ꓣꓰꓦ. ꓓꓣ. ꓫꓱ-ꓔ(Gam Seng Shae) (ꓴꓢꓮ- 2021 ꓘꓳꓼ 1 ꓦꓻ 2 ꓠꓬꓲꓺ ꓟꓶ ꓘꓶ 3:30 ꓙꓵꓹ) ꓾ ꓟꓬ-ꓟ ꓗꓴꓷ 3 ꓠꓬꓲꓻ꓾ ꓠꓯꓼ ꓠꓯꓼ 3:ꓳꓳ ꓙꓵꓹ ꓕꓯ ꓢꓲꓺ ꓒ: ꓠꓯꓸꓼ ꓗꓪ ꓬꓲꓼ ꓟꓶ ꓡꓰꓳ= ꓜꓰ ꓔꓲ ꓡꓰ ꓟ ꓦꓲꓻ ꓘꓴꓻ ꓡ ꓞꓳ ꓐꓴ ꓐꓰ ꓫꓵ: ꓤ ꓧꓪ ꓤ ꓐꓴ ꓔꓯ. ꓪꓴ-ꓢ ꓡꓰ ꓠꓲꓹ ꓗꓴ ꓟꓬ ꓗꓴ ꓖꓶ ꓟ ꓟꓶ ꓝꓲ=
ꓣꓰꓦ. ꓓꓣ. ꓫꓱ-ꓔ ꓠꓬ ꓘꓶ-ꓛꓰ ꓐꓰ ꓡꓲ-ꓢꓴ ꓗꓳꓸ ꓡꓳ ꓗꓪ Ph.D ꓬꓲꓸ ꓪꓴꓸ ꓕꓲ ꓣꓳ ꓢꓳ ꓧꓪꓹ ꓡꓰ ꓢꓴ ꓥꓳ=ꓬꓲꓸ ꓠꓬ ꓗꓮꓐꓮ(Kachin American Baptist Association) ꓗꓪ ꓬꓲꓸ ꓪꓴꓸ ꓧꓳꓽ ꓢꓴ ꓕꓲ ꓣꓳ ꓟꓲ ꓥ ꓡꓳ= ꓝꓮꓲ ꓠꓬ ꓟꓵꓽ ꓗꓳ ꓓꓴ ꓓꓴ ꓢꓲ-ꓫꓬ-ꓕꓳ ꓶ ꓥꓳꓽ ꓡꓶꓸ_ꓜꓴ ꓗꓪ ꓟꓬꓱꓽ ꓣꓱꓽ ꓔꓬ ꓢꓴ ꓕꓲ ꓣꓳ ꓟꓲ ꓥꓳ= ꓝꓮꓲ ꓠꓬ ꓢꓲ ꓫꓬ ꓕꓳ ꓶ ꓟꓸ ꓢꓴ ꓟꓲ ꓥꓳ=ꓬꓲꓸ ꓟꓸ ꓗꓳꓸ ꓡ ꓟ ꓐꓰ ꓥꓳꓽ ꓡꓶ_ ꓟ ꓗꓴꓷꓼ ꓠꓬ ꓟꓬ-ꓟ-ꓗꓴꓷꓼ꓾ ꓢꓲ-ꓖ-ꓐꓳ ꓗꓴꓷꓼ꓾ ꓲ-ꓓꓳ-ꓠꓲ-ꓫ ꓗꓴꓷꓼ꓾ ꓟꓶ-ꓡꓯ-ꓫ ꓗꓴꓷꓼ ꓐꓰ ꓕꓮꓲꓼ ꓗꓴꓷ ꓗꓪ ꓟꓸ ꓟꓲ ꓟꓸ ꓟ ꓐꓰ ꓢꓲ-ꓫꓬ-ꓕꓳ ꓶ ꓡꓶ_ ꓟ ꓟꓬꓱꓽ ꓬꓰ ꓗꓳꓸ ꓡ ꓢꓴ ꓕꓲ ꓣꓳ ꓥ ꓡꓳ=ꓬꓲꓸ ꓠꓬ ꓥꓳꓽ ꓫꓵꓽ ꓥ_ ꓟꓲ 8 ꓫꓵꓽ ꓛꓲ ꓫ ꓕꓱ ꓗꓴꓸ꓾ ꓐꓳ ꓗꓴꓸ ꓢꓴ ꓕꓲ ꓣꓳ ꓥꓳ=
2008 ꓗꓪ ꓐꓰ ꓪꓴꓸ ꓔꓴ ꓢꓲꓸ USA, FOLORIDA ꓗꓪ ꓙꓳ ꓟ Jacksonville Kachin Baptist Church ꓗꓪ ꓘꓴ ꓜꓲ ꓞꓳ ꓧꓳꓽ ꓟꓸ ꓒ ꓕꓲ ꓣꓳ_ ꓟꓲ ꓥ ꓡꓳ=ꓡꓮꓮ (Lisu American Association) ꓒꓬꓱꓹꓸ ꓡ ꓠꓹ ꓟ ꓐꓱ ꓶ ꓚꓴ ꓬꓲꓸ ꓖꓶ ꓢꓴ ꓟꓲ ꓥꓳ= ꓴꓢꓮ ꓡꓲ-ꓢꓴ ꓜꓴ ꓔꓶ ꓚꓰ(Constitution and By Law) ꓔꓯꓸ ꓮ ꓡꓲ ꓐꓰ ꓐꓳ ꓠꓹ ꓟ ꓚꓴ ꓬꓲꓸ ꓖꓶ ꓢꓴ ꓟꓲ ꓥꓳ=ꓡꓲ-ꓢꓴ ꓜꓴ ꓗꓪ ꓚꓴ ꓬꓲꓸ ꓖꓶ ꓢꓴ ꓕꓲ ꓣꓳ ꓥ ꓡꓳ=2014 ꓘꓳꓼ ꓗꓪ ꓡꓲ-ꓢꓴ ꓮꓟꓰꓣꓲꓚꓮꓠ ꓘꓴ ꓜꓲꓼ ꓞꓳ ꓡꓳꓥ ꓑꓮꓲꓽ ꓗꓪ ꓥ_ ꓟꓲ ꓔ ꓡ ꓢꓲꓸ꓾ ꓟꓸ ꓟꓲ ꓟꓸ ꓖꓶ_ ꓟ ꓐꓰ ꓢꓯꓼ ꓖꓶ ꓪ ꓖꓶ_ ꓟ ꓜꓲꓼ ꓓꓴ ꓔꓯ 3 ꓦꓬꓼ 3 ꓠꓬꓲ ꓢꓯꓼ ꓙꓳ ꓙꓳ ꓡꓰ ꓟꓸ ꓖꓶ ꓡ ꓢꓴ ꓥꓳ=
ꓬꓲꓸꓦꓲ ꓢꓲ ꓟ ꓐꓰ ꓞꓳ ꓐꓬꓱ꓾
ꓝꓸ ꓢꓲꓸ ꓬꓲꓸ ꓚꓸꓸ ꓟꓲ ꓡꓯ ꓫꓵꓽ ꓐꓳ ꓖꓶ ꓩꓴ ꓡ ꓠꓲ=
