꓲꓼ ꓞꓳ ꓗꓪ꓾ Rev. Dr. ꓡ-ꓪꓴꓽ ꓪꓴ-ꓢ ꓟꓬꓱꓽ ꓬꓰˍ ꓟ (50) ꓘꓳꓼ ꓐꓲˍ ꓟ ꓫꓵꓺ ꓙꓴ-ꓐꓲ-ꓡꓲ ꓑꓮꓲꓽ ꓬꓰ ꓗꓷꓳ꓿
“ꓑꓮꓲ ꓗꓪ Rev. Dr. ꓡ-ꓪꓴꓽ ꓚꓺ ꓟꓲꓽ ꓔꓯ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓗꓪ ꓔꓬ ꓟ ꓬꓲꓸ ꓤꓽ ꓗꓪ ꓐꓰ Video Conference ꓬꓰ ꓢꓲꓸ ꓚꓺ ꓟꓸ ꓖꓶ ꓡ ꓪ꓿ ꓙꓵꓹ ꓧꓳꓽ ꓢꓴ ꓠꓬ ꓟꓸ ꓟ ꓮ-ꓓꓴ꓾ ꓟꓸ ꓟꓲꓽ ꓢꓯꓼ ꓖꓶ SU ꓠꓬ Dr. Latt Yishey꓾ ꓶꓽ ꓤ ꓗꓪ ꓐꓰ ꓜꓲꓼ ꓛꓲ ꓡ ꓢꓴ ꓐꓴ ꓠꓬ ꓔꓫ꓾ ꓦꓮ꓾ ꓚꓮ ꓡꓳ ꓒꓱ ꓗꓪ ꓐꓰ ꓥꓳ꓿ ꓮ ꓡꓻ 200 ꓣꓳ ꓛꓲ ꓜꓲꓼ ꓢꓲꓸ ꓗꓹ ꓛꓲ ꓛꓲ ꓑꓮꓲ ꓬꓰ ꓪ ꓡꓰꓳ꓿” ꓐꓰ ꓔꓰꓫꓮꓢ ꓗꓪ ꓐꓰ ꓜꓲꓼ ꓔꓺ ꓙꓰ ꓢꓴ ꓡꓮꓮ ꓟꓬꓱꓽ ꓢꓲꓺ ꓮ-ꓓꓶꓸ ꓙꓬ ꓡꓰ ꓐꓯ ꓡꓳ꓿
Rev. Dr. ꓡ-ꓪꓴꓽ ꓔꓯ 1946 ꓘꓳꓼ ꓕꓯꓽ ꓦꓵ ꓔꓸ ꓢꓲ꓾ 1972-87 ꓗꓪ ꓛꓲ ꓟꓶ-ꓚꓲ-ꓠ꓾ ꓫꓱ-ꓜꓯꓼ ꓢꓲꓽ ꓫꓬ ꓕꓳ ꓶ ꓙꓳꓥ ꓗꓪ꓾ 1994-2005 ꓗꓪ ꓛꓲ ꓑꓲ-ꓳ-ꓡꓱꓽ ꓡꓲꓔꓢꓳꓟ ꓗꓪ꓾ 2006 ꓕ ꓑꓳꓸ ꓴꓢꓮ ꓗꓪ ꓚꓲꓸ ꓡ ꓢꓲ꓾ 2010 ꓕꓯ ꓟꓲ-ꓠꓲ-ꓢꓳ-ꓔ ꓡꓲ-ꓢꓴ ꓬꓰ-ꓢꓴ ꓘꓴ ꓜꓲꓼ ꓞꓳ ꓔꓶˍ ꓟ꓾ 2013 ꓘꓳꓼ ꓗꓪ ꓡꓮꓮ ꓜꓴ ꓔꓶˍ ꓟ ꓣꓱꓽ ꓬꓰ ꓗꓷ ꓡꓳ꓿
Rev. Dr. ꓡ-ꓪꓴꓽ ꓠꓬ 1972 ꓘꓳꓼ ꓗꓪ ꓐꓰ ꓪꓴ-ꓢ ꓟꓬꓱꓽ ꓬꓰ ꓩꓴ ꓡ ꓟ ꓠꓬ ꓞꓲ ꓠꓲꓹ 2022 ꓘꓳꓼ ꓕꓯꓽ (50) ꓘꓳꓼ ꓐꓲ ꓡꓰ ꓟ ꓥ ꓡꓳ꓿
