Thai Air Asia X ꓓꓯ-ꓪ-ꓡꓲ ꓬꓰ ꓠꓹ ꓟ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓫꓵꓽ ꓪꓴꓻ ꓘꓳ ꓣꓴ
Thai Air Asia X ꓓꓯ-ꓪ-ꓡꓲ (ꓶ ꓡꓯꓼ ꓞꓳꓸ ꓡꓰ ꓢꓲꓸ ꓠꓽ ꓩꓴˍ ꓟ) ꓬꓰ ꓠꓹ ꓟ ꓕꓮꓲꓹ ꓗꓴꓷꓼ ꓓꓯ-ꓪ-ꓡꓲ ꓔꓯ ꓟꓳꓸ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓫꓵꓽ ꓪꓴꓻ ꓘꓳ ꓣꓴ ꓗꓷꓳ꓿Thai Air Asia ꓠꓬ ꓗꓳ-ꓪꓰꓼ ꓠꓻ ꓓꓱꓽ ꓙꓳ ꓡ ꓗꓪ ꓐꓰ ꓕ ꓑꓳꓸ ꓕꓮꓲꓹ ꓗꓴꓷꓼ ꓗꓪ ꓙꓱ ꓦꓲ ꓚꓱꓹ ꓙꓰ ꓠꓽ ꓡꓰˍ ꓟ꓾ ꓓꓯ-ꓪ-ꓡꓲ ꓬꓰ ꓠꓹ ꓟ ꓗꓷ ꓡꓰˍ ꓟ Nok Air, Thai Airways ꓐꓴ ꓒ ꓕꓲ ꓗꓪ ꓖꓼ ꓡ ꓟ ꓥ ꓡꓳ꓿
2 ꓘꓳꓼ ꓛꓲ ꓓꓵꓽ ꓓꓳ ꓢꓴ ꓟꓽ ꓙꓳ ꓗꓷ ꓡꓰ ꓟ ꓑꓶꓸ ꓓꓴ ꓶ ꓡꓯꓼ ꓚꓱꓹ ꓮ ꓙꓵꓽ ꓞꓲꓽ ꓑꓲꓸ ꓡꓰ ꓢꓲꓸ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓪꓽ ꓒꓵꓽ ꓖꓶꓽ ꓟꓽ ꓐ ꓡ꓾ ꓬꓲꓸ ꓐꓶꓹ ꓟꓬꓱꓽ ꓬꓰ ꓝꓸ ꓠꓹ ꓟ ꓬꓰ ꓫꓸ ꓡꓰ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ꓾ ꓗꓴꓷꓼ ꓘꓴꓽ ꓗꓪ ꓖꓳ ꓑꓳꓸ ꓕ ꓑꓳꓸ ꓙꓰ ꓚꓳ ꓠꓹ ꓟ ꓙꓱ ꓦꓲ ꓛꓬꓽ ꓪꓴꓻ ꓔꓸ ꓢꓴ꓾ ꓝꓮꓲ ꓖꓳ ꓟꓶꓸ ꓗꓳ-ꓣꓲ-ꓬ ꓐꓰ ꓙ-ꓑ ꓗꓴꓷꓼ ꓗꓪ ꓙꓰ ꓠꓹ ꓟ ꓠꓬꓹ ꓖꓴ ꓬꓲꓸ ꓛꓬꓽ ticket ꓪꓴꓻ ꓔꓸ ꓢꓴ ꓔꓯ ꓠꓬ 6 ꓦ ꓗꓪ ꓐꓰ ꓚꓰꓹ ꓖꓶꓽ ꓓꓴ ꓥꓳ꓾ ꓐꓯ ꓔ ꓡꓳ꓿
Ref- Bangkok Post
Audio (YI. ꓢꓯꓼ)
Video News
