Rev. ꓛ-ꓡꓴ ꓐꓰ꓾ ꓟꓸ ꓟ ꓐꓬ-ꓮ-ꓠ ꓪꓴ-ꓢ ꓟꓬꓱꓽ ꓬꓰ ꓡˍ ꓟ 45 ꓘꓳꓼ ꓙꓴ-ꓐꓲ-ꓡꓲ ꓑꓮꓲ

ꓬꓲꓸ ꓪꓴꓸ ꓟ ꓡꓲ-ꓢꓴ ꓖꓳ ꓓꓱ ꓔꓲꓹ ꓘꓴ ꓜꓲꓼ ꓞꓳ ꓟꓸ ꓒ Rev. ꓛ-ꓡꓴ ꓐꓰ꓾ ꓟꓸ ꓟ ꓐꓬ-ꓮ-ꓠ ꓡꓯ ꓒꓯꓹ ꓝꓸ ꓗꓷ ꓟ ꓐꓰ꓾ ꓪꓴ-ꓢ ꓟꓬꓱꓽ ꓬꓰ ꓡˍ ꓟ 45 ꓘꓳꓼ ꓙꓴ-ꓐꓲ-ꓡꓲ ꓑꓮꓲ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 3 ꓦ 25 ꓠꓬꓲ ꓕꓯꓽ ꓟ-ꓓꓲ-ꓡꓲ ꓗꓪ ꓣꓱꓽ ꓬꓰˍ ꓡꓳ꓿

ꓙꓲ-ꓐꓲ-ꓡꓲ ꓪ ꓘꓴ ꓜꓲꓼ ꓓꓴ ꓗꓪ ꓫꓸ ꓕꓱ ꓢꓴ ꓠꓬ ꓟꓬꓱꓽ ꓡꓳꓸ ꓒꓽ ꓮꓳ-ꓔꓲꓸ꓾ ꓝꓮꓲ ꓪꓴ-ꓢ ꓟꓬꓱꓽ ꓬꓰ ꓛꓳ ꓒꓯꓹ ꓐꓴ ꓡꓰꓽ ꓶꓼ ꓥꓳ ꓙꓱꓽ ꓪ ꓘꓴ ꓙ ꓗꓷ ꓡꓳ꓿

ꓬꓲ ꓪꓽ ꓠꓬꓲ ꓫꓵꓸ ꓢꓴ ꓠꓬ 1977 ꓘꓳꓼ ꓗꓪ ꓐꓰ ꓪꓴ-ꓢ ꓟꓬꓱꓽ ꓬꓰ ꓪꓴꓸ ꓔꓴ ꓡ ꓢꓲ꓾ ꓟꓶ-ꓚꓲ-ꓠ꓾ ꓟ-ꓓꓲ-ꓡꓲ꓾ ꓟꓳ-ꓖꓳꓼ ꓟꓵꓽ ꓗꓪ ꓮ ꓒꓳ ꓒꓳ ꓗꓪ ꓦ ꓡꓱ ꓐꓳ ꓐꓳ ꓘꓴ ꓜꓲꓼ ꓞꓳ ꓟꓬꓱꓽ ꓣꓱꓽ ꓬꓰ ꓗꓳꓸ ꓡ ꓟ ꓥ ꓡꓳ꓿

Rev. ꓛ-ꓡꓴ ꓠꓬ ꓟꓶ-ꓚꓲ-ꓠ꓾ ꓫꓱ-ꓜꓯꓼ ꓗꓪ 1956 ꓘꓳꓼ 5 ꓦ 2 ꓠꓬꓲ ꓕꓯꓽ ꓦꓵ ꓔ ꓢꓴ꓾ 1973 ꓘꓳꓼ ꓕꓯꓽ ꓟꓶ-ꓚꓲ-ꓠ ꓗꓴ-ꓟꓴꓸ ꓟꓬ-ꓟ ꓡꓲ-ꓢꓴ ꓢꓲꓽ ꓫꓬ ꓕꓳ ꓶ ꓢꓳ ꓦꓲ ꓗꓪ ꓢꓳ ꓪꓴꓸ ꓔꓴ ꓢꓲ꓾ 1990 ꓘꓳꓼ ꓗꓪ ꓠꓬ ꓲ-ꓓꓲ-ꓬ ꓗꓴꓷꓼ꓾ ꓗꓳ-ꓧꓰꓸ-ꓟꓸ ꓗꓪ ꓢꓲꓽ ꓫꓬ ꓕꓳ ꓶ ꓝꓸ ꓢꓳ ꓗꓷ ꓢꓴ꓾ ꓡꓲ-ꓢꓴ ꓫꓵꓽ ꓐꓱ ꓶ ꓖꓪ ꓙꓱ ꓙ ꓟ ꓐꓰ ꓚꓴ ꓬꓲꓹ ꓖꓶꓽ ꓙ ꓔꓬ ꓢꓴ꓾ ꓮ ꓟꓶ ꓟ-ꓓꓲ-ꓡꓲ ꓗꓪ ꓘꓴ ꓜꓲꓼ ꓞꓳ ꓔꓯ ꓡꓳꓸ ꓙ ꓧꓳꓽ ꓙ ꓔꓬ ꓢꓴ ꓥ ꓡꓳ꓿

ꓓꓳꓽ ꓬꓲꓸ ꓚꓰ ꓐꓰ ꓐꓬꓱꓽ꓾ https://m.facebook.com/story.php?story_fbid=2355362561272736&id=100003970458830

Share on Facebook

Tweet

Follow us