2024 ꓘꓳꓼ 2 ꓦ 22 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ Online ꓗꓪ ꓐꓰ ꓕꓮꓲ Visa ꓓꓰꓽ ꓦꓬꓼ ꓠꓬꓲ ꓝꓰꓹ ꓪ ꓓ ꓡꓳ꓾ ꓐꓰ ꓟꓬ-ꓟ ꓗꓴꓷꓼ꓾ ꓬꓥ-ꓖꓳꓥ ꓡꓳ ꓒꓱ ꓗꓪ ꓙꓳˍ ꓟ ꓕꓮꓲꓹ ꓗꓴꓷꓼ ꓙ ꓡꓯ ꓘꓳ ꓦꓲ ꓓꓽ ꓟ ꓗꓪ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓲꓸ ꓟꓲ ꓕꓲꓽ ꓠꓬꓲ ꓐꓰ ꓢ ꓖꓶ ꓕꓲ ꓠꓬꓲ (20-21) ꓠꓬꓲ ꓗꓪ ꓠꓬ ꓞꓳ ꓤ ꓝꓯꓸ ꓢꓲꓸ Visa ꓓꓰꓽ ꓦꓬꓼ ꓠꓬꓲ ꓝꓰꓹ ꓣꓴ ꓠꓹ ꓟ ꓥ ꓢꓲ꓾ 22 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓞꓳ ꓤ ꓝꓯꓸ ꓟꓽ ꓛꓲ ꓛꓲ Online ꓗꓪ ꓐꓰ ꓕꓲꓽ ꓠꓬꓲ ꓗꓪ 200 ꓣꓳ꓾ 30 ꓠꓬꓲ ꓗꓪ ꓛꓲ http//:thaicounsularyangon.com/visa/ ꓗꓪ ꓙꓰ ꓢꓲꓸ Visa ꓓꓰꓽ ꓦꓬꓼ ꓠꓬꓲ ꓝꓰꓹ ꓣꓴ ꓓ ꓠꓹ ꓟ ꓙ ꓖꓶ ꓔꓸ ꓡꓳ꓾ ꓐꓯ ꓡꓳ꓿
ꓟꓬ-ꓟ ꓗꓴꓷꓼ ꓗꓪ 18 ꓘꓳꓼ ꓖꓳ ꓑꓳꓸ ꓞꓳ ꓡꓯꓸ ꓐꓴ ꓔꓯ ꓟꓯꓼ ꓬꓰ ꓝꓲ ꓠꓹ ꓟ ꓕꓵꓼ ꓪ ꓓꓳ ꓡ ꓗꓸ ꓠꓯꓸ ꓕꓮꓲꓹ ꓗꓴꓷꓼ ꓗꓪ ꓙꓰ ꓠꓲꓹ ꓫꓵ ꓢꓴ ꓟꓬꓽ ꓡ ꓢꓲ꓾ ꓞꓳ ꓜꓴ ꓞꓳ ꓟꓯꓼ ꓜꓲꓼ ꓡ ꓟ ꓗꓪ ꓐꓰ ꓕꓱ ꓡꓱ ꓬꓲꓸ ꓫꓵꓼ ꓕꓲꓽ ꓚꓱꓹ ꓫꓬꓹ ꓚꓰꓼ ꓩꓴ ꓡ ꓟ ꓥ ꓡꓳ꓿
ꓕꓮꓲꓹ ꓗꓴꓷꓼ ꓗꓪ ꓟꓬ-ꓟ ꓡ ꓞꓳ ꓐꓴ Visa ꓟꓽ ꓓꓰꓽ ꓓꓰ ꓙꓰ ꓠꓬ (14) ꓦꓬꓼ꓾ Visa ꓓꓰꓽ ꓢꓲꓸ ꓙꓰ ꓠꓬ ꓦ ꓐ (2) ꓟ ꓔꓬ ꓪ ꓓ ꓟ ꓥ ꓡꓳ꓿
