UK Manchester University ꓗꓪ ꓟꓬ-ꓟ ꓟꓯꓼ ꓘꓰꓹ ꓢꓴ ꓐꓴ ꓔꓯ ꓕꓳ ꓶ ꓢꓳ ꓒꓵꓽ ꓔꓳꓹ ꓙ ꓓꓴ ꓥꓳ
UK University of Manchester ꓗꓪ ꓟꓬ-ꓟ ꓟꓯꓼ ꓘꓰꓹ ꓢꓴ ꓐꓴ ꓔꓯ ꓫꓱꓸ ꓤꓼ ꓙ ꓗꓳˍ ꓟ ꓕꓳ ꓶ ꓢꓳ ꓒꓵꓽ (Humanitarian Scholarship) ꓔꓳꓹ ꓙ ꓓꓴ ꓥꓳ ꓐꓰ ꓢꓷ ꓙ ꓟꓴ ꓙ ꓡꓳ꓿
ꓔꓳꓹ ꓙ ꓒꓴ ꓠꓬ ꓔꓬ ˍꓵꓽ꓾ ꓜꓽ ꓒꓵꓽ꓾ ꓕꓳ ꓶ ꓢꓳ ꓒꓵꓽ ꓐꓰ ꓦꓲꓢꓮ ꓒꓵꓽ ꓮ ꓙꓵꓽ ꓥ ꓡꓳ꓿
ꓖꓳ ꓟ ꓗꓪ ꓙꓵꓽ ꓪꓴꓸ ꓛꓴꓽ ꓟꓽ ꓘꓳꓹ ꓟꓶ ꓔꓸ ꓢꓰꓽ ꓢꓴ (10) ꓣꓳ ꓐꓰ ꓙꓵꓽ ꓪꓴꓸ ꓛꓴ ꓕꓲꓽ ꓫꓵ ꓫꓵ ꓘꓳꓹ ꓟꓶ ꓔꓸ ꓢꓴ (10) ꓣꓳ ꓔꓯ ꓬꓰ ꓙ ꓓꓴ ꓥꓳ ꓐꓯ ꓔꓸ ꓡꓳ꓿
ꓮ ꓡꓲꓳ ꓫꓵꓽ ꓡ ꓞꓳ ꓓꓰꓽ ꓧꓪ ꓓ ꓡ? ꓐꓯˍ ꓠꓬ꓾
- ꓚꓲ ꓛꓬ ꓟꓵꓽ ꓗꓪ ꓟꓯꓼ ꓘꓶꓽ ꓙꓳˍ ꓠꓬꓲ ꓟꓯꓼ ꓘꓰꓹ ꓔꓬ ꓢꓴ꓾
- ꓟꓯꓼ ꓘꓰꓹ ꓢꓲꓸ ꓢꓴ ꓗꓴꓷꓼ ꓗꓪ ꓛꓲ ꓔꓬ ꓢꓴ꓾ (ꓴꓗ ꓗꓪ ꓛꓲ ꓔꓬ ꓢꓴ ꓥ ꓟꓲ ꓓˍ ꓡꓳ)
- ꓴꓗ ꓗꓴꓷꓼ ꓗꓪ ꓕꓳ ꓶ ꓟꓽ ꓢꓳ ꓠꓬꓲ ꓢꓰꓽ ꓢꓴ꓾
- University of Manchester ꓗꓪ 2022/23 ꓕꓯꓽ ꓢꓳ ꓒ/ꓟ ꓫꓵꓼ ꓗ ꓡ ꓠ ꓔꓸ ꓢꓴ꓾
ꓕꓱ ꓕꓲ ꓚꓱꓹ ꓔꓯ ꓟꓳꓸ ꓜꓲ ꓜꓲ ꓟꓴ ꓟꓴ ꓢꓷꓸ ꓡꓰ ꓠꓹ ꓟ https://www.manchester.ac.uk/study/international/finance-and-scholarships/funding/humanitarian-scholarship/?fbclid=IwAR24QNFOc5OpjZswSVi2M6bNsuKlgjNZNjQnLX1XoHXvyYStlaZg7dOfgDshttps://www.manchester.ac.uk/study/international/finance-and-scholarships/funding/humanitarian-scholarship/?fbclid=IwAR24QNFOc5OpjZswSVi2M6bNsuKlgjNZNjQnLX1XoHXvyYStlaZg7dOfgDs ꓗꓪ ꓐꓰ ꓙꓰ ꓢꓲꓸ ꓵꓺ ꓪ ꓓ ꓡꓳ꓿
ꓔꓳꓹ ꓙ ꓒꓴ ꓓꓰꓽ ꓟꓹ ꓟ ꓠꓬ꓾ https://www.smartsurvey.co.uk/s/WT3UOO/https://www.smartsurvey.co.uk/s/WT3UOO/
Manchester University ꓠꓬ 1824 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓔꓸ ꓟ꓾ ꓟꓬꓱ ꓓꓳꓽ ꓞꓼ ꓓꓳꓽ ꓙꓳˍ ꓟ ꓢꓷꓸ ꓠꓲꓹ ꓢꓳ ꓖꓴ ꓕꓲ ꓟ ꓥ ꓡꓳ꓿
//ꓢꓷꓸ ꓡꓰ ꓓꓴ꓾ ꓡꓲ-ꓢꓴ ꓞꓳ ꓡꓯꓸ ꓐꓴ ꓢꓯꓼ ꓕꓵꓼ ꓙꓲꓽ ꓙꓳˍ ꓡꓳ//
ꓟꓸ-ꓘꓰꓹ ꓟꓴ ꓕꓲꓸ ꓢꓷꓸ ꓠꓲꓹ ꓢꓳ ꓦꓲ ꓮ ꓔꓳꓸ ꓙꓬ ꓬꓰꓳ
ꓟꓶ-ꓚꓲ-ꓠ꓾ ꓟꓸ-ꓘꓰꓹ ꓟꓴ ꓕꓲꓸ ꓢꓷꓸ ꓠꓲꓹ ꓢꓳ ꓦꓲ ꓠꓬ 2022 ꓘꓳꓼ 6 ꓦ 15 ꓠꓬꓲ ꓠꓯꓼ 2:30 ꓕꓯꓽ ꓮ ꓔꓳꓸ ꓙꓬ ꓬꓰꓳ꓿ꓢꓳ ꓦꓲ ꓠꓬ 2 ꓝꓸ ꓦꓲ ꓥ ꓢꓲꓸ ꓕꓯꓽ ꓢꓲꓺ ꓕꓲ ꓝꓸ ꓠꓬ ꓮ ꓙꓵꓽ ꓙꓬ ꓖꓪꓽ ꓬꓰꓳ꓿ ꓮ ꓡꓲ ꓕꓲ ꓜꓴ/ ꓕꓲ ꓒꓳ ꓠꓰ ꓛꓴ ꓩꓴ ꓡ ꓟ ꓢꓷ ꓙ ꓟꓴ ꓙ ꓘꓶꓽ ꓟꓽ ꓓꓳ ꓡ ꓢꓰꓽ꓿
ꓮ ꓔꓳꓸ ꓢꓰꓼ ꓢꓴ ꓐꓴ ꓠꓬ ꓠꓯꓼ 3:00 ꓙꓵꓹ ꓛꓲ ꓗꓪ ꓛꓲ ꓡ ꓢꓲꓸ ꓢꓰꓼ ꓪ ꓡꓰꓳ꓿ ꓬꓲꓸ ꓒꓵꓽ ꓮ ꓟꓬ ꓞꓳꓸ ꓡꓰˍ ꓟ ꓟꓽ ꓢꓪꓼ ꓓꓳ ꓡ ꓢꓰ꓿
ꓮ ꓡꓲ ꓐꓯ ꓡꓲꓸ ꓐꓯ ꓟꓸ-ꓘꓰꓹ ꓕꓲꓽ ꓟꓵꓽ ꓗꓪ ꓟ ꓢꓷ ꓠꓲꓹ ꓢꓳ ꓤꓽ ꓐꓴ ꓐꓱ ꓶ ꓠꓬ ꓬꓰ ꓫꓸ ꓡꓰ ꓓꓴ ꓙꓳ ꓡꓰ ꓟ ꓐꓯ ꓟꓽ ꓛꓲꓳ꓿
