Audio News ( ꓬꓲꓸ ꓢꓯꓼ ꓠ ꓠꓹ ꓓꓴ)
Video News
ꓞꓲ ꓠꓲꓹ 2022 ꓘꓳꓼ ꓗꓪ ꓠꓬ Claremont School of Theology, California ꓗꓪ ꓐꓰ Ph.D ꓙꓵꓽ ꓪꓴꓸ ꓛꓴ ꓣꓴ ꓟꓶ ꓢꓴ ꓡꓲ-ꓢꓴ ꓤ ꓟꓶꓼ ꓤ ꓕꓲ ꓣꓳ ꓓꓳ ꓡ ꓡꓳ꓿
ꓬꓲꓸ ꓟꓬꓱꓺ ꓠꓬ Rev. Dr. ꓚꓬꓴ-ꓯ-ꓠ ꓥ ꓡꓳ꓿ ꓟꓬ-ꓟ ꓗꓴꓷꓼ ꓗꓪ ꓐꓰ ꓴꓢꓮ ꓗꓪ 2014 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓢꓲꓺ ꓢꓷꓸ ꓠꓲꓹ (Theology) ꓢꓳ ꓙꓰˍ ꓟ ꓥ ꓢꓲ꓾ 8 ꓘꓳꓼ ꓢꓳ ꓓꓳ ꓡꓰ ꓠꓬ Ph.D ꓙꓵꓽ ꓪꓴꓸ ꓛꓴ ꓣꓴ ꓟꓶ ꓡꓰˍ ꓟ ꓥ ꓡꓳ꓿
“ꓥꓪ ꓠꓬ ꓟꓬ-ꓟ ꓗꓴꓷꓼ ꓗꓪ ꓐꓰ ꓡ ꓢꓴ ꓥ ꓡꓳ꓿ ꓤꓽ ꓐꓴ ꓧꓳꓽ ꓪꓴꓸ ꓟꓴˍ ꓟ ꓡꓲꓽ ꓒꓰꓼ ꓙꓳˍ ꓟ ꓟꓵꓽ ꓗꓪ ꓐꓰ ꓡ ꓢꓴ ꓥꓪ ꓕꓲ ꓣꓳ ꓐꓱ ꓶ ꓠꓲꓹ ꓟ ꓗꓪ ꓓꓶꓽ ꓔꓳꓹ ꓡꓯ ꓘꓳ ꓓꓴ ꓐꓯ ꓖꓴ ꓟꓽ ꓓ” ꓐꓰ ꓙꓵꓽ ꓪꓴꓸ ꓛꓴ ꓖꓶꓽ ꓑꓮꓲ ꓗꓪ ꓫꓸ ꓕꓱˍ ꓡꓳ꓿
ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓟ꓾ ꓐꓱ-ꓡꓱ-ꓦꓱ ꓖꓳ ꓓꓱ ꓔꓲꓹ ꓘꓜꓞ ꓗꓪ ꓟ ꓣꓰꓦꓸ ꓥꓪ-ꓚꓬꓴ ꓐꓰ꓾ ꓟꓸ ꓟ ꓬ-ꓢꓲ-ꓠ ꓐꓴ ꓬꓲꓸ ꓮꓸ ꓟꓲꓽ ꓥ ꓡꓳ꓿
ꓟꓸ ꓟ ꓬꓲꓸ ꓔꓯ ꓠꓬ ꓗꓯ-ꓡꓲ-ꓩꓴ-ꓠꓲ-ꓬ ꓘꓴ ꓜꓲꓼ ꓞꓳ ꓗꓪ ꓟꓬꓱꓽ ꓡꓳꓸ ꓟꓬꓱꓽ ꓬꓰ ꓠꓹ ꓟ 2021 ꓘꓳꓼ 7 ꓦ 11 ꓠꓬꓲ ꓕꓯꓽ ꓪ ꓘꓴ ꓔꓲꓺ ꓖꓶ ꓔꓸ ꓟ ꓥ ꓡꓳ꓿
ꓚꓺ ꓟꓲꓽ ꓗꓪ ꓡꓲ-ꓢꓴ ꓐꓴ ꓘꓴꓽ ꓗꓪ ꓐꓰ Ph.D ꓙꓵꓽ ꓪꓴꓸ ꓛꓴꓽ ꓬꓲꓸ ꓪꓴꓸ ꓟꓶ ꓢꓴ ꓤꓽ ꓕꓲꓽ ꓣꓳ ꓠꓬ 2021 ꓘꓳꓼ 1 ꓦ 2 ꓠꓬꓲ ꓕꓯꓽ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰ ꓢꓴ Rev. Dr. Gam Seng Shae (ꓟꓸ ꓒ ꓫꓱꓽ-ꓔꓸ) ꓥ ꓡꓳ꓿ ꓝꓮꓲ ꓤ ꓟꓶꓼ ꓗꓪ ꓐꓰ ꓬꓲꓸ ꓪꓴꓸ ꓟꓶ ꓢꓴ ꓠꓬ꓾ ꓑꓲ-ꓳ-ꓡꓱ ꓗꓪ ꓢꓪꓢ ꓜꓴ ꓧꓳꓽ ꓢꓴ ꓬꓰ ꓔꓬ ꓢꓴ Dr. Ali Yang ꓥ ꓡꓳ꓿
