NUG ꓗꓴꓷꓼ ꓙꓵꓽ ꓜꓴꓽ ꓢꓽ ꓡ ꓙꓵꓽ ꓓꓴ-ꓪ ꓡ-ꓫꓲꓸ-ꓡꓼ ꓑꓓꓝ ꓟꓯꓼ ꓐꓴ ꓔꓯ ꓢꓯꓼ ꓖꓶꓽ

May 30, 2022TheLisuTimes

NUG ꓗꓴꓷꓼ ꓙꓵꓽ ꓜꓴꓽ ꓢꓽ ꓡ ꓙꓵꓽ (ꓕꓲ ꓑꓹ) ꓓꓴ-ꓪ ꓡ-ꓫꓲꓸ-ꓡꓼ ꓠꓬ ꓑꓓꓝ ꓟꓯꓼ ꓐꓴ ꓔꓬ ꓗꓪ ꓚꓳ ꓛꓲ ꓬꓰ ꓢꓲꓸ ꓢꓯꓼ ꓖꓶꓽ ꓙꓰˍ ꓟ ꓓꓳꓽ ꓓꓳ ꓡ ꓡꓳ꓿ꓖꓳ ꓗꓪ ꓔꓬ ꓟ ꓑꓓꓝ ꓐꓴ ꓢꓷꓸ ꓠꓲꓹ ꓫꓵˍ ꓟ ꓠꓻ ꓠꓬꓲ ꓘꓶꓽ ꓔꓯ ꓒꓳꓹ ꓖꓶꓽ ꓢꓲꓸ ꓣꓱꓽ ꓬꓯꓼ ꓟ ꓶ ꓤ ꓶ ꓟꓲ ꓥ ꓟꓲ ꓖꓶꓽ ꓗꓷꓳ ꓐꓰ ꓐꓯ ꓔꓸ ꓡꓳ꓿

YIꓼ ꓢꓯꓼ(Audio News)

ꓕꓮꓲꓹ ꓗꓪ ꓠꓖꓳ ꓐꓴ ꓔꓯ ꓙꓵꓽ ꓗꓪꓼ ꓔꓳꓼ ꓟ ꓙꓵꓽ ꓗ ꓔꓯ ꓔꓳꓹ ꓔꓬ

May 30, 2022TheLisuTimes

ꓠꓖꓳ ꓔꓯꓸ ꓟꓳꓸ ꓙꓵꓽ ꓗ ꓬꓲꓸ ꓫꓵꓼ ꓫꓬꓹ ꓔꓬ ꓟ ꓔꓯ ꓪꓽ ꓟꓽ ꓓ ꓐꓯ ꓢꓲꓸ ꓕꓮꓲꓹ ꓗꓴꓷꓼ ꓐ-ꓗꓳꓼ ꓡꓳ ꓒꓱ ꓗꓪ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 30 ꓠꓬꓲ ꓕꓯꓽ ꓠꓖꓳ ꓜꓴ (60) ꓗꓪ ꓐꓰ ꓡ ꓞꓳ 100 ꓣꓳ ꓟꓽ ꓞꓲ ꓒꓳꓹ ꓔꓳꓹ ꓘꓴ ꓔꓴ ꓗꓷꓳ꓿

ꓕꓮꓲꓹ ꓟꓯꓼ ꓠꓰ ꓠꓖꓳ (ꓙꓵꓽ ꓢꓴ ꓟꓽ ꓥ꓾ ꓶ ꓡꓯꓼ ꓟꓽ ꓬꓰ꓾ ꓬꓰ ꓙ ꓔꓳꓹ ꓙ ꓜꓴ) ꓐꓴ ꓔꓯ ꓙꓵꓽ ꓗꓪꓼ ꓡ ꓔꓳꓼ ꓟ ꓙꓵꓽ ꓗ ꓬꓲꓸ ꓫꓵꓼ ꓔꓯ ꓪꓽ ꓟꓽ ꓓ ꓐꓯ ꓔꓬ ꓟ ꓥ ꓡꓳ꓿

ꓙꓵꓽ ꓗ ꓫꓵꓼ ꓖꓳ ꓟ ꓗꓪ ꓠꓖꓳ ꓮ ꓡꓲ ꓕꓲ ꓜꓴ ꓥ ꓟꓲ ꓬꓲꓸ ꓪ ꓒꓴ ꓮ ꓡꓲ ꓕꓲ ꓚꓱꓹ ꓗꓪ ꓮ ꓟꓬ ꓣꓱꓽˍ ꓟ ꓗꓴꓷꓼ ꓙꓵꓽ ꓜꓴ ꓔꓯꓸ ꓬꓲꓸ ꓚꓰꓺ ꓬꓲꓸ ꓠꓬꓳ ꓒ ꓡꓱꓻ ꓟꓸ ꓠ ꓔꓸ ꓡꓳ꓾ ꓐꓯˍ ꓡꓳ꓿

ꓠꓖꓳ ꓠꓬ ꓗꓴꓷꓼ ꓙꓵꓽ ꓢꓴ ꓟꓽ ꓥ ꓟ ꓫꓱꓸ ꓤꓼ ꓟꓬ3ꓽ ꓐꓰ꓾ ꓪꓴꓽ ꓟꓴ ꓡ ꓚꓱꓹ ꓗꓪ ꓔꓳꓹ ꓙ ꓬꓰ ꓙ ꓠꓲꓹ ꓫꓵ ꓢꓴ ꓐꓴ ꓡꓰ ꓬꓲꓸ ꓜꓴ ꓒꓴ ꓢꓲꓸ ꓬꓰ ꓙ ꓢꓯꓼ ꓖꓶˍ ꓟ ꓟꓬ3ꓽ ꓥ ꓡꓳ꓿ 

“ꓗꓴꓷꓼ ꓢꓲ ꓡꓲꓹ ꓡ ꓚꓱꓹ꓾ ꓗꓴꓷꓼ ꓔꓯ ꓡꓳꓸ ꓙ ꓗꓽ ꓙ ꓚꓱꓹ ꓐꓱ ꓶ ꓕꓱ ꓡꓱ ꓬꓰ ꓠ ꓗꓹ ꓡꓳ꓾” ꓐꓰ ꓟꓯꓼ ꓙꓵꓽ ꓢꓴ ꓐꓴ ꓡꓰ ꓐꓯˍ ꓡꓳ꓿ ꓙꓵꓽ ꓗ ꓕꓱ ꓟ ꓔꓶ ꓓꓳ ꓡ ꓠꓬ ꓕꓮꓲꓹ ꓗꓪ ꓙꓳˍ ꓟ ꓠꓖꓳ ꓮ ꓟꓬꓹ ꓠꓬ ꓟꓬꓱꓽ ꓬꓰ ꓗꓸ ꓟꓽ ꓘꓳ ꓗꓷ ꓡꓰ ꓡ ꓥꓳ ꓐꓰ ꓙꓽ ꓫꓸ ꓔꓬ ꓡꓳ꓿