ꓠꓬꓲꓸ ꓠꓬꓲ 2022 ꓘꓳꓼ 2 ꓦ 6 ꓠꓬꓲ ꓕꓯꓽ ꓠꓴꓖ ꓗꓴꓷꓼ ꓙꓵꓽ ꓜꓴ ꓝꓲꓸ ꓖꓳꓻ ꓚꓱꓹ ꓐꓰ ꓣꓱꓽ ꓚꓱꓹ ꓙꓵꓽ ꓗ ꓓꓳ ꓡ ꓡꓳ꓿
ꓙꓵꓽ ꓗ ꓖꓳ ꓟ ꓗꓪ ꓝꓲꓸ ꓖꓳꓻ ꓫꓺ ꓟꓶˍ ꓟ ꓗꓪ ꓐꓰ ꓗꓴꓷꓼ ꓙꓵꓽ ꓜꓴ ꓠꓬ 30%꓾ ꓗꓴꓷꓼ ꓫꓴ ꓙꓵꓽ ꓜꓴ ꓠꓬ 30% ꓐꓰ꓾ ꓑ ꓫꓬ ꓟꓯꓼ ꓠꓬ 40% ꓐꓹ ꓡꓯ ꓘꓳ ꓓꓴ ꓐꓯ ꓔꓸ ꓡꓳ꓿
ꓣꓱꓽ ꓚꓱꓹ ꓙꓵꓽ ꓗ
ꓣꓱꓽ ꓚꓱꓹ ꓔꓯ ꓟꓳꓸ ꓠꓬ꓾ ꓗꓴꓷꓼ ꓙꓵꓽ ꓜꓴ ꓟꓶˍ ꓟ 30% ꓗꓪ ꓐꓰ 10% ꓠꓬ ꓗꓴꓷꓼ ꓫꓴ ꓐꓴ ꓔꓯ ꓬꓰ ꓙ ꓔꓳꓹ ꓙ ꓟꓬꓱꓽ ꓚꓱꓹ ꓗꓪ ꓣꓱꓽ ꓠꓹ ꓟ꓾ ꓗꓴꓷꓼ ꓫꓴ ꓙꓵꓽ ꓜꓴ ꓐꓴ ꓟꓶˍ ꓟ 30% ꓗꓪ ꓐꓰ 10% ꓠꓬ ꓫꓱꓸ ꓤꓼ ꓟꓬꓱꓽ ꓚꓱꓹ ꓗꓪ ꓣꓱꓽ ꓠꓹ ꓟ ꓐꓰ꓾ ꓟꓯꓼ ꓐꓴ ꓟꓶˍ ꓟ 40% ꓗꓪ ꓐꓰ 20% ꓠꓬ ꓢꓲꓹ ꓠꓯ ꓟꓵꓽ ꓙꓵꓽ ꓗꓽ ꓡꓳꓸ ꓙ ꓟꓬꓱꓽ ꓚꓱꓹ ꓗꓪ ꓣꓱꓽ ꓠꓹ ꓟ ꓙꓵꓽ ꓗ ꓔꓶ ꓔꓸ ꓡꓳ꓿
ꓙꓵꓽ ꓗ ꓕꓱ ꓟ ꓠꓬ ꓠꓴꓖ ꓗꓴꓷꓼ ꓙꓵꓽ ꓜꓴ ꓙꓳ ꓔꓬ ꓕꓻ ꓑꓳꓸ ꓣꓱꓽ ꓓꓴ ꓥ ꓢꓲ꓾ ꓫꓬꓹ ꓑꓱ ꓫꓬꓹ ꓡꓶꓸ ꓓꓴ ꓬꓰ ꓐ ꓡ ꓡꓳ꓾ ꓐꓰ ꓐꓳ ꓔ ꓡꓳ꓿
