ꓗ-ꓛꓰ ꓟꓵꓽ ꓗꓪ ꓬꓲꓼ ꓡ ꓟ ꓠꓯ ꓞꓲꓼ ꓐꓰ ꓬꓯꓻ ꓜꓽ ꓫꓵꓽ ꓠꓽ ꓡꓰ ꓝꓲ ꓠꓹ ꓟ ꓟꓬꓱꓽ ꓬꓰ ꓜꓴ ꓑꓼ-ꓙ-ꓢ (Pat Jasan) ꓠꓬ 2 ꓘꓳꓼ ꓛꓲ ꓟꓬꓱꓽ ꓠꓽ ꓗꓷ ꓗꓸ ꓠꓯꓸ ꓮ ꓟꓶ 2022 ꓘꓳꓼ 4 ꓦ 25 ꓠꓬꓲ ꓗꓪ ꓐꓰ ꓕꓲ ꓧꓪꓹ ꓟꓬꓱꓽ ꓬꓰ ꓝꓸ ꓓꓴ ꓥꓳ ꓐꓯ ꓩꓴ ꓡ ꓡꓳ꓿
4 ꓦ 25 ꓠꓬꓲ ꓠꓬ ꓗ-ꓛꓰ ꓟꓵꓽ ꓬꓲꓼ ꓡˍ ꓜꓽ ꓫꓵꓽ ꓒꓳꓹ ꓔꓳꓹ ꓦꓬꓼ ꓠꓬꓲ (Kachin Anti-Drug-Day) ꓥ ꓢꓲ꓾ ꓖꓳ ꓕꓲ ꓠꓬꓲ ꓗꓪ ꓐꓰ ꓕꓲ ꓧꓪꓹ ꓟꓬꓱꓽ ꓬꓰ ꓝꓸ ꓔꓴ ꓙꓰ ꓓꓴ ꓥꓳ꓾ ꓐꓯ ꓟ ꓥ ꓡꓳ꓿
Pat Jasan ꓔꓯ 2014 ꓘꓳꓼ 4 ꓦ 25 ꓠꓬꓲ ꓕꓯꓽ ꓒꓴ ꓪꓴꓸ ꓔꓴ ꓢꓲ꓾ 2020 ꓘꓳꓼ 2 ꓦ ꓗꓪ ꓐꓰ ꓟꓬꓱꓽ ꓬꓰ ꓗꓸ ꓟꓽ ꓘꓳ ꓠꓰ ꓠꓽ ꓔꓸ ꓟ ꓥ ꓡꓳ꓿
Pat Jasan 2015-16 ꓘꓳꓼ ꓗꓪ ꓠꓬ ꓗ-ꓛꓰ ꓟꓵꓽ ꓕꓲ ꓚꓳ ꓡꓳ ꓗꓪ ꓒꓲꓸ ꓬꓯ ꓟꓲ ꓛꓬꓽ ꓠꓬꓲ꓾ ꓒꓲꓸ ꓬꓯ ꓶ ꓡꓯꓼ ꓬꓰ ꓢꓴ꓾ ꓜꓽ ꓢꓴ ꓐꓴ ꓔꓯ ꓜꓲꓽ ꓜꓲ ꓑꓰꓹ ꓑꓰꓹ ꓝꓴꓲꓸ ꓖꓶꓽ ꓠꓬꓲ꓾ ꓬꓯꓻ ꓠꓽ ꓚꓱꓹ ꓢꓷꓸ ꓠꓲꓹ ꓚꓺ ꓟꓸ ꓖꓶ ꓠꓬꓲ ꓢꓯꓼ ꓙꓳ ꓙꓳ ꓬꓰ ꓗꓷ ꓡꓳ꓿
ꓗꓸ ꓠꓯꓸ ꓠꓬ ꓜꓲꓽ ꓜꓲ ꓑꓰꓹ ꓑꓰꓹ ꓟꓸ ꓙˍ ꓕꓯꓽ ꓢꓲ꓾ ꓬꓲꓼ ꓡ ꓟ ꓬꓯ ꓟꓽ ꓜꓱꓽ ꓠꓹ ꓟ ꓑ ꓫꓬ ꓐꓴ ꓔꓯ ꓢꓷꓸ ꓠꓲꓹ ꓖꓶꓽ ꓟꓬꓱꓽ ꓔꓯ ꓟꓬꓽ ꓠꓬꓲ ꓢꓯꓼ ꓕꓵꓼ ꓬꓰ ꓩꓴ ꓡ ꓡꓳ꓿
ꓬꓲꓸ ꓚꓰ꓾ ꓗꓠꓖ
